黃建東在台慶擔任司儀，表現獲汪明荃激讚！
黃建東早前在TVB《全能司儀選拔大賽2022》以優異表現勝出比賽，成功奪得台慶司儀席位。在11月20日晚台慶中，首次擔任司儀的他表現相當出色，毫無半點怯場，其表現更獲汪明荃大讚風格夠特別，轉數又夠快，直言非常期待他未來的發展。
點擊看圖輯
更多相片
黃建東今年首次在台慶擔任司儀。
表現淡定！
同蔡國威拍住上。
黃建東盡現盞鬼風趣口才！
表現獲汪明荃點名力讚！
黃建東話好期望同阿姐再合作！
黃建東感激曾生給予演員們更多演出機會。
黃建東今年首次在台慶擔任司儀。
表現淡定！
得知獲大前輩點名汪明荃力讚，黃建東表現得相當興奮：「聽到阿姐咁讚自己，我真係好驚喜，因為當晚20位司儀都做得好好，我一路都好開心、好榮幸可以同阿姐做朋友。同阿姐傾偈，其實已經學到好多嘢，聽佢嘅分享，袋咗好多錢落袋。」他又指未來會繼續努力，絕不會讓大家失望：「今次係我第一次做台慶司儀，睇番都覺得有好多嘢需要檢討，好多謝阿姐喺傳媒面前公開讚我，不過絕對知道自己係有不足嘅地方！」
同蔡國威拍住上。
黃建東盡現盞鬼風趣口才！
黃建東回想首次與阿姐合作，是在數年前一個大型活動，直言當時已被阿姐的專業態度所折服：「當時阿姐表演《熱咖啡》同《迷人Pink Lady》，我係其中一個伴住佢跳舞嘅男仔，其實呢兩首歌明明膾炙人口，但阿姐依然堅持重新編排韓式嘅舞蹈嚟跳，嗰時我已經覺得呢位前輩真係好勤力，同埋好犀利！佢好願意花時間帶新鮮感比觀眾，呢啲優點絕對要好好向阿姐學習，同埋真係好希望有機會再同阿姐合作！」
表現獲汪明荃點名力讚！
黃建東話好期望同阿姐再合作！
另外，黃建東特別感激曾志偉今年舉辦了多個選秀比賽，而且又鼓勵藝員們積極參與：「冇曾生畀機會，我黃建東絕對唔會有機會企喺台慶司儀嘅位置，好想藉呢個機會再多謝佢一次！」
黃建東感激曾生給予演員們更多演出機會。
