天文台2日表示，考慮在正午12時至下午2時之間發出八號熱帶氣旋警告信號，引起不少打工仔不滿，並在網上批評天文台。不過，有港媽則在網上發文支持天文台，並舉出兩個例子，直斥批評者本末倒置。
不少打工仔早上仍需要上班。
該名港媽在親子王國以「批評天文台的人真係本末倒置」為題發文，指看到很多人批評天文台並對天文台冷嘲熱諷，但認為是否改掛8號風球有科學標準，「乜唔係怪個風行得太慢？如果行快啲就可以在9號點前掛8號，或者可以怪個風行得太快，如果行慢啲就可以在明天上班前掛8號」。她又舉例指，「你債主向法庭申請你破產，由郵差派掛號信給你，你怪郵差定債主？」，並指「你個仔靜雞雞開咗你架車出去，醉酒駕駛炒車入醫院，由警方通知你，你怪個仔定警方？」
不少打工仔早上仍需要上班。
相關帖文獲得不少網民留言表示認同，並指「同意呀！雖然我今早要返工」、「好多人都會冇事搵事嚟講」、「你估刁民係浪得虛名㗎咩」、「一班心理唔正常的人，有無諗過社會要正常運作㗎」、「係囉，唔係覺得天文台可以控制到個天咁犀利？」、「同意呀，個風未到，唔通為你返工就早啲掛咩。今朝又見到呢啲人，真係非常討厭」等。
不少打工仔早上仍需要上班。
另有人則稱讚教育局宣布所有學校停課的決定，並指「今次教育局彈性處理三號波都宣佈全部停課，正確決定」、「教育局今次做得好」等。另外，有網民則批評政府部門的配合不合理，並指「政府部門間配合就真係唔太合理，學校停課，日間幼兒中心同老人中心，就新聞公佈話唔好帶家人去，對於雙職、冇工人支援嘅家庭，確實係難題」。
帖文來源：親子王國
不少打工仔早上仍需要上班。
有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。
沙田石門兩餸飯店外賣「西蘭花蝦仁」只有一隻蝦仁
該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。
港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）
從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。
網民認為$54得一隻蝦仁不合理
帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。
有網民留言「咁又誇咗啲，你個靜餸少蝦過我兩餸飯」。（FB圖片）
網民爆笑留言指萬綠中一點紅
有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。
有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）
店家同意退款稱：個別事件
其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。
有網民留言「可能啲蝦派晒啦…我有4隻」。（FB圖片)
帖文來源：Facebook群組「香港兩餸飯關注組」
