要去葵芳搵美食，怎能不到港式小食集中地葵涌廣場「朝聖」呢！這個美食天堂的食物秉持平靚正宗旨，快啲去試吓鐵塔窩夫、勁多料日式班戟、天然手工3D雪條啦！
特色窩夫店Haru & P的窩夫棒（Lolly Waffle）狀似巴黎鐵塔，故改名為鐵塔窩夫。鐵塔窩夫全長足足有22cm，中間夾有各種餡料，部份更滲入日式元素，鹹甜兼備，外脆內軟。
Haru & P 官網圖片
東京鐵塔窩夫乃創新款式之一，即焗的窩夫棒混合綠茶粉，茶味甘香濃厚，間中可咬到紅豆粒，和風滿載。紫薯口味中間有「真」紫薯，食落有淡淡的紫薯甜味，男士都唔使怕太甜。
最令人喜出望外是章魚小丸子口味，面頭有齊沙律醬、紫菜、燒汁及木魚碎，內藏洋蔥與章魚粒粒，食味新奇有趣，還多了陣蛋香。另同樣帶日式風味的太子鐵塔窩夫，明太子與窩夫味道夾配，一鹹一甜很滋味。
Haru & P - 「22cm鐵塔窩夫」
地址：葵芳葵涌廣場2樓C07舖
查詢：6932 0038
營業：一至五 12pm ~ 9:30pm；六 12pm ~ 10pm
網上圖片
行上一層的又一戟日式班戟專門店在葵涌廣場屹立多年，班戟抵食夾大件，經常出現排隊人龍。餡料有多種類選擇，甜食有士多啤梨、朱古力、忌廉、雪糕等；咸食就有火腿、辣肉腸、芝士等。由於製作時一層一層地加配料，進食層次豐富！
網上圖片
小編嗜甜，木糠焦糖班戟啱晒我，兩個自選雪糕球，加埋大量忌廉，仲有木糠同焦糖淋面，咬開時焦糖有拉絲，加埋鬆軟木糠，唔稱得上係絕頂好味，但份量絕對係填補甜品心靈的滿足。
網上圖片
又一戟日式班戟專門店 - 「足料班戟」
地址：葵芳葵涌廣場3樓
網上圖片
售賣手工雪條的Smiley Popsicles，標榜以新鮮水果打成果醬製成雪條，天然無添加，更重要的是賣相非常吸引，絕對滿足到你部相機的「胃口」！
網上圖片
最靚最大支的3D叫「生日蛋糕」雪條，在雲呢拿雪條面堆滿水果，再用忌廉黏在一起，味道甜而不膩；笑臉雪條造型可愛，味道是芝士蛋糕，內藏一塊士多啤梨，撒上餅乾碎增加口感。芒果味雪條好香甜，面層有薄薄辣椒粉，雪條尖有椰絲朱古力，帶來香脆口感。
網上圖片
Smiley Popsicles - 「天然靚靚3D雪條」
地址：葵芳葵涌廣場3樓3138B舖
營業：一至日 2pm ~8pm