電動車品牌MG在香港大舉擴張,今年計劃加開5個展銷廳。其中之一的九龍灣大型展銷廳今日開幕。
![MG九龍灣宏光道億京中心展銷廳開幕。](https://image.bastillepost.com/704x/wp-content/uploads/blogger/2024/05/20240514_BLOG_S1.jpg.webp)
MG九龍灣宏光道億京中心展銷廳開幕。
開幕禮上,MG總代理富利堡老闆黃毅力向Sebastian透露,佢舊年去倫敦與MG及上汽集團的高層開會,最後商定今年大幅擴大在香港的推廣,要開5間展銷廳。
![富利堡集團主席黃毅力。](https://image.bastillepost.com/415x/wp-content/uploads/blogger/2024/05/20240514_BLOG_S2.jpg.webp)
富利堡集團主席黃毅力。
由於內地有10個電動車品牌會在香港混戰,做展銷廳的黃金地段都十分搶手。黃毅力就馬上同億京集團聯絡,最終鎖定九龍灣宏光道1號億京中心的大地鋪租約,喺嗰度開展銷廳。
![MG Cyber Star 跑車。](https://image.bastillepost.com/704x/wp-content/uploads/blogger/2024/05/20240514_BLOG_S3.jpg.webp)
MG Cyber Star 跑車。
面對競爭激烈的電動車市場,黃毅力點諗?佢就話唔怕競爭,反而認為競爭愈多愈好。佢亦都唔怕「減價戰」,因為競爭唔係淨係減價錢,亦要講產品質素及售後服務。
另外,MG即將推出M9電動七人車,黃毅力估計呢架車會有良好的銷路,因為電動車同普通油車唔同,油車停車要熄匙,而電動車停車就不用熄匙熄冷氣,適合經常喺車內等候的人,例如家長平日去接載小朋友相當方便。
![MG即將推出的M9電動七人車。](https://image.bastillepost.com/704x/wp-content/uploads/blogger/2024/05/20240514_BLOG_S4.jpg.webp)
MG即將推出的M9電動七人車。
![M9七人車內籠相當寛敞。](https://image.bastillepost.com/704x/wp-content/uploads/blogger/2024/05/20240514_BLOG_S5.jpg.webp)
M9七人車內籠相當寛敞。
現場就有一位大老闆,出席開幕禮之後就講起,好有興趣買返一批七人車,話一架車一個月可以慳返3000蚊以上的油錢,一年就節省3-4萬,車越多慳得越多,條數好襟計。
Sebastian
** 博客文章文責自負,不代表本公司立場 **