高鈞賢為求逼真化6小時屍體妝 近乎全裸拍攝《法證V》解剖戲

由於世熙死後要接受解剖，畫面所見只遮著重要部位的高鈞賢（Matthew），近乎全裸躺在解剖床上。原來為求逼真，Matthew當日花了足足五至六個小時化屍體妝，並謂「好彩自己唔太怕凍」：「係好凍呀，一來張鋼床好真實，二來化妝間嘅冷氣真係好勁。」Matthew續指為求真實呈現屍體應有狀態，故沒有像平時拍除衫戲般刻意操弗，反而控制不要吃太多以免肚腩意外外露。

為咗化好呢個屍體妝，高鈞賢足足捱咗五至六個鐘頭強勁冷氣。

連唔怕凍嘅佢都忍唔住話好凍。

監製Ben大讚Matthew在《法證V》愈演愈好，Matthew透露由於最後數集是Ben親自落場拍攝，故大家有即場研究如何令角色更立體，並指自己最喜歡的場口是在咖啡店與陳曉華的對手戲：「因為我成套劇都好認真、冇乜笑容，唔係好表達到內裏真實嘅性格。個角色雖然做好多壞事，但佢其實都好似普通人咁想擁有自己嘅愛情，所以嗰場戲雖然簡單，但我都好有感覺。」今晚大結局，世熙的死亡真相將會終極解開，Matthew透露拍攝時有一定難度：「因為嗰日要趕進度，加上好凍，天台超大風，仲要拍感情戲係有啲難度。好彩拍完出嚟我都滿意，希望大家到時睇都覺得有驚喜啦。」

呢幕咖啡店感情戲雖然淡淡地，但一來兩位都靚仔靚女，二來係兩個都真係好冧咁，望落又好有希望同好陽光咁。

難怪高鈞賢咁鍾意。

高鈞賢預告大結局嘅天台戲有驚喜。

蔣怡顏值在網絡引起迴響。

「蝦碌」王敏奕引爆黃宗澤笑穴
而逐漸露出真面目的Thena，因妒忌余Sir（黃宗澤Bosco飾）與寶英（王敏奕飾）相戀，竟下毒手綁架寶英，更與余Sir大玩「緣份遊戲」，測試他與寶英的緣份指數，寶英生死成為大結局關鍵。曾被譽為「黑美人」的蔣怡，劇中角色亦在網絡引發顏值熱議，不少網民覺得她雖然太瘦，但指對於媽咪級來說，絕對屬於保養得宜系列。另今日無綫官網釋出Bosco與敏奕的NG花絮，片段所見，敏奕堪稱「蝦碌王」，不但會唸錯對白、搞錯與對手互動Timing、最搞笑是她連開車門也出現困難，頭髮又經常被風吹得猶如亂草，令「冷面」Bosco都忍不住失「守」連番笑場，認真威力驚人！