呂爵安單飛新歌MV星光熠熠 家英哥小儀齊齊粉墨登場

MIRROR成員呂爵安（Edan）昨日（1日）推出跳唱新歌《Elevator》，並邀請一班好友客串做MV嘉賓，當中包括：Anson Lo & Jer@MIRROR飾演裝修工人、羅家英飾演的士司機、阮小儀飾演滿身血漬斑斑的新娘，以及《闔家辣》導演鄭晉軒（Coba）飾演的外賣仔。Edan說：「咁啱MV裡面有咁多角色需要搵人去演繹，其中家英哥同小儀好快就喺我腦海中彈咗出嚟，仲有Jer、Anson Lo同Coba，好開心嚟幫手參與，我相信本身有留意我嘅人或者我嘅粉絲（爵屎）都會對佢哋嘅參演感到興奮。」

Anson Lo及Jer撐Edan。

阮小儀飾演滿身血漬斑斑嘅新娘，個樣都幾恐怖。

呂爵安跳唱新歌出盡人情牌，羅家英扮的哥小儀做恐怖新娘。

肥仔做排舞老師

首次單人匹馬演繹跳唱作品，沒有MIRROR一班好兄弟在身旁，Edan坦言有感到孤單，但怯的感覺更見強烈，他說：「其實真係到咗自己一個去做跳唱，先發覺自己喺跳舞上好冇信心，驚自己跳得唔好。今次搵咗肥仔（梁業）排舞，佢喺我大學時已經係我跳舞老師，不嬲對佢排舞好有信心，因為識諗好多畫面嘢填補我嘅不足，但自己仲有好多動作做得唔夠好，所以拍MV前一晚，肥仔都幫我加操一堂。」不過，Edan在正式埋位時，第一個出錯，他隨即喊停，更搞笑道：「我呢啲叫以身試法，跳錯要即刻出聲，唔好嘥力。」

Edan首次單人匹馬演繹跳唱作品，冇咗MIRROR兄弟在旁，佢都話有啲孤單。

肥仔做排舞老師。

《Elevator》的歌詞是想借升降機比喻人生中的重重關卡，問是否他的寫照，Edan坦言向來做事都抱順其自然心態，能夠自我安慰同時又夠positive（正面），所以很多時候都只想做好本份，但Edan也偷偷分享自己偶爾心急的一面，他說：「唱歌阿Sir成日話我好急，例如佢教我一個Exercise，我就會係咁做，我個人係鍾意用死力，死衝爛衝，但喺其他處事方面，我又唔係咁急嘅！」

《Elevator》嘅歌詞係想借升降機比喻人生中嘅重重關卡。

新生代唱作人 Edwin Tong 於2025年結束前，推出本年度第三首個人單曲《霧氣上的字》，持續以其全才姿態，一手包辦作曲、編曲及監製，為樂壇帶來壓軸深情之作。

新生代唱作人 Edwin Tong

Edwin Tong推出年度第三支單曲《霧氣上的字》。

Edwin Tong自幼對音樂懷抱濃厚熱情，即使大學時期主修化學，仍堅持自學編曲製作，透過網絡分享創作demo，一步步耕耘音樂路。其才華在參與音樂育成計劃《埋班作樂》時嶄露頭角，超班水準更獲得著名金牌音樂監製兼作曲人Edward Chan的賞識，並隨即獲邀合作，開啟其專業音樂生涯的重要篇章。

新歌《霧氣上的字》靈感源自日常觀察與感悟。Edwin表示在一次與朋友傾談的車程中，看見車窗上的霧氣，聯想到人與人之間的關係也往往如此，時而清晰，時而朦朧，充滿不可預測的流動性。他特別邀請填詞人Oscar為歌曲填詞，雙方溝通主題後，Oscar發揮其細膩筆觸，創作出如「水點蒸發在瞬間，無法倒帶多1秒」等深刻詞句，精準捕捉關係中那份既值得珍惜卻又無法牢牢掌控的微妙情感。

新歌MV特別邀請郭健導演執導，並邀得舞台劇《大狀王》女主角、同時參與電影《填詞L》及《不赦之罪》演出的實力演員陳書昕擔任女主角。

為呈現歌曲意境，MV特別邀請郭健導演執導，並邀得舞台劇《大狀王》女主角、同時參與電影《填詞L》及《不赦之罪》演出的實力演員陳書昕擔任女主角。Edwin分享拍攝過程時稱：「一日嘅拍攝好充實，好欣賞陳書昕好快就能投入氛圍，帶動成個故事。自己喺演戲上仍然努力學習，今次好彩角色係做返自己，係一次好好嘅體驗，讓我更有信心繼續探索不同表演方式。」

Edwin Tong欣賞陳書昕好快就能投入氛圍，帶動成個故事。

回顧2025年，Edwin Tong持續推出個人作品，他坦言今年較多時間處理個人音樂事業的發展，寫歌數量相對減少，但未來希望能嘗試更多新曲風，並與不同音樂人合作，激發更多創作火花。過去創作歌曲包括：陳柏宇《不愛無壞》、呂爵安《Again》及力臻《2882點85✈》等等。

對於年尾樂壇新人獎項的角逐，Edwin保持平常心，說：「獎項唔係自己可以控制，唯一可以控制嘅就係做好自己嘅音樂。我會繼續專注創作，希望用作品說話。」《霧氣上的字》現已於各大音樂平台上架，MV同步首播。

Edwin Tong與金牌監製Edward Chan結緣 。

新歌《霧氣上的字》探索人際關係的朦朧與珍貴。