《法證先鋒 V》陳嘉慧出拳兇狠獲封女拳王 陳曉華難忘處女吊威也場口「頭髮亂了」

Erica喺呢套劇入面都係表情多多。

Erica角色原本係一個善良熱血嘅社工，可惜因為跟進個案嘅不幸離世，令佢變偏激兼走上歪路。

Erica的打拳Look雖然只有短短數秒，但仍大獲好評。

Erica的打拳Look雖然只有短短數秒，但仍大獲好評。

撒嬌澄清：我平時唔係咁架
是次Erica演出有一定新鮮感，皆因以「陽光少女」Style見稱的她，180度轉變飾演闇黑偏激熱血社工，擅長打拳的她更是疾惡如仇，相當兇狠。在其中一條花絮宣傳片中，Erica拍攝打架場面除了話「起飛腳就起飛腳」，對著武師亦是拳拳到肉，因而獲封女拳王。Erica事後受訪時笑言拍攝時其實一再被嫌唔夠力：「我每一下都係用盡吃奶嘅力去打佢哋，但佢哋依然話唔痛，係咁叫我畀啲力，我驚我會打死佢添呀，其實我真係畀咗好多力，但佢哋依然叫我畀力。」談到被指兇狠，Erica即撒嬌澄清謂：「好多謝武指教我點起腳同出拳，我睇番片都覺得自己幾狼死吓。平時嘅我唔係咁架，我平時好溫柔、好陽光架！」Erica為了劇中打拳場口，更專誠學打拳，而其拳手造型亦贏得網民正評：「陳嘉慧終於出場」、「陳嘉慧好睇」、「陳嘉慧好正，甜美又得，暗黑又得」。據知Erica劇中角色甚有發揮，稍後更會涉及重大事件，期待值高。

Erica兇狠同大展身手嘅一面。

係咪好難得一見呢？

佢嘅兇狠程度，嚇窒咗同場嘅洪永城（左）同丁子朗。

事後Erica都有同武師哥哥講番對唔住。

至於一人分飾母親柳青及女兒楊冰的陳曉華（Hera），亦是本周焦點人物。身為咖啡店老闆娘的楊冰本周將離奇失蹤，前法證員工司徒亮（白彪飾）及寶英（王敏奕飾）聯手展開調查，事件進展更相當耐人尋味。對於可以在同一劇集中分飾兩角，Hera笑言感覺有趣，皆因角色性格截然不同，並謂角色髮型讓她更易入戲，Hera說：「個角色就媽咪粗魯啲衝動啲，個女就好斯文嘅，我覺得造型方面幫咗我好多，只要一電完個頭我成個人嘅感覺即刻頑皮咗。」Hera又謂劇中最難忘的地方，是首度挑戰吊威也戲。在另一條花絮宣傳片中，可見Hera為了該場碌落山戲費盡功夫，單是一個簡單的翻身動作也要試位及拍攝多次，還要應付逃命奔跑戲；由於現場頗為大風，令她頓時「頭髮亂了」，畫面趣怪。