就「Cafe呃錢論」再向網民挑機 193郭嘉駿@ERROR：呃得你情我願㗎嘛

193又批評給惡評的網民是「成本X」！

男團ERROR成員193（郭嘉駿）從不怕與Haters直接對罵，有網民批評他「臭檔」，亦有網民力撐他敢言。一向不諱言要賺錢的193有不少副業，4月時他與友人斥資逾200萬元開設日式精品咖啡店於土瓜灣開業，引來許多Fans排隊支持。但開張不久即被食客批評食物質素差又貴，其中有食客投訴，指一份98元的招牌蛋治內裡只有一半餡料，與宣傳照完全不同，嚴重貨不對辦！狠批193的Cafe呃錢、搵笨，而且味道差。193當時回應指Cafe一向呃錢，言論引起網民討論。

193與友人斥資逾200萬元開設的日式精品咖啡店，4月時於土瓜灣開業。

193 Cafe開業首日已有大量Fans到場支持。

一度多人到要警員到場了解。

193 Cafe開業幾日即被食客批評食物質素欠佳。

近日193於YouTuber霍哥的網上節目再就食客批評回應，「開幕嗰陣好鬼忙，佢哋（員工）又做唔切，啲包冇切到底，又冇乜汁，啲人就投訴！擺上網鬧我哋，話我哋有半嚿都齋係包嚟，我都懶得理呢啲人，嚟呢啲地方就係屈錢！係咁㗎啦，呃得你情我願㗎嘛！」又批評給惡評的網民是「成本X」，直指他們不知價，「網上啲毒男會同你計成本，會話『哇！呢件嘢成本5蚊、10蚊，佢賣咁貴』，佢唔諗吓我呢間舖租幾多錢，仲要裝修、人工，我會叫呢啲人做『成本X』，我唔會理，因為佢哋講得出呢啲嘢，根本就唔會出街食飯，剩係喺屋企煮餸，咁佢緊係覺得所有嘢平啦！」而193亦於節目中分享已改善食物質素，又研究如何做到口感最佳。

有食客批評蛋治貴而且嚴重貨不對辦！

193 Cafe的宣傳照影得好靚，但有網民批評實物賣相差又唔好食！

193於YouTuber霍哥的網上節目，再就食客批評回應。

193回應批評者，Cafe本來就係屈錢！

193批評Haters只計食材成本，無視他店舖其他開支。

對於193於節目中的反擊，網民有讚有彈，有部份網民認同開食店並非只計食物成本，但都有網民在意193以店員忙為理由，解釋開業初期為何食物質素較差，批評193推卸責任：「好忙所以就可以唔切到底，畀少啲料？呢啲乜歪理呀，下次會唔會又話間餐廳好忙，所以就畀屎你食算」、「食客批評就一定係惡言」、「唔係冇錢，係唔想畀你賺啫」。

193分享近日店內的食物已作出改良。

有網民力撐193。

亦有網民批評193的回應是不負責任。

有網民認為193對食客的批評有充滿敵意。

193就「Cafe係呃錢」言論再向網民挑機：呃得你情我願！成本x！

193透露這是他有史以來最高Budget的MV！

郭嘉駿193推出今年首支單曲《B出口》，其實是香港年青人的愛情寫照，表達了他個人的愛情觀價值觀，他透露歌曲demo是保錡介紹的，當時他聽到國語的demo就相當喜歡，有種失戀瀟灑漫步台北忠孝東路的感覺，他更希望如果成績好亦都可以出一首國語版本。

相關影片可以按以下畫面觀看：

影片連結：https://youtu.be/vljXJxvPArc?si=RrqBEOHMlP8fiwDW>

郭嘉駿193推出今年首支單曲《B出口》

他透露歌曲demo是保錡介紹的，當時他聽到國語的demo就相當喜歡（本網記者攝）

更希望如果成績好亦都可以出一首國語版本。（本網記者攝）

他認為愛情有很多出口，在愛情中很多人都認為要為了對方而改變自己的性格，他認為愛情不應該要改變，「人哋只不過變成你鍾意嘅形態而唔係真係鍾意呢個人，不如你去搵一個自己真正鍾意嘅人啦，呢個世界咁大個森林，咁多個出口！」B出口就是第二的意思，可以在愛情中有自己的第二個選擇，另一個出口！

B出口就是第二的意思，可以在愛情中有自己的第二個選擇，另一個出口！（本網記者攝）

由何啟華Dee首次操刀執導MV，他認為自己相當大膽，誠邀Dee導演加盟是出於同理心：「Dee每隔幾個月就話下首MV可以搵佢做導演，大家都係冇理佢，但大約係半年前，Dee再次提起做導演的時，當時ERROR 4個人都喺度，然後我目睹另外兩位隊友扮聽唔到，然後走咗，但我肯定佢哋係聽到！當時我就記錄在案，所以今次有MV拍就搵Dee大導合作。」

今次搵隊友何啟華Dee首次操刀執導MV

193透露其實一開始搵Dee都係有小小驚，因為Dee係「執著之鬼」驚佢over太多，因此今次MV搵咗好多Sponsor，亦是他有史以來最貴的MV，但是導演亦都不「滿足」，爆料指：「佢兩個禮拜前打電話俾我，話唔夠錢做CG可唔可以一人夾一半，且數字唔細，不過我就冇覆佢啦。」並表示Dee今次圓夢甚至貼錢做MV，因為Budget爆得好誇張，並自爆差不多使用過半百萬拍攝MV。

193透露其實一開始搵Dee都係有小小驚，因為Dee係「執著之鬼」驚佢over太多（本網記者攝）

193表示MV中有爆破場景、流血、擁吻甚至還有「水乳交融」。並表示爆破場景花費6位數字，但到現場卻感覺就是吹風機吹過一樣，而原來相當誇張的流血場景，最後亦都cut到只有小小血。更有之前與193合作舞台劇的吳海昕（Sofiee）加盟演出原來過程中曾換角，193透露：「本身MV係諗住搵另一個女主角，係一個20歲左右的台灣女生，但去到開會嘅時候，Dee表示想拍攝一個橫跨十幾年的愛情故事，個嗰女仔同我年紀差太遠，十幾廿年前佢仲係粒卵子⋯⋯然後諗起Sofiee，佢同我啱啱做完舞台劇《Laugh Vacation》大家都話我同佢好襯，所以唔使諗就係佢。」

193表示MV中有爆破場景、流血、擁吻甚至還有「水乳交融」

雖然花費咁多，但193沒有後悔搵Dee做導演，因為畫面確實唯美有意境，「係我想見到嘅嘢，相當有電影感與以往靚靚仔仔偶像劇感的MV完全唔同！」最重要的還是因為自己不用貼錢！

雖然花費咁多，但193沒有後悔搵Dee做導演，因為畫面確實唯美有意境。（本網記者攝）

Make up: Cori Wong

Hair: Harris Lai

Stylist: Lok Fong

Styling assistant: Stephanie Choy

Wardrobe: I.T., JMDH, HOAX