日本限制三地航班僅用4機場 苦主呻「去個旅行都咁難」

據日本媒體表示，來往內地、香港和澳門的航班，只可使用東京成田、羽田、大阪關西和名古屋中部機場。相關消息傳出後，大批已購買機票的旅客在網上發文，大呻「去個旅行都咁難」。

在連登討論區，與相關消息有關的帖文湧現。網頁截圖

現時除了該4個機場以外，福岡機場、北海道新千歲機場、沖繩那霸機場亦有往來香港的航班。

不少網民在網上大吐苦水。FB截圖

在連登討論區，與相關消息有關的帖文湧現，包括「［突發］來自香港航班僅能利用成田、羽田、関西及中部4個空港升降」、「因應中國疫情發展 日本宣佈12月30日起 來自中港澳三地航班 只可使用成田 羽田 關西及中部機場」、「北海道苦主圍爐區」、「有冇保險係保好似日本咁無啦啦封香港人去某啲機場咁嘅情況?」等。不少人則留言指，「唔知航空公司會改轉機定點」、「圍個爐先，我都唔知點算好」、「日本怕咗大家」、「會唔會轉個頭又改，諗起都好攰」等。

有人大呻「去個旅行都咁難」。FB截圖

另外，不少計劃前往北海道、九州等地的網民則在社交媒體上發文大吐苦水，並提到自己已購買機票及交通票券等，亦已預訂酒店，因此感到徬徨無助。有人直言，「我喺1月17飛，喺OU，JR 全部買晒，想死呀依家」、「好多人買咗過年前後嘅飛，真係點算」、「真係一鑊畀佢玩死」、「去個旅行都咁難嘅」、「我1月1號飛，訂晒酒店同JRpass」等。有人則建議「飛去四個關口轉機，或者買咗旅遊保險搵保險賠」、「搭ANA加國內線咪得囉，畀多幾嚿水啫」、「搵定內陸機/ JR PASS」、「買JR PASS轉新幹線啦，仲方便」等。

有人建議轉內陸機或轉乘新幹線等。FB截圖

資料圖片

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」