《聲夢2》澳洲總冠軍霸氣壓台獲讚 大馬冠軍挑戰唱廣東話歌

觀看相關影片按連結：https://youtu.be/8FtlTAOISvE

第一集內容精彩，兩隊除有對唱PK，還有合唱及獨唱PK，《聲夢》師兄Aska及冼靖峰（Archie）更化身「外援」，分別與Zentson及Angel合唱《刻在我心底的名字》及《紀念日》。當中「孖A」組合Angel與Archie雖是首度合作，但全程勁有火花，二人不但為歌曲加插不少惹笑「互動」，結尾深情互望畫面更是引爆全場歡呼聲！

Archie同Angel真係好有交流吖。

呢個表演真係睇到人血脈沸騰。

馬來西亞代表Zentson

與Aska合唱《刻在我心底的名字》。

對於「孖A 」表現，《聲夢2》總監郭偉亮點評：「Angel好唔自然唱得，佢係咁望住Archie，Archie就好自然，但就係咁迴避Angel，我唔知佢哋私底下有咩感情！」評審譚國政則指二人「視覺效果」吸引，並大讚Archie唱功正。

郭偉亮

另一亮點是全澳洲總冠軍Lorraine及馬來西亞冠軍Xair首度在香港觀眾面前展現歌唱實力，二人分別獻唱《Can’t Take My Eyes Off You》及《囍帖街》。在澳洲布里斯班長大的Lorraine，一站在台上即展現超強霸氣，舉手投足亦充滿自信，獲評審陳潔靈讚不絕口：「佢外型好靚，Phrasing好好，低音好有Sex Appeal，好知道點樣運用自己把聲。我好想追住聽你點去處理首歌，會好Look Forward去睇你同聽你。」

全澳洲總冠軍孫佳利（Lorraine）獻唱《Can’t Take My Eyes Off You》。

Lorraine話自己其實好鍾意跳舞，仲會成日喺屋企起勢係咁跳。

Lorraine話自己真係好鍾意音樂，而佢亦都有唔少演出經驗架。

Lorraine喺台上舉手投足都甚有霸氣同星味，至於台下嘅佢，亦分別有野性同少女嘅一面。

至於四歲學Hip Hop、小學學中國舞，並曾接觸K Pop及街頭爵士舞的Xair，這次未有選擇擅長的跳唱歌曲，並挑戰獻唱非母語的廣東話歌曲。擁有一把溫婉甜美聲音的Xair，亦獲評審連環正評。陳潔靈：「廣東話唔係你母語，變咗演繹歌曲時嘅內涵未去到好足，但我好期待你唱國語，相信你表達能力會高好多。」《囍帖街》作曲者郭偉亮，亦大讚Xair唱出自己風格：「後面佢出大啲力同用多啲氣去唱，同原唱者好唔同，好有自己風格。」

Xair人靚聲甜！

真係成個鄰家女孩咁架。

Lorraine與Xair早前接受專訪時，異口同聲笑言最害怕遇到的《聲夢2》對手是Janees，大讚Janees歌唱實力非凡。亦有上台獻唱，與全澳洲總亞軍Gina PK對唱《愛是永恒》，並連環獲黃敬佩與張佳添正評。黃敬佩：「Janees冇咗壓力，水準返番嚟，澎湃聲落番去氣聲嗰度，令人聽得好舒服。」、張佳添：「Janees音色好靚」。

澳洲總亞軍蔣沁忻（右）孖住Janees合唱《愛是永恒》。

Janees又再喺節目入面一展佢嘅拉小提琴專才。

佢今集亦有同Pamela合唱《大會堂演奏廳》，獲讚默契十足。

XiX獻唱正能量滿滿嘅《在我生命裏》。