柳應廷拍《百萬》犧牲被真打 黃德斌為救簡慕華遭淋紅油

Jer為求效果逼真不介意被真打。

ViuTV原創劇《K Cash Supreme呈獻：百萬同居計劃》下周迎來結局篇，除了於星期一至五晚上9時30分播映外，更會於12月24日 晚上9時30分播放大結局，與觀眾一起歡度平安夜。劇集講述城中知名的女強人「黑寡婦」霍姐 (簡慕華 飾) 邀請斜槓族燈仔 (盧瀚霆飾)、初戀蕭遙 (黃德斌 飾)、下屬阿包 (徐㴓喬 飾) 等人參與「百萬同居計劃」，參加者只要搬進她的大宅一起同居生活半年，就可以人人獲取一百萬獎金！ 

大宅眾人到郊外行山，遇上前來追債的「大聖爺」Suzuki

Jer被Suzuki攻擊重要部位，露出痛苦表情

12月20日 播出的第11集就講到大宅眾人全員出動到郊外行山，期間遇上前來追債的「大聖爺」李建邦 (Suzuki)，柳應廷 (Jer)、練美娟 (娟姐) 要捱打，黃德斌、陳子豐亦慘被淋紅油。雖然劇情驚險，但戲外演員們相處融洽，鏡頭外都有講有笑，所以不時被劇組溫馨提示要安靜，以免打擾附近居民。 

娟姐被掌摑！

德斌為救簡慕華而被淋得背面全是紅油。

而為求效果逼真，Jer及娟姐都不介意被真打，其中Jer被Suzuki攻擊重要部位的一幕，Jer笑言真的有打中，不過他就鬼馬回應：「好彩我練咗硬氣功，我反而驚佢 (Suzuki) 隻腳痛啊！」至於被掌摑的娟姐亦非常專業，透露之前另一拍攝曾試過借位但最終穿幫，所以寧願被真打，「快快脆」完成所需鏡頭。 

德斌成為簡慕華、娟姐「打卡熱點」

德斌為救簡慕華 (Rachel) 而被淋得背面全是紅油，Rachel、娟姐等女演員大讚德斌好勇，停機後更一起拍照留念，娟姐笑言德斌成了「打卡熱點」。談到遭淋紅油的感受，德斌就表示「濕濕碎」，又謂：「之前都有拍過呢啲戲份，嗰次仲係冇得擋，今次都已經好好有件外套擋住。」

慘被淋紅油的德斌和簡慕華合照。

子豐亦被淋全身紅油。

Jer柳應廷高唱我行我素走我路！

由推出第一首單曲《水刑物語》開始，柳應廷Jer就一直在創作與主流音樂作品迴異的歌曲，每一首歌曲為樂迷帶來驚喜的同時，有時亦會予人怪誕感覺。不過Jer卻覺得怪誕都有其獨特魅力，就好似他的偶像導演添布頓Tim Burton，受人愛戴追捧，而新歌《筆觸男孩憂鬱之死》，就是唱出Jer在音樂創作路上的心聲。

柳應廷（Jer） 以怪誕造型拍新歌《筆觸男孩憂鬱之死》MV。

Jer鍾情添布頓的作品，今次《筆觸男孩憂鬱之死》的創作靈感，也來自添布頓。Jer道：「我好喜歡添布頓創造嘅世界，不論畫作還是電影，荒誕得嚟又帶有獨特嘅魅力，《筆觸男孩憂鬱之死》就係由佢畫家同導演呢個角度去切入：無論你係乜嘢人，只要相信自己，堅持做自己覺得啱同開心嘅事，最終會建構到屬於自己嘅世界。」Jer深信，不論做任何作品，只要堅持自己，到後來回望，就會見到由自己一手打造，屬於自己的音樂路。

受導演添布頓影響。

堅持創作信念。

所以今次《筆觸男孩憂鬱之死》，Jer便找來全新班底合作，包括作曲的T-Ma及填詞的鍾說，來個新嘗試，Jer很喜歡這個組合，道：「 T-Ma好快就諗到好得意，市面上又唔多見嘅旋律，至於鍾說，我哋傾歌詞內容時，都不其然講起尊尼特普（Johnny Depp）同添布頓，於是我哋就諗到不如用畫家角度，唱出我嘅想法。」鍾說特別在歌詞中加入了一些添布頓電影的元素，大家聽歌時可以細心發掘一下。

新歌高唱我行我素走我路。

既然歌詞裡面出現了添布頓的元素，今次MV也就順利成章，讓Jer以怪誕造型演出，Jer介紹道：「我好鍾意電影《怪誕屍新娘》（Corpse Bride），所以MV其中一個黑白間西裝造型，靈感就係來自電影裡面嘅主角Jack，而我身上嘅玩具：恐龍、權仗、車、玩具珠寶等等，其實代表每個人內心嘅慾望。除此之外，我個妝就好似一個畫家喺我塊臉上面繪畫，畫咗唔同嘅彩繪。」而Jer飾演的瘋狂角色，就是一位創造家，在甦醒帶大家參觀他所創造的地下收藏室。Jer繼續介紹MV道：「其他角色嘅眼耳口鼻都畫喺唔同地方，呢啲都係我所創造嘅人物。喺收藏室裡面，每通過一度門，就好似帶聽眾逐步深入我嘅收藏世界。」

Jer帶大家走入怪異世界。

添布頓被形容為怪誕導演，那麼Jer也是一個怪誕的人嗎？他親自解構道：「我都係一個怪怪地嘅人，因為我鍾意玩，行為有時都有啲怪異，例如成日大叫、暴走，打牌自摸都會咁，我有時都控制唔到，玩起上嚟就會好癲，所以我唔驚『怪誕』呢個形容詞，亦唔覺得陌生，只要自己開心Enjoy就得，實行用自己魅力感染人哋。」

Jer以怪誕造型演出。