Jeffrey 向袁澧林獻螢幕初吻 經理人女友大方轉發獲激讚

女友典範！

ViuTV劇集《I SWIM》仲有兩集就大結局，昨晚（20日）播出的第8集，飾演情侶的余浪沖（Jeffrey魏浚笙飾）及施詠（Angela袁澧林飾）浪漫錫錫，甜到爆炸。Jeffrey昨晚在社交網貼出與袁澧林的劇照，留言：「甜蜜的時刻，記錄低我的螢幕初吻。我的施詠。」網民見到都留言問佢怕唔怕經理人兼女友Evelyn呷醋，而劇中女友袁澧林亦留言表示：「I love little pie 」，難得Jeffrey女友亦大方留言：「love you too ， you two just way too cute and sweet （我都愛你，你倆太可愛甜蜜了）」。

Jeffrey上載同Angela錫錫嘅劇照。

Jeffrey轉發男友嘅PO，仲留人面心心 Emoji。

女友兼經理人都幾大方。

Jeffrey與女友Evelyn拍拖6年，感情好穩定。

Angela公開拍攝花絮。

Evelyn仲轉發男友錫Angela嘅劇照做IG Story，兼留言：「太可愛了，余浪沖和施詠，是青葱是初戀。」仲有三個人面心心emoji，睇嚟佢見到男友嘅螢幕初吻都好興奮。而Angela亦有出PO，仲大爆在同一場戲中客串演天才學生的梁業（肥仔），聽到余浪沖彈琴後流眼淚嗰幕係真喊。

尋晚Angela訪問天才學生肥仔，肥仔一聽Angela嘅曲即刻彈返出嚟。

睇佢彈得幾陶醉。

Jeffrey突然坐低彈鋼琴。

肥仔唔知係感動定點突然流眼淚。

另外，周一（25日）播出的一集， 講到啟賢中學到冠中書院比賽，期間飾該校學生的林家熙（Locker）為打擊啟賢士氣，用手推車撞傷黃亞樂（Stanley邱士縉飾），其後李馬榮（Edan呂爵安飾）發火與Locker理論，Locker 反駁：「係佢自己整親。」Stanley昨日在社交網貼出花絮劇照，相中見到Edan雙腳踩住Stanley的右腳至反轉，網民留言爆笑指：「原來真正兇手係李馬榮。」Locker即留言為自己平反︰「都話咗㗎啦！」至於Edan亦都忍唔住笑言︰「雙腳齊踩！」並再轉發貼文寫道：「笑死，太激動一嘢踩咗落去。」Stanley則回覆他說︰「邱士縉本人要收取湯藥費。」

李馬榮踩到應一應。

完美踏住。

拖鞋都踩到變型。

I SWIM丨Jeffrey貼劇照回味同Angela螢幕初吻 Evelyn轉發堪稱史上最大方女友

Edan表示笑死。

由梁居英執導﹑Jeffrey魏浚笙主演嘅電影《殺手#4》，近日走入校園為應屆DSE學生打氣。活動原定下午3時於禮堂舉行分享會，未正式開始，Jeffrey於2時55分步入校園時，已被不少眼尖學生認出，男生隔空尖叫，氣氛瞬間升溫。

電影《殺手#4》監製文佩卿與導演梁居英，聯同主角魏浚笙（Jeffrey）近日到訪中學，為應屆DSE考生打氣。

Jeffrey除分享入行經歷，更特意走到中六課室探班，鼓勵考生以平常心應試，更笑言：「唔開心就Direct我啦！」引來全場歡呼。

分享環節Jeffrey聯同導演梁居英及監製文佩卿，於禮堂與同學分享電影幕後工作及入行經歷，中間導演更邀請兩位中學生上台即席學習如何「收order成為動作片演員」，此番體驗跟一般讀劇本相當不同，現場反應熱烈。其後大合照環節，學生情緒高漲，一度出現「暴動」場面。

活動結束後Jeffrey得悉中六學生未能出席分享會，遂答允教師邀請行，逐一探訪五班正密鑼緊鼓準備DSE考試的中六學生。期間他鼓勵同學用寬容心態對待考試，更表示「唔開心，就Direct我啦」，及後亦耐心為同學簽名，不但簽在筆記簿、試卷套上，更有學生即場請他簽在T-shirt及結他上。消息傳開後，其他級別學生亦自發圍在課室外等候，只為與偶像近距離見面。

其後Jeffrey頻頻為學生簽名。

是次校園活動不但為考生送上鼓勵，更讓學生感受到電影演員走進校園的真實與溫度，亦讓他們在緊張考試前，了解社會各行各業的不同情況與出路，並將影視娛樂視為日後專業發展的其中一個可能方向。

更有學生即場請Jeffrey簽在結他上。