拍拖4年男友感結婚壓力大 港女灰心：對將來冇乜憧憬

結婚是愛情的墳墓？有港女在網上發文，提到自己與男朋友拍拖4年，但對方看似未曾計劃將來結婚，更表明覺得結婚很大壓力，令她感到心灰意冷，並直言：「開始對將來冇乜憧憬甚至覺得睇唔到將來咁」。

港女指，自己與男朋友拍拖4年，但對方看似未曾計劃將來或結婚。資料圖片

該名港女在連登討論區以「其實係咪男人都覺得結婚好大壓力？」為題發文，提到自己與男朋友拍拖4年，雙方均為「20中」，但對方看似未曾計劃將來或結婚。經她詢問後，男友表明覺得結婚很大壓力，「唔知係咪家庭背景對佢都有啲影響啦」。她續指，自己間中亦會感到心灰意冷，並直言「開始對將來冇乜憧憬甚至覺得睇唔到將來咁」，因此發文詢問其他網民，「係咪大部分男人都覺得結婚好大壓力所以會逃避呢？定係純粹佢唔夠愛我？」

有人認為，「如果你好想結婚嘅話，咁你就要同佢講清楚，唔係拖到去最後佢先返枱嘅話，大家冇意思」。網頁截圖

港女隨後補充指，自己曾提過不需擺酒，而家人亦不會要求很多禮金，「純粹係想組織家庭唔係為咗做咩大龍凰畀人睇」。她又指，自己與男友以及雙方父母亦認為不擺酒沒有問題，「娘家都唔係貪錢老母，之前家姐結婚都淨係收咗兩三萬禮金」。她續指，亦曾與男友討論生育問題，「佢都想生但係一諗到要搬出去住好大洗費就有卻步」。她亦指，「之前都有問過佢如果我有咗咁點算，佢話咁到時就真係要再努力啲搵錢了，所以如果我哋結婚最大嘅錢銀壓力就係將來買樓/租樓/生仔囉，你話擺酒禮金嘅壓力就唔會有啦，但係以上嘅野我都會一齊畀一半」。

有人則指，「結婚個重擔落晒個男人度」。網頁截圖

相關帖文隨即引起熱議，有人認為「如果你好想結婚嘅話，咁你就要同佢講清楚，唔係拖到去最後佢先返枱嘅話，大家冇意思」、「香港地凈係一個樓價問題，已經令好多人唔敢諗結婚，唔敢諗生仔」、「咁可能條仔其實係冇諗過結婚，好多男未到30 都未必會諗」、「梗係啦，結婚個重擔落晒個男人度，又要買樓畀首期畀禮金，女人零付出」、「認真，除非好有錢就話啫，正常打工仔經濟條件唔算好嘅有壓力好正常，唔想分手就溝通多啲睇吓佢有咩顧慮，唔係話我無乜所謂唔明佢擔心乜嘢就唔當一回事」等。

有人直言，香港地凈係一個樓價問題，已經令好多人唔敢諗結婚，唔敢諗生仔」。網頁截圖

有人指，「除非好有錢就話啫，正常打工仔經濟條件唔算好嘅有壓力好正常」。網頁截圖

另有網民則認為，樓主太早思考結婚問題，「起碼3前玩夠晒讀齊書閱歷豐富工作穩定心理成熟生理健康先初步考慮結婚同生仔」、「20中，啱啱畢業就話結婚」、「其實廿中既男人真係好少講，通常錢又唔係搵得特別多，工又未必返得穩定，通常廿尾，有同輩家庭壓力先諗」等。

帖文來源：連登討論區

港女拍拖4年，但男朋友似乎未曾計劃結婚。資料圖片

有時騙徒很會利用人的善心，就似日前有網友出警世帖，指日前在一間本港連鎖大型藥房，差點跌入「撿錢包反被誣陷偷錢」騙局，幸好當時有所警愓沒有受騙，但帖文卻引起網友的熱議！

示意圖。AI生成圖片

樓主驚覺險跌「掉錢包陷阱」

網友發帖指日前在一間本港連鎖大型藥房遇到一件很可疑的事件。他表示當時在藥房將個購物籃放在地上然後查看展示櫃的貨品，但他留意到期間一直有名男子在附近徘徊。怎料「準備走嗰陣現籃子旁邊多咗一個露出大量現金嘅錢包」幸好當時樓主有所警愓，指感覺好似常見的「掉錢包陷阱」。

地上有一個銀包，卻似是被人刻意地展露了一大鈔票，當中有幾張500及100元港幣。FB圖片

銀包刻意展露了一大疊鈔票

於是他找來店員處理，正當店員剛要撿起錢包時，突然那名男子衝出來，並出示身份證指錢包是他的，但樓主質疑對方「反應異常冷靜熟練」令他懷疑是新型騙術，是「撿錢包反被誣陷偷錢」的騙局。由樓主PO出的相片所見，地上有一個相當殘舊的銀包，卻似是被人刻意地展露了一大鈔票，當中有幾張500及100元港幣。

示意圖。AI生成圖片

網撐：建議見錢銀一律唔好掂

帖文一出大部份網民都認同這很可能是一場騙局，認為最適當的處理方法是不要觸碰，直接通知職員或報警：「點解咁大個銀包啲$500會淨係凸個銀碼出嚟咁得意嘅？」、「身份證又唔係放喺銀包入面咁得意」、「咁奇怪？用身份證衝出嚟話銀包係佢，唔係擺埋一齊咩？」、「真係跌落地下， 啲錢都唔會突出嚟㗎， 佢真係好假」、「啲錢點會咁樣跌出嚟呀？肯定係一個局，攞起咗你就後悔」、「建議大家見錢銀一律唔好掂，一係揾店員一係報警。您一掂，對方就有藉口老屈您。永遠保持眼看手勿動，更不要心動。」、「正常跌銀包啲錢會咁樣show 出嚟嘅咩？」、「好彩你講出黎….如果唔係真係會好心執起」。

網上圖片

跌錢黨原來已有三十年歷史

亦有網民指出早在三十年前已出現過類似的詐騙手法「呢啲跌錢黨都有三十年歷史，以前有啲喺海港城近中港碼頭出沒」、「呢一招30年前已經用緊，我個同事就係因為貪心執咗個銀包，畀人呃咗隻鑽撈」、「幾年前係旺角都遇過跌錢黨，佢係我前面行行下跌咗幾張一百蚊，我開聲叫住佢話你跌咗錢，佢又係異常冷靜咁執返，唔該都冇講一句，發現佢附近有另一個男人同佢打眼色！好彩我機警冇幫佢執錢！」、「多年前喺深圳福田遇到過有人刻意喺我面前跌咗一包金，跟住另一個人執起神神秘秘話同我一齊分左佢，我拒絕咗，叫佢自己一個人要晒佢。永遠警戒自己，貪字得個貧」。

網笑：一腳就踢銀包落櫃底

有網民搞笑地表示應該「一腳就踢落櫃底，等佢爬低慢慢執」、「一腳窩利抽射解決晒所有問題」、「我以前係街到遇過呢啲，當時條友同我打對行，佢咋咋底底跌銀包，我又咋咋底底一腳幫佢踢出去馬路」。