七師傅唱笑會門票二手網平價散飛 中價飛100蚊有售

而且有好多網民對七師傅開Show覺得不可思議。

七師傅憑主持ViuTV靈探真人騷節目《鬼同你上位》及《七救星》爆紅，並於8月12及13日假九展舉行兩場《師傅七都識唱笑會》，門票價錢分別為 $777、$577及$377 。

七師傅稱騷前冇準備又冇練習，因練習會導致緊張，故昨日只係唸經修行及護膚。

七師傅今日（12日）出席拜神儀式，透露唱笑會反應熱烈，門票一早售罄，上售票網睇，門票的確已Sold Out，佢仲話欠下好多飛債，惟有自掏腰包以高價購買門票再贈朋友，仲話一張飛最貴要兩千幾蚊，即係買炒飛啦。嗱，七師傅真係好識玩，一句說話就暗示自己受歡迎，仲有炒飛添。

售票網有SOLD OUT顯示。

不過，七師傅會唔會俾人呃呀？二手買賣平台Carousell有大量唱笑會門票提供，仲要$777可買兩張飛，即半價已可入手，貴價單丁位更加經濟，放低200蚊就可入場，中價飛$577更只需100蚊，七師傅仲使唔使撲飛畀朋友呀？搵人教吓七師傅喺呢個網搵飛啦，唔好再畀人呃嘞，自己飛都要食炒價，仲要本身冇得炒呢。

二手買賣平台有好多唱笑會嘅飛。

200蚊就係買原價777蚊嘅飛。

呢個就800蚊兩張，即係半價。

呢個都係200蚊就坐到貴價位。

呢個都係半價，777蚊就有兩張。

呢個中價飛只需100蚊，平過睇IMAX喎。

其實好多網民對七師傅開Show覺得不可思議，笑言「入場聽佢Xup，車錢唔洗錢呀?」、「包一餐五星酒店自助餐或者可以去」、「免費都唔會去la」、「去如心廣場食餐飯就有飛送」、「睇電視唔洗錢睇佢都ok，比錢點解要睇佢」，仲疑惑究竟咩人會入場睇？今晚咪知囉。

車錢都貴呀。

有無人因為咁而有飛?

呢個我可以。

駁唔到。

李尚正被封「公司福將」！

2024年適逢由八運轉九運，想快人一步，早著先機，行運一條龍? HOY TV 全新賀年節目《開運秘笈》幫到你！由李尚正（阿正）、盧頌恩（妹頭）、嚴祟天及樂翊榆聯同城中各門派師傅走訪香港各區，以不同玄學角度為觀眾指點迷津，全方位為大家開運！節目由即日起，逢星期一至五晚上9時正於HOY TV 77台播映。

七師傅教李尚正（阿正）及盧頌恩（妹頭）用米水開運招財兩式。

臥底組合跟隨謝柳汝師傅到龍母廟求簽。

昨日（1月24日）播出的第八集，七師傅教臥底組合李尚正（阿正）及盧頌恩（妹頭）用米水開運招財兩式。第一式，每日將七粒米放在家門旁。第二式，將米浸於水中，用米水洗手洗臉。七師傅指用米水洗手或洗面可除負能量，而用過後的洗米水則可用來淋花。惟妹頭重覆解說時卻把步驟弄錯，令七師傅大嘆「又學錯咗喇」；身旁的阿正則出手助妹頭解困，清晰講出次序，獲妹頭大讚是高材生，七師傅亦指阿正IQ高，此時妹頭立刻向七師傅指出自己都是大學畢業，豈料被七師傅冷待說「邊間㗎?」還遭阿正欺負，要求公開大學名字及呼籲大家盡量避免就讀，妹頭避走，場面爆笑。

阿正更為有線求得三十六簽大吉簽，被妹頭封為「公司福將」！

正所謂一命二運三風水，今集還有蕭鎮昇師傅為一家三口睇風水。

每逢新年，不少人都會到廟宇求簽，望神明能指點迷津。今集，阿正及妹頭跟隨謝柳汝師傅到龍母廟求簽。心繫公司的阿正更為有線求得三十六簽大吉簽，被妹頭封為「公司福將」。解簽的珍姑指，建議公司未來多拍靚人靚景，同事間多聯絡，多開會，就可求財和合；求官得意，更指做節目的人都會成名。