MIRROR演繹《We All Are》多位成員落淚 隊長：不便回應舞蹈員公開信

Jer

Edan

Anson Lo

頒獎禮由Anson Lo跳唱《King Kong》及《Mr.Stranger》揭開序幕，成功炒熱全場氣氛，之後Jer出場唱出《狂人日記》及《人類群星閃耀時》，隨後Ian與AK（江𤒹生 ）合體Ianson首度合體唱《黑之呼吸》惹來全場尖叫，至於Ian和Edan隨後亦有以個人身份獻唱。Dear Jane 雖因確診而缺席，不過就派出「好兄弟」陳蕾代唱 《到底發生過什麼事》，至於身兼主持的林家謙及Serrini，亦有以個人身份演出。壓軸出場的MIRROR，雖因姜濤受傷而12 缺1上陣，但亦無損他們的表現，落力跳唱《Innerspace》及《Boss》，搞到全場勁High，到11子首次獻唱新歌《We All Are》時，Anson Lo開口已難忍淚水不停喊，之後多位成員如Stanley（邱士縉）、Jer及Jeremy（李駿傑）等亦忍不住相繼落淚，場面非常感人，而情緒激動的Anson Lo更喊到該曲完結。

Stanley忍不住相繼落淚。

Anson Lo甫開口已難忍淚水不停喊。

場面感人。

MIRROR在完騷後接受訪問，提到剛才唱《We All Are》時有多位成員落淚，隊長Lokman說：「唱呢首歌的確係有啲感動，始終我哋都有段時間冇上咁大舞台，所以唱呢首歌嘅時候有少少激動。」喊得最厲害的Anson Lo則指最激動首次公開獻唱這首歌令自己聯想起好多事情：「呢首歌係答謝粉絲同埋支持嘅觀眾，呢幾個月都辛苦大家，係牽涉所有單位、所有人，所以一時忍唔住，我都好抱歉。」同樣喊得激動的Stanley則指每次聽到這首歌也會覺得感動，再加上受到現場的氣氛感染。而Jer就指今次11個人重回舞台，感動得來亦開心，但可惜欠缺了姜濤，如果有他在就更加圓滿，但Jer亦指知道姜濤有看IG來Support大家，希望待他康復後，12個人可以齊齊整整表演給大家看，另一方面Stanley亦表現相當激動，他表示每次聽這首歌都會好感觸，加上受到現場台上台下的氣氛感染。

Anson Lo直言最激動是因首次公開獻唱，令自己聯想起好多事情。

美中不足是姜濤未能現身。

美中不足是姜濤未能現身。

提到Ian和Amy Lo結束兩年情，Ian承認是事實，他先感謝大家關心，又指現時與Amy 以朋友身份來支持對方：「其實平時好少講私人事，始終係兩個人嘅事，多謝大家關心，都唔太想講太多，唯一想講嘅係Amy係個好好嘅女仔，希望大家畀空間佢，唔好畀咁大壓力佢。」問他現時心情是否OK？Ian表示現在會將焦點放在工作上，加上工作以外還有很多事要處理，所以不想將私人情緒帶到工作中，問他有沒有因此與一班兄弟傾談過？Ian說：「私人事一向好少分享，感情事係兩個人嘅事，應該尊重對方，佢都未必想兩個人嘅事畀其他人知，所以一直都好低調，我都有啲唔好意思，私人事佔用公眾資源，要大家聽我講呢啲。」 而Jer此時即表示會support他。對於兩年情結束是否感到可惜？Ian坦承有感到可惜，因大家一起經歷了很多：「但大家係有商量過後和平地有共識作出呢個決定。」

Ian承認與Amy Lo分手。

另外，對於日前有份參與MIRROR紅館演唱會的24個舞者發出的公開信，Lokman表示有留意，但因事件現時正進入法律程序，故不便回應太多。

Lokman表示有留意24個舞者發出的公開信，但因事件現時正進入法律程序，故不便回應太多。

Lokman表示有留意24個舞者發出的公開信，但因事件現時正進入法律程序，故不便回應太多。

MIRROR