八卦情侶出街食飯點解全程無言？ 網民笑：少年你太年輕

莫非見到了戀愛墳墓？有網民細心觀察後，在討論區以「點解好多夫妻情侶出街食全程唔講嘢、淨係睇手機？」發帖詢問。

樓主觀察到無聲局面。網上截圖

樓主指「仲要唔食頹嘢、食m記，係食啲中高價位餐廳都係咁，咁究竟出街食嘅意義係咩？如果係淡咗，係冷戰緊，點解又要洗啲咁嘅錢同時間淨係同佢食呢？而第三者角度去睇佢哋又唔覺得只係朋友關係，後生又係咁，中年又係咁，定大家真係有默契到可以精神交流？」

有網民笑言「佢哋喺whatsapp傾緊，就係唔想啲人聽到」。網上截圖

對於這個無聲局面，網民帶著「少年，你太年輕了」口吻回應，並直接查問「樓主中學未畢業？」。網友回應時坦言「日對夜對邊有咁多嘢講」、「日對夜對，對咗十幾年，已經係家人，點解食飯都要迫人傾計」、「因為已經唔需要用說話溝通」、「相處最高境界就係默默陪伴」。

網民認為「相處最高境界就係默默陪伴」。網上截圖

有網友分析「食飯全程唔講嘢可以有好多原因，可能忙緊，可能真係關係差，但亦可能係關係親密到唔講嘢都唔會尷尬。」。網上截圖

另有網民分析指，「食飯全程唔講嘢可以有好多原因，可能忙緊，可能真係關係差，但亦可能係關係親密到唔講嘢都唔會尷尬。相反，一定要無間斷傾偈，驚dead air嘅話，咁雙方都應該唔係好close」、「兩個人相處，唔講嘢都唔尷，夠comfort，已經好幸福」。

有網民笑言「睇埋台底先啦」。網上截圖

樓主的「無言」觀察，也獲網友認同，指「我都成日留意到隔離枱啲情侶掛住㩒手機，完全冇交流」；有網民則笑言「睇埋台底先啦」、「佢哋喺whatsapp傾緊，就係唔想啲人聽到」。

帖文來源：連登討論區

示意圖。設計圖片

興趣班並非小朋友專利！滿大街琳瑯滿目的興趣班，可能總有一班係為你而留！近日有網友就仔細研究工聯會的興趣班目錄，爆笑稱「睇完成個課程目錄，好似去咗趟奇幻之旅咁！」

網上圖片

有網友近日瀏覽工聯會課程目錄，發現竟然有「第七感研習班」，課程簡介聲稱技術由蘇聯耗資過億元研發，目的是「運用結構和意志力在任何想要知的資訊區域自由游走」，更指「身在蘇聯境內也可以遙視美國軍機的內部情況」。

網上圖片

這個索價530元、共五課的超能力班很快掀起網民熱議：「真心想知有咩人會讀？」、「人係香港，學完仲要特登去蘇聯試吓work唔work」、「要唔要着套黄金聖衣上堂？」。還有疑似舊生現身說法，分享十年前上過類似課程嘅奇幻經歷。

示意圖片

該位網民憶述當年導師「男人大叔衣著都寒酸」，課堂上教「用精神力估牌」，又指去賭場「只能用幾次要走」。

網上圖片

隨住第七感班爆紅，網民又挖出工聯會更多經典奇班，其中「懷才不遇自救法」索價150元，3小時的課程，聲稱教「如何去發展自己的才能、如何去 創造機會」以及「找到被人賞識的方法」。網民戲稱報讀「自救」課程「先收個150」，「工聯會真係可以 話係濟世為懷」。

以上除了兩大奇班，網民指工聯會過往還開辦過「六合彩致富」和「氣質形體儀態班」，不少網友直言工聯會課程種類廣泛到 「真係好多奇怪怪嘅班」、「睇完成個課程目錄好似去咗趟奇幻之旅咁！