「荃灣豬肉檔AK」紅到有淘寶攬枕 粉絲倡組街市男團對撼MIRROR

日前有荃灣女街坊喺楊屋道街市附近買豬肉時，發現一名靚仔豬肉佬，之後仲分享二人自拍照到Facebook群組「荃灣人」；「小鮮肉」一頭金髮，長得濃眉大眼，立領衫配銀鏈及紋身的造型相當時髦，被不少網民大讚有明星相，好似MIRROR成員Anson Kong江𤒹生、MC張天賦、沈震軒、吳卓羲以及羅志祥等男星。

有網民在荃灣某一豬肉檔，驚喜發現一個長得好像MIRROR江爗生的員工。

有指呢位豬肉佬叫「阿威」，樓主仲話阿威態度好好、教佢煲湯，吸引大批靚太前去朝聖，有粉絲更為他開設「荃灣鮮肉威威應援團」群組，至今已經超過1.1萬人加入，人氣爆登！另外，日前有網民仲發現阿威紅到內地，淘寶竟然驚見有售印有阿威樣子的雙面攬枕，盛惠人民幣65元至188元。粉絲們都大呼太幸福了，仲話呢樣係送禮佳物。

「小鮮肉」叫阿威，日前除口罩露全相嘅照片在網上曝光。

「荃灣豬肉檔AK」攬枕在淘寶有得賣啦！

其實除了荃灣豬肉檔有「翻版AK」阿威，在其他街市亦有網民發掘到型男伙計，街坊仲提議他們組成男團「Super Market」對撼MIRROR。早前有網民喺搵阿威真身嘅時候，誤以為天水圍頌富街市的豬肉佬家麒Steve係阿威本人，之後得到網民澄清。原來家麒曾是香港散打代表隊隊員，還拎過銅牌，退役後才轉行做豬肉佬。在2019年接受《東張西望》訪問時，有網民指佢是「翻版羅鈞滿」。

而荃灣某海鮮檔，有位麒麟臂嘅「翻版Stanley」銘哥，就被網民讚是「漆黑中嘅螢火蟲咁鮮明同出眾」。

在Facebook群組「黃大仙區友(黃大仙，新蒲崗，鑽石山，慈雲山……) ，有人亦爆料指牛池灣街市有個賣菜後生仔，非常有禮貌，仲生得白白淨、有韓星味，但都有人彈佢有黑眼圈。有指呢位靚仔叫嘉俊Kelvin，針對黑眼圈的來歷，Kelvin解釋是因為「日日都無得瞓呀！未放過假呀！又朝4點幾起身梳洗餵狗出門做嘢，又由朝忙到夜晚6／7點呀……」 。

在Facebook群組「大埔為食友」 ，亦有網民推舉一個叫阿亨的富善街豬肉檔店員為「大埔洪永城」，仲話佢係大埔區豬肉界靚仔代表添！

大表哥新紋身好有意思！

MIRROR成員「大表哥」邱士縉（Stanley）前晚（5月5日）在IG分享他展示人生的第二個紋身，他寫道：「人生第一個tattoo係因為任性，後來自己俾佢嘅意思係: 想做就做吧，不要想太多，相信自己的直覺。而第二個tattoo係好想好好的記住媽媽。」

Stanley紋蓮花悼亡母。

Stanley上載在右肩上刻蓮花紋身的短片，原來出自韓國神級紋身大師Tatooist _doy之手。

Stanley又指「紋完之後，發現『蓮』字，係我生命有着特別的意義。」他亦上載抄經迴向功德予亡母的照片，顯示邱媽媽的名字「陳愛蓮」，而女友李炘頤Alina的原名叫李靜蓮，同樣有個蓮字，所以對Stanley來說，這個蓮字是有特別意義！

Stanley媽媽的名字有個蓮字。

而女友Alina的原名叫李靜蓮，同樣有個蓮字。