慧慧獲讚有冠軍相！
由梁思浩帶領兩位靚女新人王嘉慧（Cathy）及伍韻婷（Juliana）擔任主持的《通靈之王》前晚（11日）及昨晚（12日）播出兩集，共有11名「通靈專家」登場，當中有3名成功搶灘吸引網民熱討，分別是「靈魂談判師 Depp」、「北帝代言人 悟能師傅」及「女巫公主 慧慧」。
點擊看圖輯
Cathy大讚慧慧有療癒別人嘅能力。
慧慧為Cathy的愛情進行占卜。
Cathy哭成淚人，並直指被慧慧看透了。
慧慧接受的測試，是要指出一件最近讓思浩很不開心的事。
慧慧準確道出思浩最近有至親離他而去。
思浩強忍激動訴說至愛外婆於節目錄影前十日離世。
但思浩沒有將事件告訴任何人，故此錄影期間被慧慧說中時差點崩潰。
最後思浩暫停錄影平伏情緒。
思浩事後受訪時指一直沒有公布外婆死訊，並謂外婆是其最後的親人。
只有20歲嘅慧慧，震驚咗唔少網民。
佢話好細個已意識到自己有特殊能力。
北帝代言人 悟能師傅
思浩更加係不時向參賽者提出尖銳問題。
悟能好快就睇穿咗銀色盤入面嘅係「銀色熊仔」，令三位主持大感震驚。
思浩事後捉住工作人員猛嗌神奇。
靈魂談判師Depp
思浩話Depp唸天語時，自己個身係震嘅。
思浩強調佢只係實話實說。
Depp進行測試期間，招來不只一隻蝙蝠，令Cathy和思浩嚇得不輕。
之後眾人翻查拍攝影片，發現現場真的不只出現過一隻蝙蝠。
Juliana亦有親身感受過Depp嘅神奇力量。
觀看相關影片按連結：https://youtu.be/fCcIi1fLFJ0
3人之中以慧慧最令網民嘖嘖稱奇，她準確道出Cathy的感情問題及思浩最近有親人離世，當思浩聽到慧慧的話後雖然強裝鎮定，但身體卻明顯顫抖；及後思浩強忍淚水著慧慧離開，大讚慧慧「100分」之餘，亦忍不住激動謂：「我一直冇話畀人聽，喺我拍呢個節目十日前，我最親嘅親人離開咗，93歲、係我好錫嘅外婆。」之後思浩告訴工作人員就連經理人也不知道相關事宜，故當慧慧道出其狀況時，情緒一度崩潰。
Cathy大讚慧慧有療癒別人嘅能力。
慧慧為Cathy的愛情進行占卜。
Cathy哭成淚人，並直指被慧慧看透了。
慧慧接受的測試，是要指出一件最近讓思浩很不開心的事。
慧慧準確道出思浩最近有至親離他而去。
思浩強忍激動訴說至愛外婆於節目錄影前十日離世。
但思浩沒有將事件告訴任何人，故此錄影期間被慧慧說中時差點崩潰。
最後思浩暫停錄影平伏情緒。
思浩事後受訪時指一直沒有公布外婆死訊，並謂外婆是其最後的親人。
對於慧慧的神奇力量，不少網民甚感神奇，並認為思浩不會拿私人事做節目效果：「先唔好講功力，能夠令到兩個主持喊同激動已經厲害」、「有冠軍相，畀佢睇穿晒你心事，幾驚」、「慧慧只有20歲，有料到，快而準」、「思浩佢孝順真心同行都知，佢唔會搵一個自己咁親嘅人，去夾埋做節目效果」。
只有20歲嘅慧慧，震驚咗唔少網民。
佢話好細個已意識到自己有特殊能力。
聲稱是「北帝代言人」的悟能猜中藏在銀盤中的思浩隨身物是「銀色熊仔」，並強調只是代北帝發言：「佢話咗畀我聽，我要信，係唔係我唔知，我冇見到。」思浩事後的即場反應，亦令事件更添懸疑：「佢冇講中車匙，但講中咗熊仔，我覺得答到銀色都贏！匪夷所思。」事後思浩向現場工作人員強調「北帝唔知咩叫車匙」，並連環露出難以置信表情，網民亦直言「毛管戙」，「呢個北帝以為流流地，原來咁堅，除非夾埋啦，睇到有啲寒」、「打死都唔信冇劇本，北帝有冇咁堅呀？銀色熊仔都估到。」
北帝代言人 悟能師傅
思浩更加係不時向參賽者提出尖銳問題。
悟能好快就睇穿咗銀色盤入面嘅係「銀色熊仔」，令三位主持大感震驚。
思浩事後捉住工作人員猛嗌神奇。
至於Depp的討論點，則在測試期間招來不只一隻蝙蝠做現場觀眾，思浩拍拍吓煞有介事向Cathy表示：「頭先佢唸經時，你後面有好多蝙蝠喺度飛，我拍咗廿幾年嘢，蝙蝠真係第一次見。」思浩又指對Depp唸天語有反應：「佢唸嗰陣我個身係震嘅，我保持鎮定架咋，我好坦白嘅，我做呢個Show有就有、冇就冇」。網民指思浩出名寸嘴，故當其做出不可思議表情時，令人更分不清眼前的只是「做假的節目效果」還是「神奇的真實效果」，網民留言：「唔似夾定，梁思浩做咁多年怪談，佢真係有果句講果句」、「以思浩咁寸嘴性格，應該唔需要做一個夾定嘅節目」、「思浩喺度微震果吓真係唔似扮」。
靈魂談判師Depp
思浩話Depp唸天語時，自己個身係震嘅。
思浩強調佢只係實話實說。
Depp進行測試期間，招來不只一隻蝙蝠，令Cathy和思浩嚇得不輕。
之後眾人翻查拍攝影片，發現現場真的不只出現過一隻蝙蝠。
Juliana亦有親身感受過Depp嘅神奇力量。
網民除留言指看不透真偽外，普遍認為節目好睇又過癮：「又估唔到拍得幾有趣」、「啲人好似好堅咁」、「呢個節目真係乜人都有」、「節奏幾快」、「係咪鬥演技咋」、「有劇本還有劇本，我鍾意」、「唔恐怖呀，認識特殊能力」、「好有娛樂性、會再想追看」、「好睇就得啦」、「大台好難得做呢類節目、都幾吸引」。
