《愛回家》扮袁偉豪與記者交惡 KC爆seed鬧 ：欠咗你班傳媒呀？

《愛回家》嘅劇情向來都相當貼地！

TVB處境劇《愛·回家之開心速遞》向來都相當貼地，不時將現實社會事件加插劇情之中，在大時大時又會安排活動「贈慶」，例如在萬聖節當日，安排大小姐、KC和Terry以《我和殭屍有個約會》的造登場，仲試過搵Terry扮「豬肉KOL」，觀眾睇得投入又叫過癮！在11月18日晚播的一集，講到KC因為節目腰斬，被傳媒追訪期間同記者交惡，爆seed話：「你質夠我未呀？我而家欠咗你班傳媒呀？」

18日晚嗰集《愛·回家之開心速遞》係講KC（歐瑞偉）以接龍法律部主管的身份，擔任主持的《法律知多D》，事前準咗好多套靚西裝。

套套西裝都要4、5萬

點知播出一集就被腰斬，原來因為友台播放得獎劇集《攻心肺2》搞到收視勁跌，因此決定停播KC的節目改播《芫茜攻略》！

即刻有傳媒包圍KC追問節目停播的真正原因！

有人話：「網民話你做主持冇實力」、「你係法律界的表現一般，其實你係咪靠關係」、「如果冇你姐夫，你做唔做到律師？」個個狂質KC！

KC當場爆seed鬧記者：「你哋問夠未，我欠咗你哋班傳媒啊？」

仲要連環loop幾次呢句對白！

除了負評如潮之外，仲連累埋接龍同大龍生形象受損！

送水輝都有勸KC睇開啲︰「其實佢哋點寫呢，我哋真係控制唔到嘅！就算真係咁寫，我哋唯有大方少少冷處理咗佢囉！」

不過之後仲讀埋出嚟，有網民話：「KC同Rachel拍拖係軟飯王。」

俾大龍生鬧到飛起嘅KC，擺和酒同班記者道歉！

有記者突然鬧爆KC︰「你呢頭呃我哋嚟同我哋擺和頭酒，嗰頭就出律師信告我哋誹謗？」

KC喺FB出po鬧記者，仲出埋律師信！

原來係有錢女友Rachel代KC出頭。

不和事件再升級，大龍生叫KC搞番度掂佢，點知又要自己出事！

命令人哋刪相！

記者梗係唔肯咁做，仲開埋直播！

大龍生話知道KC嘅感受，仲問佢有冇處理方法！

原來KC係掹走wifi線。

搞到Rachel冇得上網。

平息咗件事！

轉個頭原來二太代夫出頭，愈搞愈亂！

結果有網民覺得對白熟口熟面，與袁偉豪在今年9月因今年金像獎男配角馮皓揚（羊羊）是藝訓班的學員，導師之一的袁偉豪被網民質疑導師資格，事後袁偉豪在Facebook轉發相關的報道，嬲嬲留言：「我欠咗你哋班傳媒？」雖然今次KC的經歷不太一樣，但同樣出現「軟飲王」、「靠姐夫上位」等情節！

自從袁偉豪同張寶兒拍拖之後，多次與傳媒起衝突，有網民覺得噚晚嗰《愛回家》係影射袁偉豪！

袁偉豪好介意被人取笑「入贅」女家。

袁偉豪前年與張寶兒出席台慶時，被指婚後走樣兼衰老。

張寶兒試過代夫出頭，開IG live同老公一唱一和。

袁偉豪在黃翠如面前鏟App，之後成個人真係舒服了。

呢個「熊家」同劇中的「熊家」差很多呢！

無綫處境劇《愛．回家之開心速遞》劇情輕鬆、收視穩定，成為唔少觀眾每晚晚飯時電視撈飯的劇集，入面無論人物角色還是常出現的地點都好受歡迎。近日，地產經紀以「愛回家 根叔」的家作招徠，吸引遊客開箱他的家。

劇中根叔的家

唔少內地遊客都會到熊樹根根叔位於列堤頓道的大廈外打咭，但有地產經紀表示可以入內睇裝修，根據經紀資料，這個單位是列堤頓道的「嘉華大廈」，實用面積1058呎，以英倫風裝修，擁有超大露台。

住宅位於列堤頓道

呢個大廈外形係咪好熟面口﹖

不過，有指，劇中影住「熊家」所住的大廈，其實是列堤頓道28-34號的文華大廈，而內部的裝修非常豪華，與劇中的「熊家」差天共地，令遊客失望。劇中的「熊家」其實是位於電視城內所搭廠景，可能要到TVB參觀才有機會見到真正的「熊家」。

落地大露台玻璃窗

開放式廚房已經好唔一樣

好闊落

內部裝修豪華