朱敏瀚電話畀陳瀅拋落海冇發嬲 獲JW大讚EQ高

JW（王灝兒）和朱敏瀚（朱仔）最近齊挑戰演古裝劇《痞子殿下》，兩人坦承外形關係冇想過有得拍古裝，JW更爆朱仔一度對她完全冇信心。兩人又指跟陳瀅及周嘉洛合作後變知己，已跟監製傾開續集。而早前四人出海玩，陳瀅意外拋了朱仔電話落海，但朱仔竟然冇發脾，獲JW大讚超高EQ。

JW和朱仔高度雖然差一截，但演情侶一樣襯到。

JW爆朱仔最初對她演出冇信心，但後來兩人變得合拍。

JW曾表示簽TVB其中一個目標是拍劇，但她估不到會拍到古裝，「好多謝珍姐畀呢個機會，冇佢應該冇乜人會考慮我哋兩個拍古裝，我哋個樣係比較難。」朱仔自2011年在《洪武三十二》做過馬德鐘少年版後，都未試過拍古裝，「我連跑龍套都冇，以為自己同呢件事無緣。」

JW和朱仔都話估唔到，會跟陳瀅和周嘉洛能極速變好友。

JW和朱仔笑指，現在出海都想畀部電話陳瀅，因可換新款電話。

朱仔對JW演出冇信心

不過JW竟然大爆最初朱仔對她完全冇信心，「我第一次見佢係圍讀時，佢係比較cool，個表情好似係『我都唔知你得唔得』咁嘅感覺，但係有禮貌嘅。」朱仔聽到尷尬話，「我有個咁嘅感覺喺個心入面，哈哈！但係佢好快將呢個隔膜打破咗，由圍讀、訓練、吊威吔，到拍咗一、兩日，佢完全將我對佢係歌手嘅印象推返晒，我都即刻同佢講，佢好應該將呢一面騷畀大家睇，大家會好鍾意，佢對每件事都好認真，對每個人都一視同仁，係我哋呢班人入面好重要嘅靈魂或者開心果。」

JW和朱仔笑指，現在出海都想畀部電話陳瀅，因可換新款電話。

朱仔坦言情緒已在演戲時發洩出來，所以連跟余思霆分手都冇嗌交。

朱仔和JW解釋因跟陳瀅和周嘉洛都是古裝新丁，大家同甘共苦變成知己，私底下更不時相約出遊。而陳瀅更跟本刊透露早前去玩時，遺失了朱仔好重要物品，他反應證明品一流。見記者提此事兩人勁興奮，朱仔說：「佢同你講呀，咁我講啦！我呢部電話係佢送嘅。」原來四人一齊出海玩直立板時，陳瀅幫朱仔影完畀返個電話他時，竟然拋跌落海，但朱仔冷靜反應令JW大感驚訝，「如果陳瀅係跌咗我部電話，我唔會原諒佢，就算佢買過部新電話畀我，我好多嘢冇backup，唔見咗係會發癲，但係佢『唔緊要，由得佢啦！」好高EQ。」

朱仔在劇中大騷胸肌，他透露10月開新劇又要再露。

朱仔爆肌令陳瀅流晒口水。

獨家丨JW讚朱敏瀚EQ超高 電話畀陳瀅拋落海冇發嬲

JW王灝兒透露計劃今年內更會在英國開設分店，並希望不久將來能夠進駐馬來西亞、菲律賓及泰國等地。

由藝人JW王灝兒開設的泰國椰子主題甜品茶飲店「茶大椰」日前於尖沙咀正式開幕，一眾圈中好友親臨到賀，當中包括陳瀅、周嘉洛、羅天宇、江若琳、蕭唯展、馬天佑、Sue Chang等，場面熱鬧。

JW開設的泰國椰子主題甜品茶飲店「茶大椰」於尖沙咀開幕。

一眾圈中好友親臨到賀！

周嘉洛、馬天佑、JW、羅天宇、陳瀅

蕭唯展、JW、江若琳

茶大爺嚴選純天然成分，運用新鮮椰子水、椰奶和優質原葉茶作創新配搭，開創出獨樹一幟的椰子茶系列。茶大椰為深受歡迎的鮮椰特飲和甜品注入平衡得宜的口感與天然滋味，勢必帶來一股椰子新風潮。JW接受表示：「自己對健康的關注度比以前高，同時亦想尋找更健康的選擇。因此和朋友一起引入『茶大椰』，結合飲食和健康。今年內更會在英國開設分店，希望不久將來能夠進駐馬來西亞、菲律賓及泰國等地。」

JW透露計劃今年內更會在英國開設分店。

品牌具有專責產品開發團隊，而每逢有新品JW都會先親自試飲，確保新品質素和口味附合水準，同時為消費者帶來新驚喜。首次榮升老闆，JW除了要打理好茶飲店的業務細節外，亦要兼顧演藝事業。被問及會否分身不暇，JW指：「自問我都算是一個『時間管理大師』，加上有好好的合作伙伴，能容許我兼顧不同的角色和崗位。2024年除了生意外，都會集中火力在音樂方面，目標是開音樂會！」

JW、陳瀅

羅天宇、JW