Felix林智樂首次入職場 謹記兩件事：控制自己情緒避免衝動

Felix指每段經歷受過教訓後，就會知道點樣避開佢！

歌手林智樂（Felix）接受黎莉主持的新城《勁爆樂勢力》訪問，宣傳新歌《年輪海》，Felix透露新歌並非情歌，而是一首關於時間和成長類別的歌曲，他稱：「監製Cousin Fung叫我錄音時，當自己係一個好老嘅人，喺棵樹下分享自己嘅故事畀一班天真爛漫嘅小朋友聽，我聽到佢咁講就好有感覺，嗰一take覺得自己唱得最好嘅。」

歌手林智樂（Felix）接受新城《勁爆樂勢力》黎莉訪問。

Felix宣傳新歌《年輪海》。

入行超過兩年，20歲的Felix直言過往未曾正式進入過職場，所以一路走來都戰戰兢兢，他稱：「要控制自己情緒同避免衝動，我有時會好冷靜，但有時都頗衝動，因為自己冇真正入過職場，所有人都好似訓練緊自己，當然遇過好人、貴人同畀磨練你嘅人，每段經歷受過教訓後，就會知道點樣避開佢。」

談到在《年輪海》MV中扮牛仔布裁縫師，Felix透露整個構思是由公司同事提供，他表示：「今次好快已經知道首歌係講時間同成長，於是佢哋諗到牛仔布都要經歷好多重洗水、染、剪先成為大家見到的牛仔褲，同時間人生好有關係，都要面對好多唔同嘅難關，所以就攞嚟做MV主題。」

Felix透露新歌《年輪海》並非情歌，而是一首關於時間和成長類別的歌曲。

他在MV中扮牛仔布裁縫師。

而林德信（Alex）在MV中驚喜現身，對於為何邀請對方演出？Felix表示公司得悉對方熱愛牛仔時裝，對牛仔布亦甚有研究，故提議找他演出，Felix稱：「我話如果Alex肯當然好啦，跟住佢又OK，於是佢嘅出現就成為呢個MV嘅彩蛋。」

elix直言過往未曾正式進入過職場，所以一路走來都戰戰兢。

詳細內容，請重溫5月17日，下午12:00 – 1:00，新城知訊台《勁爆樂勢力》節目 ，重溫網址：https://www.metroradio.com.hk/MetroInfo/

安俊豪帶病都堅持唔甩底！

新城廣播《新城體育會》上周六（6月22日）再次出動，今次由新城廣播節目主持黎莉充任隊長帶領歌手安俊豪、龔柯允及鄺星宇，代表《新城體育會》出席在荃灣某商場舉行的「飛越啟德100KM跑步機慈善挑戰賽2024」，參與「傳媒及名人組」10公里賽事，而新城廣播總經理（項目及商業事務）朱靜宜和項目總監葉碧梅特別到場為他們打氣。

安俊豪嘔吐不適堅持到場。

龔柯允落力跑。

鄺星宇

隊長黎莉最後衝線！

這次全港最大型的室內跑步機超馬接力賽，除了吸引超過600名跑手及運動員參加外，還有多個企業、機構和名人等組隊參與，齊齊身體力行共襄善舉，用行動和汗水，支持「啟德體育園」社區體育發展，同時為有需要的人士帶來幫助。比賽期間，黎莉、安俊豪、龔柯允及鄺星宇輪流接力跑，雖然安俊豪早上嘔吐不適，但他都堅持到場，並且跑到大汗淋漓，最後由黎莉衝線，4人合力在1小時37秒順利跑完10公里賽事。

黎莉、安俊豪、龔柯允及鄺星宇輪流接力跑。

安俊豪表示最初還未熟習跑步機性能，要運用一點技巧，他稱：「特別之處控制唔到跑步機的快慢，一開始諗住用番自己平均速度，點知佢愈嚟愈快，慢啲又太慢，所以都用咗段時間去熟習個速度，本身今日有少少唔舒服，但嚟到呢到都好開心，係一個新體驗，同三位一齊跑好正，好有團隊精神。」身形嬌小的龔柯允亦落力跑，她笑言：「跑完勁開心，成個人健康咗。」鄺星宇則表示已盡自己能力愈跑愈快，還搞笑謂：「好彩唔係跑包尾。」而隊長黎莉最後衝線，跑得滿身大汗，老公及囝囝在場外不斷為她打氣，她笑言：「好彩順利完成，不過好開心，多謝3位歌手一齊支持，尤其安俊豪帶病都堅持唔甩底。」

新城廣播總經理（項目及商業事務）朱靜宜和項目總監葉碧梅特別到場為他們打氣。