董伯伯的團結香港基金團隊用咗唔少心機研究，出台「強化東大嶼都會」計畫，建議在坪洲、交椅洲、喜靈洲和周公島之間填出一個大型的人工島，面積約為2200公頃，撥出當中的28%至32%土地，用作住宅用途，能提供25萬至40萬個新住宅單位，打造容納70至110萬人口的新城市。
基金會並建議預留當中至少7成用作公營房屋，其他土地可用新興工業及康樂設施等用途。
「強化東大嶼都會計畫」建議打造的新市填設計圖。
外界一聽到2200公頃，可能覺得係一個天文字數字，不過，Ariel睇番基金會報告中整合的資料，其實比較起成日攞嚟同香港比較的深圳同新加坡，呢個填海大計都可以形容為「小巫見大巫」。
在過去十年，深圳的填海造地面積超過5000公頃，未來亦計畫再填海約5500公頃，而新加坡過去十年填海面積亦超過2000公頃，未來就計畫再填海造地接近5000公頃。從這些數字可見，唔少鄰近城市都係以填海來增加土地供應，維持城市的競爭力。
香港與深圳、新加坡等地在過去十年和未來填海規模比較圖(團結香港基金資料)
報告中有一個有趣發現，香港在過去20年間，新市鎮的發展停滯不前，最近的一個新市鎮，係90年代開始建造的東涌新市鎮，呢個亦係新機場大計的一個分支。亦即係話回歸以來，香港政府就無再推出過任何新市鎮發展規劃。曾幾何時，新市鎮發展係香港的熱門用詞，60年代有荃灣，70年代有沙田、屯門、上水粉嶺、元朗、大埔，80年代開始推出的有將軍澳、天水圍，90年代的東涌新市鎮，這些新市填版塊有一半以上包含咗填海造地。
團結香港基金資料
高人話回顧這些資料，可見配合香港發展的新市鎮計畫，填海係一個主要土地來源，香港回歸之後就無再推動過任何新市鎮大計，原因多方面，有既得利益的阻力，亦有體制的問題，近年環保意識高漲，每有大型基建必引來司法覆核，不似港英年政府年代一早拍板，幾難再有大規模反對聲音，而深圳、新加坡這些城市亦係相對專制體制，一旦落實就集中力量辦大事。因此香港要落實大型填海規模，再完美的研究建議，還要看政府的政治意志和決心，以及社會能否有凝聚到共識，再唔大規模造地，香港好難有發展前景。
Ariel
** 博客文章文責自負,不代表本公司立場 **
