鄭俊弘自認元植似傻版自己！
由黃偉聲監製，龍文康擔任編審的《中信銀行（國際）CITICdiamond特約：輕．功》，逢星期一至五晚九點半翡翠台播放，演員陣容包括黎耀祥、龔慈恩、蔣祖曼、朱晨麗、朱敏瀚、鄭子誠、歐瑞偉、韋家雄、寶珮如、王綺琴及楊卓娜等。
點擊看圖輯
元植呢個角色傻氣十足，深得網友喜愛。
元植畀志威（韋家雄飾）呃話要買高麗參拜師，搞到冇晒積蓄。
十一畀元植真誠打動，終於收佢為徒。
風仔唔太高興，瘋狂呷醋。
大家飲完參湯後燥到流鼻血，風仔趁機拎元植同十一嘅鼻血去驗DNA。
親子關係概率達99.9996%，好耐人尋味！
Fred為咗角色認真學啪骨。
表現專業！
唔知祥哥覺得阿Fred手勢點呢？
元植呢個角色傻氣十足，深得網友喜愛。
元植畀志威（韋家雄飾）呃話要買高麗參拜師，搞到冇晒積蓄。
12月19日晚一集，劇情講到元植（鄭俊弘Fred飾）為拜十一（黎耀祥飾）為師，花盡身上所有積蓄，最後十一終被其真誠打動，決定收他為徒；惟元植經常登堂入室，令到翊風（朱敏瀚飾）甚是不滿，醋意頻生的翊風更一度懷疑元植是十一私生仔，遂偷偷拿取兩人DNA做親子鑑定，結果得出兩人是親子關係的概率達99.9996%，事情發展耐人尋味。
十一畀元植真誠打動，終於收佢為徒。
風仔唔太高興，瘋狂呷醋。
大家飲完參湯後燥到流鼻血，風仔趁機拎元植同十一嘅鼻血去驗DNA。
親子關係概率達99.9996%，好耐人尋味！
演元植嗌好玩 唔使記對白
Fred飾演的中韓混血兒元植，性格戇直開朗加上半桶水廣東話，經常鬧出不少笑話，深得觀眾喜愛，網友留言：「角色對白搞笑，又要啟動追劇呀！元植oppa、加油呀！」、「元植好可愛」、「《輕．功》鄭俊弘元植角色（令我）完全對他改觀，做得唔錯。」受訪時，Fred直言元植這個角色好玩：「成日講錯嘢，九唔搭八咁，所以喺現場亂噏都得，唔使點記對白。元植比較天真同活潑，所以我演呢個角色時都覺得自己後生咗、開朗咗。同埋個角色都係好鍾意打功夫，又會唱吓歌彈吓結他，同我有啲相似，好似一個傻版嘅我！」
Fred為咗角色認真學啪骨。
表現專業！
日日開工幫朱仔啪骨
劇中元植是一位物理治療師，有不少啪骨場口，為求效果逼真，Fred拍攝前專誠跟師傅學習，無綫娛樂新聞台當日直擊Fred其中一場啪骨場口，見Fred認真聆聽師傅講解，親自落場時亦好快上手，非常專業。Fred受訪時透露啪骨一點都不簡單：「要摸啱啲位去啪，真係要用好多年時間去訓練，我拍攝時都只係做啲動作，但我都真係學到一、兩招啪到嘅，朱仔（朱敏瀚）日日開工前都叫我幫佢啪。」提到與視帝祥哥有不少對手戲，Fred直言學到好多嘢：「拍攝遇到咩問題都會問阿爹（劇中對祥哥稱呼），同埋會一直觀察佢做戲，睇佢點樣排戲、理解劇本，就算大家排好戲，佢都會繼續自己喺度排戲練對白，我都偷咗佢呢招。」
唔知祥哥覺得阿Fred手勢點呢？
