《聲夢傳奇2》金永衡獲富貴家人力撐 努力練歌為做歌手做好準備

23位《聲夢2》學員唱得都唔錯。

金永衡好鍾意唱歌，不諱言當日參賽都係想奪冠，利用舞台盡展歌喉畀多啲人認識，可惜事與願違，回想返當日被foul時真係失落：「我仲以為自己對輸贏可以睇得好化，點知被foul翌日突然空虛到爆喊，最慘賽後仲要返去做《聲夢2》宣傳，有被鞭屍感覺，好殘忍。」

當日林二汶是他導師，金仔話獲益良多。

參賽期間玩得好開心。

上月更有機會於麥花臣球場為《聲夢2 Prom Night》演出兩場。

組合「比利打怪獸」都有啲鐵粉。

「比利打怪獸」分道揚鑣

目前金仔努力增值自己，積極學唱歌同時，陳奐仁也會為他寫首輕快抒情歌：「我最想走方大同嘅另類音樂路線，低調得嚟做到自己嘅嘢，大家從音樂中認識歌者。」提到他跟Billie合組「比利打怪獸」到處busking及做駐場演出兩年，𠵱家分開發展真係好可惜，坦言Billie也有點不開心，但對方無意做幕前。

金仔喜歡方大同及陳奕迅擁有獨特風格。

「比利打怪獸」之前到處busking。

獲哥哥力撐，指導他擺Pose影相。

另外，金永衡是中韓混血，寓所豪華得如高級豪宅的示範單位一樣，家底睇嚟相當不錯。他承認家人支持他追夢，原則上兩老唔介意他做任何工作，最重要可以照顧到自己，而哥哥更力撐他，指導他擺Pose影相：「不過，我啲積蓄都所剩無幾，稍後會搵啲兼職幫補吓，我又冇藝人光環做乜PT都得。」他會用5年限期，睇吓有冇機會發圍。

金永衡屋企幾靚，家底唔錯。