修哥演唱會將於中秋節下午三時舉行！
90歲嘅胡楓（修哥）日前到音樂總監杜自持家中，為演出《修哥90迎金秋無限楓騷演唱會》操歌，杜自持形容修哥係一位好好湊嘅大BB，修哥唔止可愛，仲相當醒目，當《頭條娛樂》記者追問神隱契女林憶蓮芳蹤時？ 他秒回：「我都唔知呀！總之喺外埠啦。」再叫修哥補啲行路Shot以表達佢嘅養生方法，佢笑笑口指記者貪心，仲推記者快啲走，可愛到暈。
點擊看圖輯
90歲胡楓好精靈，可愛到暈
修哥企喺度練歌幾粒鐘，仲好有腳骨力。
90歲修哥唔使靠字幕機提示歌詞。
杜自持形容修哥係好易湊，係一個好可愛嘅大BB。
修哥演唱會將於中秋節下午三時舉行，完Show仲可以同家人一齊食飯賞月。
林憶蓮自從兩年前跟恭碩良分手後就消失幕前，直至喺TVB節目《人生90好楓Show》中拍片現身。
10年前修哥開紅館Show，契女林憶蓮任表演嘉賓。
林憶蓮的囡囡李喜兒喺英國讀緊音樂，兩母女相依為命。
胡楓好錫憶蓮。
影帝張家輝都做過修哥個唱嘉賓。
四代同堂嘅修哥與圈中好友在TVB節目《人生90好楓Show》中聚首一堂。
修哥叫記者一定要陪佢飲花膠雞湯，否則拒做訪問。
杜自持特地為修哥煲花膠雞湯，補吓腳骨力。
黎明及張學友都是修哥契仔。
胡楓失去老伴呂詠荷，形容係人生遺憾。
四代同堂嘅修哥與圈中好友在TVB節目《人生90好楓Show》中聚首一堂。
去年修哥拍劇集《童時愛上你》，被楊卓娜意外影到他凌晨開工時的呆滯樣，事後修哥解釋只係啱啱遇著剛剛。
胡楓開演唱會前提及契女林憶蓮，指母女二人喺英國好安樂。
90歲胡楓好精靈，可愛到暈
修哥企喺度練歌幾粒鐘，仲好有腳骨力。
90歲修哥唔使靠字幕機提示歌詞。
縱橫演藝圈70載的胡楓將於中秋節下午(9月10日)喺紅館舉行一場《修哥90迎金秋無限楓騷演唱會2022》，為力撐修哥第5次踏上紅館，今次破天荒有21間主辦單位參與，有80位嘉賓支持，部份會以飲宴形式坐上舞台，修哥一家亦總動員出動。當日修哥到杜自持家中作客練歌，後者好佩服呢位老人家，練足3粒鐘完全冇坐過。修哥帶點牙擦擦說：「係呀，我反而驚佢(杜自持)會攰，佢會有壓力。」他更表示演出時唔使靠字幕機提示歌詞：「作為觀眾嘅余安安都留意到我唔使靠睇『芒』，我啲記憶力好好㗎！」修哥笑住指向記者說：「所以唔好得罪我呀。」
杜自持形容修哥係好易湊，係一個好可愛嘅大BB。
修哥演唱會將於中秋節下午三時舉行，完Show仲可以同家人一齊食飯賞月。
修哥事先張揚會演繹30首歌，提到之前TVB為修哥賀壽舉行的《人生90好楓Show》，神隱好耐的林憶蓮罕見露面，拍片向修哥送上祝福，片中見她戴住黑框眼鏡，頭髮束起，完全歸於平淡。記者追問修哥，會否請埋行蹤神秘的憶蓮現身舞台？修哥就醒目地迴避並反問：「佢喺外埠點到呀？」反而在旁的杜自持搶答指憶蓮身處英國，但修哥繼續口密：「哈！我都唔知呀！總之喺外埠。」及後修哥再講多啲：「佢同個女(李喜兒)一齊，不知幾舒服同安樂，佢最重要就係個女。佢個人好內歛，唔開心嘢又唔講，開心嘢又唔講，不過，佢唱得咁好，如果佢唔再開演唱會就好嘥喇，千祈唔好。」
林憶蓮自從兩年前跟恭碩良分手後就消失幕前，直至喺TVB節目《人生90好楓Show》中拍片現身。
10年前修哥開紅館Show，契女林憶蓮任表演嘉賓。
林憶蓮的囡囡李喜兒喺英國讀緊音樂，兩母女相依為命。
胡楓好錫憶蓮。
影帝張家輝都做過修哥個唱嘉賓。
四代同堂嘅修哥與圈中好友在TVB節目《人生90好楓Show》中聚首一堂。
為太太戒打麻將
杜太特地為修哥煲花膠雞湯，補吓腳骨力，修哥邊飲湯邊口花花：「我從未食過花膠㗎，係因為你，我先有得食！阿嫂煲得好好，就算唔好飲都唔好意思講出口啦…哈…」修哥堅持人生就係要搞吓笑：「𠵱家我好開心，有埋曾孫幾好，當然亦會有啲遺憾，就係我太太唔喺度，但個個朋友都對我好好，疫情期間送飯、送點心過嚟，唔使我周圍去。」𠵱家修哥日日行路養生，就算喺屋企都會唱住歌嚟行：「唱歌係會令人長壽，我啲記憶力都係咁練返嚟，好似今日突然諗起唱張學友嘅《楚哥》。」語畢仲唱返兩句。
修哥叫記者一定要陪佢飲花膠雞湯，否則拒做訪問。
杜自持特地為修哥煲花膠雞湯，補吓腳骨力。
黎明及張學友都是修哥契仔。
另外，修哥唔靠打牌鍛練腦力：「戒咗20年啦，當年有晚返到屋企，見到太太一個人喺度睇電視，覺得佢好寂寞要陪佢多啲，自此再冇打牌。」修哥堅持𠵱家一定要令自己開心：「都活咗大半世人仲唔去開心？都差唔多啦。」
胡楓失去老伴呂詠荷，形容係人生遺憾。
四代同堂嘅修哥與圈中好友在TVB節目《人生90好楓Show》中聚首一堂。
去年修哥拍劇集《童時愛上你》，被楊卓娜意外影到他凌晨開工時的呆滯樣，事後修哥解釋只係啱啱遇著剛剛。
胡楓開演唱會前提及契女林憶蓮，指母女二人喺英國好安樂。
