譚永浩獲袁偉豪讚全劇亮點 ！
由林肯監製、一連五集的短劇《仁濟心》逢星期六晚上10時45分翡翠台播映。以「抗疫福袋製作小組」日常為故事基礎的《仁濟心》，透過五個真實個案帶出「殘而不廢」等正面訊息，演員陣容包括袁偉豪、蔣家旻、錢嘉樂、韓馬利、文雪兒、吳家樂、寶珮如、董敬文、李紹堅、譚永浩（Jarryd）及曾淑雅（Jumbo）等。
點擊看圖輯
譚永浩今次挑戰全程闔眼演戲，認真高難度。
佢同Jumbo（左）以及蔣家旻有唔少對手戲，仲全靠佢哋做盲公竹。
Jarryd希望透過今次嘅故事，可以將嘉鴻嘅正能量同善良特質傳達畀觀眾。
Jarryd仲話好開心獲袁偉豪稱讚是劇集亮點，並謂對他來說是很大肯定。
是集單元真實人物原型為患有輕度智障的視障人士高嘉鴻。
Jumbo以甜美笑容見稱。
今次佢為劇集苦練苦情樣，唔知大家又收唔收貨呢？
蔣家旻
Jumbo仲話家姐呢個角色對佢嚟講好大挑戰。
譚永浩今次挑戰全程闔眼演戲，認真高難度。
佢同Jumbo（左）以及蔣家旻有唔少對手戲，仲全靠佢哋做盲公竹。
Jarryd希望透過今次嘅故事，可以將嘉鴻嘅正能量同善良特質傳達畀觀眾。
12月10晚《仁濟心》播出的第二個故事真實人物原型為患有輕度智障的視障人士高嘉鴻。先天失明的嘉鴻，透過庇護工場及支援中心興趣班的幫助，克服自身缺陷開拓精彩人生，除成功增值及擴闊生活圈子，更發掘了對演藝的興趣，更曾孖住余思霆及簡淑兒在慈善節目中表演跳唱《皆大歡喜》，帶出仁濟多年來致力推動殘疾人士增值及就業等相關服務。
Jarryd仲話好開心獲袁偉豪稱讚是劇集亮點，並謂對他來說是很大肯定。
是集單元真實人物原型為患有輕度智障的視障人士高嘉鴻。
負責飾演嘉鴻的，是之前憑《白色強人II》的精彩演出贏得不少關注的Jarryd，為了演好角色，Jarryd除了事前做足功課，更挑戰全程閉眼演戲，Jarryd笑言：「要多謝監製林肯同埋導演，佢哋圍讀時好用心去tune我嘅語氣同節奏，我亦都參考咗《黃金花》嘅凌文龍，以及《一路瞳行》嘅惠英紅。為咗還原番真人，我全程要合埋眼演出，好多走位都要靠Jumbo同埋蔣家旻去帶住，用道具時要靠手感，變相好體會到視障人士嘅日常生活，會更容易投入到。」
Jumbo以甜美笑容見稱。
Jarryd又謂透過觀看嘉鴻的訪問片段，了解到對方內心的強大：「佢心思非常細密，好多時遇到難關都會鼓勵咗身邊嘅人先。我都好希望透過今次演繹，可以將我見到嘅呢份善良表達到畀觀眾。」他又指很感激袁偉豪讚他是劇集亮點：「佢仲話如果有一套關於呢個角色嘅劇俾我去演，有機會係我嘅代表作。」
今次佢為劇集苦練苦情樣，唔知大家又收唔收貨呢？
蔣家旻
至於飾演Jarryd劇中家姐的Jumbo，亦坦言角色很大挑戰：「我以前主要做開女朋友或者好開心嘅角色，今次呢個角色最大挑戰就係有啲苦情戲要處理。因為我不嬲畀人感覺都係開朗，同埋笑容燦爛。」Jumbo還透露遭監製林肯勒令練習「靚靚苦情樣」：「我自己都知自己有呢個問題，因為試鏡嘅時候，或者睇番自己拍嘅片，都望到自己表情會比較誇張啲，所以要多啲對鏡練習番一個上鏡少少、但又貼地嘅苦情樣。」
Jumbo仲話家姐呢個角色對佢嚟講好大挑戰。
