薛凱琪再貼靚相證冇變臉 網民一致讚好

新相靚好多～

現年40歲的薛凱琪（Fiona）日前在社交媒體貼出幾張新相，但卻嚇窒網民，皆因相中的她變晒樣，令不少網民驚呼認不出Fiona，更有人形容她撞樣范冰冰，甚至有人直言要靠粒癦才能認得出是Fiona本人，慨嘆她「變樣」變到離譜。

日前Fiona在相中變臉又太瘦，真係幾趕客。

除非有機會拍鬼片，否則Fiona唔好再以咁造型出現。

今日（11日）Fiona再貼出另一批新相，今次照片中的她樣貌終回復正常，似乎想用行動證明自己依然省鏡，不少網民即留言讚好：「正常番！」、「終於認得係你」、「唔P圖靚好多。」

今日Fiona的相片真係順眼好多。

今日相中的Fiona被網民形容回復正常。

網民回應真係幾搞笑。

近年主力發展內地市場的歌手薛凱琪（Fiona），憑甜美樣貌與歌聲人氣高企。然而，其健康狀況近日再度引起關注。日前她在內地公司活動中擔任表演嘉賓，身穿鮮色低胸短裙獻唱，雖表現投入，但身形明顯消瘦，鎖骨凸出，「排骨胸」狀況令人擔憂。

薛凱琪受好友方大同離世深受打擊，曾在訪問透露抑鬱症有復發迹象。

日前出席內地公司活動的她，身形明顯消瘦。

今年二月，薛凱琪因好友方大同離世受沉重打擊，曾透露抑鬱症幾近復發，情緒一度崩潰，每晚哭泣至入睡，醒後仍難以平復，甚至出現呼吸困難。如今公開現身卻驚現極瘦身形，難免令粉絲憂心其身心健康狀況是否已完全恢復。過往亦曾有報導指她為工作承受巨大壓力，如今狀態再成焦點，不少網友紛紛留言盼她保重身體。

瘦到驚現「排骨胸」。

不少網友擔憂其身體健康。