日前與初確張松枝同埸古天樂稱已做檢測呈陰性

娛圈事

日前與初確張松枝同埸古天樂稱已做檢測呈陰性

2022年02月25日 23:10 最後更新：23:12

大家都要保重身體！

新冠病毒入侵娛圈，連日來都有多名藝人中招，而今日（25日）張松枝就於社交網透露做快速測試後，結果呈陽性，初步確診新冠肺炎，現正在家隔離，他形容症狀就如重感冒。

由於張松枝近日曾為新戲《九龍城寨‧圍城》開工，同場仲有唔少藝人，其中就包括古天樂。而古天樂今晚亦在社交網報平安：「多謝大家關心，因為工作關係連日來都有不斷做檢測，全屬陰性。祝松枝早日康復，大家身體健康」。影迷都紛紛留言希望偶像保重身體呀！

往下看更多文章

張松枝進軍YouTube界自爆曾是御用MV演員

2024年04月23日 17:00 最後更新：04月24日 14:33

張松枝後生時都好靚仔。

曾是TVB「綠葉王」張松枝近日轉型做YouTuber，聯同「泰臣」（翟凱泰）、羅雲龍師傅開Youtube Channel「男團澡堂」，並於首集分享入行經過，全集氣氛輕鬆。

現年55歲、有「港版孔劉」之稱的張松枝自認年輕時係一名靚仔，坦言自細已經想做演員，張松枝表示：「我做model先，首先都要照吓塊鏡，真係有潛質喎！上吓個榜又幾標準喎！身材又唔錯喎！」之後16歲的張松枝到石澳游水後在酒樓用餐時，旁邊有廣告團隊派了張卡片給他，叫他去試鏡，就這樣就入行開始拍廣告，每次收3、400元。

後來到卡拉OK開始蓬勃時就接拍MV，他指﹕「淨係拍新歌，拍返廿年前嘅歌，要好多人去拍」，而他更指自己是御用MV演員，更大爆拍MV大部分時間都是自備衣服。張松枝透露20歲時已經成功賺到第一桶金：「係呀！嗰種虛榮感出咗嚟，因為出到街有人認到你，適逢過年擺年宵，我擺啲氣球，真係賣晒，原來名氣係咁梗要。」