樂隊Zpecial新歌MV力邀林千渟佩男任女主角 主音康聰周旋兩大「女神」之間

康聰可謂艷福無邊！

今年新加入華納的樂隊 Zpecial，推出新歌《Not the One (Neither of Us》，是次華納請來林千渟及微辣佩男兩位女主角參MV演出，與主音康聰及鼓手煒賢演對手戲，第一次要演戲，康聰緊張到標汗，搞到佩男濕晒！煒賢就更爆直言：「值呢首歌向曾經被我傷害過的女孩子，講聲唔好意思。」

樂隊Zpecial為新歌《Not the One (Neither of Us)》推出MV。

相關影片可以按以下畫面觀看：

影片連結：https://youtu.be/X_Anvzb-rRA

康聰表示，這首歌是講述一個感情上不斷巡環傷害的故事。第一次做男主角的他，一次過有兩個女仔演戲。非常緊張，又有不少親蜜動作，最後落得被佩男取笑下場 。佩男說：「有一場戲，好搞笑，拍拍吓，我突然間塊面黐𥹉𥹉，佢大汗到我塊面濕晒，全部係佢啲汗！」康聰尷尬笑說：「係呀，唔好意思，攬頭攬頸之後，我發覺自己唔單止係手出汗，手臂都出埋汗，攬過佢去到就搞到佢面都濕埋。」而煒賢就馬上反問：「真係好怪呀！我識咗佢咁多年，佢係一個連做運動都唔流汗嘅人，但係今次竟然咁囉，哈哈！」

Zpecial邀請到林千渟擔任MV女主角。

還有微辣網紅佩男。


煒賢同樣是第一次拍MV要演戲，但他就沒有康聰咁好福份可以攬頭攬頸，主要的戲份都是同林千渟吵大鑊：「我都流晒汗，我第一次要係中環條街同條女吵大鑊，拍嗌交戲，互爆咗十幾次導演先收貨。都好多謝千渟，佢帶我入戲啦。好彩我個樣夠衰夠惡，導演都收貨。」問到煒賢曾經情路上，有沒有傷害過人？煒賢坦白說：「點會冇，我喺呢度，值呢首歌向曾經被我傷害過的女孩子，講聲唔好意思。」

主音康聰艷福無邊！

康聰則說: 「其實傷害都可以算係人生一個成長過程，經過傷害，人就會成長，日後會處理得更好。」而千渟就表示，其實被害傷害係人生之中，總要經歷，以前細個會想報仇，但現在人成熟了，就覺得報仇沒意思，反而自己更累。

康聰在MV中跟林千渟有不少對手戲！

更與佩男有親密戲。

古天樂旗下公司One Cool Jam Cast一眾藝人新春聚首

恭喜發財！踏入龍年，古天樂旗下公司One Cool Jam Cast一眾藝人：余香凝（Jennifer)、廖子妤（Fish）、陳穎欣（Yanny）、林千渟、麥子樂、 徐頴堃（Erica）、余潔滢（Zoe）、許月湘、李玗蓁（Viann）、梁雋彥（Ethan），連同吳嘉禧（Cheronna）、李月兒（Luna）、林嘉宏、劉志偉、林芝羽新春聚首，以豐盛開年飯迎接新一年，寓意大家龍年行大運，人人豐衣足食！

古天樂旗下公司One Cool Jam Cast一眾藝人

回首剛過去的兔年，眾人不約而同過了精彩的一年，其中Jennifer、Fish與小師妹許月湘更算是「大豐收」，分別入圍第42屆香港電影金像獎，角逐最佳女主角、最佳女配角及最佳新人殊榮，Fish盼望好姊妹Jennifer今年能踏上金像獎舞台領獎，她說：「揭曉入圍名單前一晚，其實我瞓唔着，好緊張，好想你（Jennifer）憑《白日之下》呢個角色入圍，真係好好睇，而家好開心你可以入圍，呢套係好電影，好多馬來西亞嘅朋友睇咗之後都話好睇，希望新一代香港電影會有更多好作品。好想見證Jennifer領獎，真係好值得，但又咁講，對手都好強勁。」

許月湘獲師姐讚專業
相對Fish的期盼，Jennifer反而表示平常心：「自己平常心，反而見到小師妹（許月湘）入圍好開心，佢係一個好嘅新人、態度好，而且又演藝學院畢業，好專業，希望以後金像獎名單會成日見到佢嘅名字。」對於Jennifer的稱讚，身旁的許月湘即感動得眼泛淚光，受寵若驚，直言會繼續努力。

許月湘即感動得眼泛淚光，受寵若驚，直言會繼續努力。

至於同樣在去年默默耕耘的Yanny、林千渟、麥子樂、Cheronna及Zoe，新一年亦繼續會有新挑戰，當中Zoe透露會初嚐電影滋味，而Yanny就表示：「上年過得好精彩，試好多新嘢，去咗不同地方，自己作品亦有好嘅回響，新一年會繼續多姿多彩，因為我個人好冇記性，就算啲嘢重複發生，都好似新體驗，好開心。」麥子樂在過去一年經歷了不少人生大事，當中有開心亦有唔開心，新年祝願大家身體健康，有健康才可繼續享受人生。林千渟就希望在龍年有不同機會再接觸電影及電視，而Cheronna就計劃新一年會再推出新歌及展望在不同範疇有工作機會。

余潔滢、林千渟、陳穎欣

Yanny向古生催婚
此外，Yanny、林千渟、麥子樂過往新年都不時被催婚及催拍拖，若拜年時被催婚時，眾人笑言會回答：「關你咩事！」問到若被老闆古天樂催婚又如何回應？Yanny笑言：「我知我知！『咁幾時到你呀？』」此言一出，眾人哈哈大笑，林千渟更表示自己「學到嘢」，果然語出驚人。