KellyChu - 太古廣場「宇」你探索非凡宇宙

Kelly Chu

KellyChu - 太古廣場「宇」你探索非凡宇宙｜Executive日記

2022年08月09日 00:00 最後更新：06:52

炎炎夏日，真係想暫時遠離呢一個酷熱嘅地球，飛上太空，涼快一下。Kelly有好介紹，去金鐘太古廣場，新媒體藝術團隊XCEPT打造嘅Orbstellar Metaspace沉浸式藝術展覽，帶你漫遊於漫無邊際嘅太空，仲可以玩互動遊戲，當然可以瘋狂打卡，影好靚好迷人嘅太空旅遊相啦。

呢個展覽由八月十二日起至十月九日期間舉行，展場打造成太空銀河，帶大家進入神秘嘅宇宙，捕捉星空下嘅每個完美瞬間，大家可以用手機掃QR Code，即場創造屬於自己嘅星球；又可以坐喺Space Station太空椅上，準備出發探索太空！

Kelly最鍾意進入大黑洞，喺史詩般閃爍嘅宇宙星系Metaspace Galaxy中狂打卡，真係又浪漫又虛幻，最後穿越神秘White Hole重返地球。

旅程完結之前，大家可以透過NFT科技，記錄珍貴嘅太空旅程，隨時重溫身在星際嘅美好時光。
Kelly Chu

往下看更多文章

KellyChu - 文體旅局高層盞鬼化身「兔男郎」拜年！｜Executive日記

2023年01月21日 00:00 最後更新：06:52

聽日就踏入兔年啦！文化體育及旅遊局局長楊潤雄，同副局長劉震及政治助理招文亮，齊齊着兔仔裝，拍片同市民拜個早年，恭祝「兔（吐）氣揚眉」。

影片喺文體旅局facebook專頁開心分享，只見三位高官唔怕麻煩去着呢套兔仔裝，Kelly都感覺到佢哋好有誠意，三人仲祝大家「兔年吉祥」、「鴻兔（圖）大展」。帖文還提到，兔仔充滿活力，所以今年香港都會活力四射；局方亦會學習兔仔嘅迅速、靈活、敏捷，把握二十大及《十四五規劃綱要》帶來嘅新機遇，利用香港獨特優勢，成為世界級中外文化藝術交流中心。
Kelly Chu ■楊潤雄局長同可愛兔兔一齊祝大家兔年吉祥！