曾志偉以《怪獸公司》阿Boo造型登場 錢嘉樂笑問獎門人到底想點？

黃宗澤（Bosco）、蔡思貝、陳煒（煒哥）及陳敏之等，9月8日晚在電視城錄影《開心無敵獎門人》。「獎門人」曾志偉以《怪獸公司》的阿Boo造型亮相，結果被錢嘉樂問他想點？志偉戲言：「最近被人追到甩褲，冇褲着，被人追《獎門人》飛呀！一張可以換一張飛機票。」志偉又指煒哥好事近個人都靚咗。之後各人玩遊戲擺甫士趴地又夾胸，獎門人要他們扮藝人經典甫士，兩隊隊員分別扮梅艷芳、羅文、陳百強、張國榮及徐錦江等，全部都是獎門人的老友。

《開心無敵獎門人》9月8日進行錄影。

多位藝人都有份玩遊戲。

胡渭康

黄宗澤

Bosco與蔡思貝一同受訪，Bosco表示自己是《獎門人》節目常客，早年曾與苗僑偉及張家輝玩過，最難忘和張家輝玩一字馬吹蠟燭遊戲，玩到大腿內側好痛。問到Bosco今次有沒有拉定筋？他說沒有，因不用玩這個遊戲，至於濕身就無問題，已經帶衫及底褲更換。蔡思貝則稱未玩過《獎門人》節目，所有經典遊戲都想玩，但沒有帶多套衫，笑言濕完乾又一條好漢。

陳煒

劉佩玥

劉佩玥擺出「Super」手勢！

蔡思貝

最近吳卓羲参與內地綜藝節目，憶述在TVB拍劇辛苦經歷，試過七天沒睡覺，Bosco說：「我勁過佢，賀歲片及劇集同時兼顧，廠接外景，有11、2日冇瞓，司機及助手要輪更，我幾想有替身。（辛唔辛苦？）梗係辛苦，冇得瞓，不過是一個過程，好多TVB出來的藝員特別捱得。」思貝稱拍劇最多四日冇瞓覺，經歷令她回甘。

蔡思貝試過拍劇4日無瞓。

錢嘉樂呢身Look明顯係扮《龍珠》嘅悟空啦！

「獎門人」曾志偉以「怪獸公司」阿Boo造型亮相。

占

今集嘉賓陣容有熱播劇《逆天奇案2》演員組成的「逆天奇案2」隊，對戰「朱隊友」隊

特備節目《鄰住買特約：獎門人Hug Hug媽咪感謝祭》周日晚（21日）8點半翡翠台播映，今集主持陣容有「獎門人」曾志偉、「獎老」錢嘉樂、阮兆祥、麥美恩、林秀怡和林正峰。今集嘉賓陣容有熱播劇《逆天奇案2》演員組成的「逆天奇案2」隊，成員包括陳展鵬、林夏薇、方力申、劉佩玥、張頴康、馮盈盈、高鈞賢和梁小冰，對戰「朱隊友」隊的朱咪咪、陳煒、郭政鴻、袁偉豪、張振朗、范振鋒和梁競徽（唯唯）。

Super～

今集節目優惠多多，除有大量感謝祭貨品於晚上9點半節目播出後在網購平台「鄰住買」開售外，觀眾於收看節目期間只要嘟一嘟螢幕上的QR Code，便有機會搶到999.9足金玫瑰花和5.8萬封現金利是！此外，獎門人宣布下一集是本季《獎門人》最後一集，只要掃螢幕上的QR Code並完成指定任務，便有機會贏取下集《獎門人》入場券，總數共200張。

方力申（左起）、張頴康、梁小冰、劉佩玥、陳展鵬、林夏薇、馮盈盈、高鈞賢

陳煒（左起）、梁競徽、郭政鴻、朱咪咪、袁偉豪、范振鋒、張振朗

久未亮相遊戲節目的咪咪姐玩得相當落力，在首個遊戲「開心無敵啜乒乓」中，除獲優待可以慢慢啜，還被展鵬點名對決啜乒乓，咪咪姐輸人唔輸陣豪言：「你夠膽就啜走個波！」她又命令展鵬唔准擘大口，自己再慢慢啜走乒乓波，場面搞笑。「開心無敵傳紫菜」同樣笑爆肚，咪咪姐先被兩大小生袁偉豪和張振朗夾擊傳紫菜，咪咪姐即時怕醜妹上身眼都唔敢擘大！之後獎門人再安排咪咪姐一人VS「逆天2」男子組，《逆天2》總監製劉家豪亦有落場玩埋一份，家豪哥一馬當先捉實咪咪姐傳紫菜，之後四大型男方力申、張頴康、高鈞賢和陳展鵬肉緊捉住咪咪姐輪住啜，引爆全場氣氛！

劉家豪（右2）落力宣傳新劇。

梁小冰

陳煒

劉佩玥

盈盈都好進擊吓。

朱咪咪慢慢啜。

朱咪咪霸氣十足。

小方vs陳煒都好有睇頭。

咪咪姐被袁偉豪同張振朗夾擊。

咪咪姐被袁偉豪同張振朗夾擊。

家豪哥啜埋一份。

咪咪姐被咁多位型男輪住啜。

「開心無敵落大閘」中，展鵬和薇薇組成最強視帝視后組合，兩人玩遊戲時默契十足，除了多番神同步，展鵬還鬼馬地扮「色狼」撲向薇薇；薇薇則跪地、趴地完全零介意，相當玩得。之後「開心無敵私人醒」更成為兩隊隔空罵戰戰場！其中一條題目「講咗畀人掌嘴嘅說話」，煒哥先是寸爆小冰：「收檔啦！」小冰唔執輸反擊：「做極都唔紅呀你！」之後戰火蔓延到盈盈和唯唯身上，盈盈寸爆近年在內地帶貨的唯唯：「你賣嘢全部畀人退貨，零營業額呀！」唯唯不甘視弱「回敬」：「你套套劇擔正但全部仆直冇收視，除咗《逆天2》！」笑爆全場。另一條題目是「講出三級片名稱」，眾人發揮小宇宙創作出多個搞笑啜核戲名，包括「警花警棍有景轟」、「戰車戰神戰銷魂」等，想知道還有甚麼搞笑創作，密切留意周日晚播出的《獎門人Hug Hug媽咪感謝祭》。

小冰同陳煒好有火花。

唯唯（左2）個樣好肉緊。

盈盈激動到企起身。

氣氛好歡樂。

薇薇同展鵬神同步。

展鵬扮色狼。

薇薇玩到瞓地。