混血港姐謝嘉怡自創中文鬧笑話 李家鼎顯刀功獲封為「片神」

為迎接無綫55周年，由馬浚偉主理一連9集的台慶大型廚藝節目《黃金盛宴》逢星期一至三晚上10點半翡翠台播出。馬浚偉聯同9大無綫最具代表性的「星廚」，包括李家鼎（鼎爺）、肥媽（Maria Cordero）、黎諾懿、陳煒（煒哥）、Jacques Kagi（祈積奇）、黃亞保（保哥）、三姐（蕭秀香）、《煮戰》總冠軍行政總廚級人馬譚以健及Amanda S.，協力打造「黃金盛宴」款待歷年一眾飲食節目VVIP。本周第四、五集登場的「星廚」依次序為：肥媽＋陳煒＋Jacques、鼎爺＋諾懿，「星級嘉賓」邀得2020年港姐冠軍謝嘉怡（Lisa）＋黎芷珊、林盛斌（Bob）＋糖妹，兩集主題均為「主菜」，主要食材分別是家禽及海鮮。

第四集登場「星廚」有（左起）陳煒、肥媽及Jacques。

「星級嘉賓」是Lisa（左）和黎芷珊，還有主理人馬浚偉。

10月31日晚播出的第四集，肥媽、煒哥和Jacques合力炮製「貴族黃油雞」、「橙鴨飄香」、「打開雲霧見燒雞」等菜式，煒哥還特地拜訪隱世法國菜名廚，學整肉嫩多汁的「慢煮法式香橙鴨胸」，更會公開打造鴨胸黃金脆皮及3小時煉成香濃橙油秘訣。之後煒哥即場烹煮菜式展示拜師學藝成績，9月升呢人妻的她期間不自覺放閃，笑言煮乜老公都鍾意食，肥媽聞言即忍不住爆料指婚宴上煒哥老公全程望實愛妻，搞到煒哥一秒怕醜！本集還搞鬼增設「中文教室」，自幼於蘇格蘭長大的Lisa被即場考中文，混亂間Lisa自創新詞“Skeleton of個鴨”，鬧出不少笑話。其間馬浚偉大爆Lisa當年上藝訓班時乖巧又勤力，下課請教演技之餘還會記得講「唔該校長」。

Lisa於節目中被突擊考中文，仲幫食材改咗個搞笑「新名」。

肥媽指陳煒老公於結婚當日全程望實愛妻，陳煒聞言即顯得好怕醜。

陳煒炮製的菜式是「橙鴨飄香」。

陳煒專程向隱世法國菜名廚偷師。

除咗鴨，佢哋仲煮咗雞。

肥媽煮嘢食都煮得生鬼過人。

肥媽煮的「貴族黃油雞」好食到大家搶住食。

（左起）Lisa、馬浚偉、陳煒、黎芷珊、Jacques、肥媽

Lisa努力用中文講出食評，獲馬浚偉大讚努力。

馬浚偉受感染狂搞爛Gag

11月1日晚播出一集，鼎爺前往向龍袍酒家負責人黃永幟（幟哥）學煮「麒麟生死戀龍躉球」。之後鼎爺再改良食譜，與諾懿合力炮製出新菜式「麒麟龍躉」，其餘菜式還有「藤椒酸菜東星斑」、「茅台虎蝦」等。席間獲Bob封為「片神」的鼎爺大顯刀功之餘，又分享炸蝦小撇步。該集亦是妙語連珠的一集，由於Bob和糖妹表現幽默，馬浚偉亦玩埋一份瘋狂搞爛Gag，最終竟爛到Bob也頂唔順：「你醒吓啦！唔好祥師兄（阮兆祥）上身呀！」Bob更忽然被爆身家至少數億美金，場面爆笑。

第五集登場「星廚」有鼎爺（左）和諾懿。

「星級嘉賓」是糖妹和Bob（右），還有主理人馬浚偉。

今集馬浚偉受嘉賓感染狂搞爛Gag，連Bob都頂唔順。

Bob點解忽然被爆身家至少數億美金呢？

鼎爺大顯刀功，獲Bob封為「片神」。

鼎爺話炸蝦前最好剪掉蝦眼。

諾懿Chok爆灑花瓣。

鼎爺和諾懿合力炮製多道菜式。

鼎爺向龍袍酒家負責人幟哥（左）請教煮「麒麟生死戀龍躉球」。

這道菜是「麒麟龍躉」。

（左起）鼎爺、糖妹、馬浚偉、Bob和諾懿。

馬浚偉用心聆聽兩位嘉賓給予的評語。

主理人馬浚偉

黎諾懿及大仔小春雞以及陳山聰同囝囝Jaco齊齊接受製作組派送的連串任務及隱藏任務，令到兩位單飛湊仔外遊的星級爸爸忙上加忙。

《爸知弊！你嚟湊吖！》9月28日及周五晚十點半翡翠台推出峴港番外篇《HiPP有機HMP嬰兒奶粉特約：爸知弊！你嚟峴港湊吖！》，除有「爸知弊幼稚園」校長黎諾懿及大仔小春雞外，還專誠請來陳山聰帶同三歲囝囝Jaco齊齊暢遊峴港及會安，見識越南傳統文化、嚐盡當地特色美食之餘，還要接受製作組派送的連串任務及隱藏任務，令到兩位單飛湊仔外遊的星級爸爸忙上加忙。

