有網友今日上載一條影片，紀錄了挑戰佐敦一個地獄級難泊的停車場情況，該停車場彎道超窄，汽車駛進時以近乎貼牆方式行駛，非常容易被撞花刮損，該「夠薑」網友在近五分鐘內駛出駛入該停車場，過程睇到其他網友大呼過癮。
影片截圖
影片拍攝時間為昨日（4日）晚上，該網友駕駛汽車進入「地獄停車場」後，不斷在窄彎中行駛，車身距離牆身只差毫釐，上落過程非常暢順，全部「一手」扭過彎道，整個過程約4分鐘40多秒，汽車最終似乎完好無缺。
影片截圖
網友們都大讚車主技術高超：「藝高人膽大，每個角都差唔多kiss咁滯，真心勁啊。」「勁啊！差唔多全部都一手過！仲要揸得快。」「好嘢隻隻彎一手過 呢啲咪道行囉。」「真心服個司機技術。」「師兄高手。」「超級勁。」
影片截圖
另有網友看畢影片後分享自己曾挑戰該停車場的慘痛經驗：「揸架7人(車)落去，撞就無嘅，但係要落車睇over5次，5次之後都繼續無數......唔想撞到其他人又唔想拉花......」該網友話自此以後寧可「擺街搏一搏，都唔會再入去(該停車場)半次」。
影片來源：車cam特警
影片截圖
大埔宏福苑火災慘劇發生後，大眾都提高了防火意識。但日前有網民在社交平台發相指，在馬鞍山頌安邨有女街坊竟毫無危機意識，在寓所的走廊位置燒街衣，搞到走廊「都係煙又攻鼻」，他上前阻止還被對方惡言相向！
大媽反駁：燒咁多年都冇人投訴
這位網民在臉書社交群組發相，指日前安邨寓所的走廊，有大媽竟在走廊位置燒街衣，整條走廊都濃煙密佈。雖然樓主有上前勸阻，大媽一於好少理，而且還惡言相向，指樓主多事，說「燒咁多年都冇人投訴」。樓主一怒之下影相作證，直接向管理員投訴「影相作證扣你7分...好快扣滿15分就終止租約，到時你就祖先保佑有新屋住！」。
示意圖。AI生成圖片
網斥：5知死字點寫？
不少網民都怒斥大媽的行為「自私L」、「叫佢七街燒啦，唔好喺走廊燒，好危險架」、「之前都有人在走廊燒嘢，管理員見到都冇乜理會」、「5知死字點寫？」、「拎桶水去淋X佢話洗地」。
資料圖片
網民提議影相報警話疑火燭
有網民更指「我隔離嗰個直頭喺門口燒添」、「我阿媽因為擔心比人投訴，直情係屋企關門燒，牆都燻黑曬」有人提出「第一時間拍片證明大煙，然後打爛火警鐘，落樓即刻999，話懷疑火警」。
網上圖片
房委會或被終止租約及收回單位
房委會就曾在社交平台發文表示，如果居民想燒衣拜祭時，要使用屋邨指定化寶區；祭祀後要脮善清理，嚴禁在大廈內的的公眾地方燒衣，「屋邨大廈入面嘅走廊、梯間等公共空間，一律禁止燃燒冥鏹，以免過程中產生嘅灰燼或濃煙，觸發火警警報。有關做法不但影響其他住户，仲可能會違反租約條例，有機會被終止租約及收回單位㗎！」。
