睇《飯戲攻心》笑到牙骹軟曾俊華：充滿本土情懷的喜劇

2022年10月03日14:27 最後更新: 14:28

「前財爺」曾俊華早前攜妻女到戲院支持好友古天樂的電影《明日戰記》後，他在Facebook發文，指日前去睇陳詠燊執導同編劇的《飯戲攻心》，直言「好耐未試過喺戲院睇戲笑到牙骹軟」，他表示十分欣賞該電影，力讚此戲是「好香港、充滿本土情懷的喜劇」，戲中唔少對白極度地道啜核，笑言「呢啲對白改成普通話或者翻譯成英文都好難work到，受眾未必可以理解呢啲說話嘅神髓，呢啲正正係廣東話嘅精彩之處。」他又分享了劇中最觸動他的台詞，慨嘆：「置身今日嘅香港，呢句話相信令唔少人百感交集。」

曾俊華指睇《飯戲攻心》笑到牙骹軟。曾俊華FB圖

曾俊華在個人Facebook專頁發文，指電影以陳氏一家的故事，好隱晦地講述香港的現況，他說，電影裡陳氏這家人就好比香港，兄弟之間因為「義嫂」等問題產生極大矛盾，令原本齊齊整整的家，「差啲要支離破碎」。不過，他又指「成套戲嘅中心其實都係想講，我哋可能唔再需要一個實體嘅『屋企』，正如戲中大哥嘅媽媽同佢講：『屋企人喺邊，邊度就喺屋企』，置身今日嘅香港，呢句話相信令唔少人百感交集。」

- 閱讀更多 -