伍允龍想娶心地好靚老婆新劇打到撞爛道具牆

2022年02月15日 22:51 最後更新：23:17

打到飛起。

伍允龍(Philip)於TVB新劇《鐵拳英雄》中打到飛起，拳拳到肉，不過，辛苦得有價值，因為可以跟《城寨英雄》演員陳展鵬、王君馨、唐詩詠等重聚，日日充滿歡笑聲，跟王子涵嘅感情線又好有發揮。現實中44歲嘅Philip坦言好想搵到拍拖及結婚對象，最好有愛心兼且靚女，睇嚟真係唔易搵喎！

點擊看圖輯

伍允龍好想搵到拍拖及結婚對象。

44歲嘅伍允龍揀偶好有要求。

伍允龍拳拳到肉。

新劇《鐵拳英雄》中被打到黐埋牆。

劇中跟王子涵有感情線。

傳過伍允龍跟鍾嘉欣秘戀8年。

他形容跟Aka只係好close嘅朋友。

2016年傳過伍允龍帶同緋聞女友劉佩玥參與朋友聚會。

伍允龍跟《城寨英雄》演員聚頭。

伍允龍恨娶心地好靚老婆新劇打到飛起撞爛道具牆

伍允龍每次拍戲都唔少得晒功架，今次最開心可以揀用較熟悉嘅洪拳，打起嚟更加容易表達。印象最深刻有幕被打到黐埋牆嘅戲，為咗效果逼真，Philip要跳起嚟再撞埋牆，由於力度太猛撞毀咗發泡膠牆，搞到監製文偉鴻要運用CG做後期修復：「我武師出身，呢啲只係基本嘢啫，咁要用力先有說服力。」他又大讚陳展鵬及陳山聰打得愈來愈好，打得有節奏及美感。

跟趙慧珊只屬密友

劇中他跟王子涵有感情線，縱然先後跟鍾嘉欣、劉佩玥(Moon)、趙慧珊（Aka）及金融小花等傳過緋聞，但伍允龍強調未有女朋友，亦好恨拍拖甚至結婚及生小朋友：「其實我冇乜緋聞啫，我同Aka係好close嘅朋友，識佢好耐，所以搵佢做電影《潛行者》女主角。」至於揀偶條件，Philip好直率坦承想搵靚女：「有愛心、心地好、鍾意我、我鍾意佢、志趣相投嘅女仔(要唔要揀靚女？)要！邊個唔要靚女呀？自己都想搵個順眼靚女，望住對方要開心嘅，但要喺愛心及性格上作出平衡。」

往下看更多文章

運鈔大劫案｜伍允龍談驚險拍攝過程預告將陪女友甜蜜渡首個聖誕

由霍穗強執導、動作演員伍允龍、吳樾、包貝爾、安志杰與元彪主演的動作電影《運鈔大劫案》昨日（12月23日）假奧海城 The Sky 戲院舉行好友特別場放映，而主演伍允龍更親身到場為新戲宣傳，更貼心與粉絲逐一合照及簽名，率先為觀眾送上聖誕驚喜。活動當晚雲集電影圈好友包括黃柏高（Paco）及一眾傳媒到場，一同見證這場「大茶飯人人有份」的電影序幕！

伍允龍談到這次角色的挑戰時表示：「今次拍呢部戲都有好多打鬥動作，好開心可以再同元彪師傅合作，仲有加埋安志杰，我哋日日喺片場都係打住過。呢次對我嚟講都係餐『大茶飯』，袋咗好多功夫操藝落袋。」他笑言與元彪師傅已有幾年冇合作，今次再度合作感開心，劇中講述元彪加入戰團與伍允龍對決，拍出「致命鎖喉」及「腳剎飛車」等高難度動作，動作張力十足。談及拍攝時的難忘經歷，伍允龍透露在拍攝一場車戰戲時，開車門出鏡被槍帶勾腳拖行受傷，更要入醫院做手術休養兩星期：「嗰場真係幾危險，不過劇組好細心，之後安排我先拍文戲，等我休息返好先再上場，都真係好好彩！Thanks God。」

伍允龍被問及近期工作時指：「而家自己忙緊一部戲自己開嘅戲處理緊後期，另外有幾部戲都做緊後期」，並展望新一年人人有「大茶飯」。至於聖誕節安排，他笑說：「今年唔駛開工，會靜靜地過下節，(會唔會陪下女朋友?) 都係陪下女朋友啦。（第一個Christmas一齊過？）係呀，第一個Christmas都幾開心！」提到女友李蔓瑩（Renee）日前出埠工作，他甜笑指：「佢一落機去到邊度，幾乎日日都send相畀我，我基本上知晒佢行程，好似喺身邊一樣，哈哈！」

《運鈔大劫案》講述一場震驚全國的運鈔車大劫案，讓原本互相不對盤的翁婿二人被捲入危機。當警方線索指向「螫婿」小寶與「老頑固」岳父老趙時，兩人為洗脫嫌疑，聯手展開一場鬥智的逃亡行動，電影充滿打鬥動作及爆炸場面，節奏緊湊。電影《運鈔大劫案》由愛奇藝影業出品及全球發行，Unicycle Entertainment、南方影業有限公司、益思文化、澳門力捷娛樂有限公司、澳門浩嘉商務專業顧問有限公司及 Creative Media Network Company Ltd 港澳聯合發行，將於12月25日聖誕節正式上映。

你或有興趣的文章

伍允龍想娶心地好靚老婆新劇打到撞爛道具牆