本周兩位星爸仲會同阿仔享受親子下廚樂，不過山聰中途就遇到麻煩，到底係咩呢？

本周兩位星爸仲會同阿仔享受親子下廚樂，不過山聰中途就遇到麻煩，到底係咩呢？

山聰與Jaco互動超有愛
首度上節目的Jaco全程表現輕鬆自在、真我性情盡展現；見到喜愛的事物「車車」、「包包」及「船船」時會開心大叫；接觸到可怕的事物如「釣蟹」及「騎牛牛」時，又會喊驚驚兼撲向爸爸撒嬌，加上高八度的「BB話」，可愛爆燈。對爸爸儼如貼身膏藥的Jaco，吃飯時會主動「餵食」山聰，暖心度100分。不過亦因為Jaco太愛爸爸，當製作組要求山聰將Jaco交給諾懿照顧時，Jaco自然不肯就範狂扭計，講道理講極唔通的山聰最終只能「借屎遁」甩身。雖然Jaco望落乖巧，但扭起計上嚟一樣令山聰冇晒符，除了不願分離，拍攝期間又因扭眼瞓纏著山聰不放，雖然山聰全程強裝冷漠，但最終仍敵不過阿仔連環扭計攻擊乖乖妥協，十分搞笑。

Jaco執行李去峴港時，一嚟就執咗靚衫先。

小春雞同諾懿就早一步出發率先探路，兩父子玩得勁開心。

山聰透露小時候因為爸爸經常帶他們周圍去，故他現在也希望Jaco可以見識多點這個世界。

Jaco同山聰勁有愛，Jaco有好嘢食唔會忘記爸爸嗰份。

小春雞愛與諾懿鬥氣
在節目中率先負責「一湊二」落田種菜的諾懿亦相當辛苦，由於Jaco年紀尚小，諾懿只能小心翼翼貼身照顧，令被冷落的小春雞即時呷醋。已為兩子之父的諾懿，亦坦承至今仍未習慣「一湊二」：「我未去到可以兼顧晒。」又謂照顧別人的孩子辛苦度倍升：「萬一佢整親，同完山聰交代，要再同阿嫂交代。」諾懿與小春雞的互動亦相當特別，與爸爸相處儼如老友的小春雞，只要一有機會便會戲弄諾懿；不過當諾懿認真發號施令時，小春雞又會收起佻皮乖乖服從，兩父子甚有火花。

本周仲有水上活動！

大家玩泡泡樂玩到好開心。

仲有騎牛牛，小春雞表示好玩。

但Jaco表示驚驚。

小春雞因為「不願分離」瘋狂扭計。

搞到山聰要出大絕，就係大便喇！

雖然夾硬甩咗身，但起初都唔係好work。

好彩好快諾懿就氹掂咗Jaco，但就輪到小春雞玩呷醋，到底最後點收科？

Jaco拍拍吓嘢瘋狂扭眼瞓，睇吓山聰個樣幾決絕！但留意番，只係得個樣架咋。

Jaco主動要求戒奶嘴勁爆笑
除了黐身又愛撒嬌，Jaco的搞笑細胞亦相當厲害。事緣製作組要求兩名仔仔畫「越南手信」給爸爸估，由於Jaco畫風太過抽象，山聰連估都有困難，只能對著阿仔搞爛Gag謂：「你係畢加索定係不加思索呢？」另當諾懿感性分享如何幫小春雞戒掉奶嘴故事時，Jaco突然「神來之筆」大叫「No奶嘴」，氹得山聰開心回應：「You are a Man，Right？嗱！你話架！」相當有默契。在眾多遊戲中，最令山聰感觸的是「蒙著眼搵毛巾」，只有3歲的Jaco全程落力為爸爸提水及打氣，令山聰眼濕濕勁感觸謂：「如果我將來眼又朦、耳又聾，佢會唔會好似今日咁呢？」山聰在節目中披露有意為Jaco追多個弟弟或妹妹，只是「有限期」：「今年如果追到就追，今年追唔到就算。」

各位，「不加思索」畫功大公開！

小春雞嘅畫功之所以怪怪地，係因為佢有心整蠱爸爸。

Jaco嘅畫功，真係考起山聰。

山聰同阿仔好似哥兒們，最抵死係阿仔一味掛住食。

阿仔突然之間主動話要戒奶嘴，令到山聰感動又激動。

呢個蒙眼遊戲，玩到山聰好感觸。

呢個蒙眼遊戲，玩到山聰好感觸。

阿仔咁得意又咁乖巧，山聰想追多個都好合乎情理。