1996年資料輸入員招聘廣告惹議 網民：香港有人工守恆定律

一張1996年的招聘廣告近日引起熱議。在相關廣告中，有電訊公司以時薪45元急聘大量兼職及臨時的資料輸入員，引起網民熱議，並提到當時的薪酬與現時相差不大。

樓主指，「1996年招聘廣告，時薪竟然同現在差別不大」。(「扮工室Online」FB)

有網民日前在facebook群組「扮工室Online」發文並分享圖片，又指「1996年招聘廣告，時薪竟然同現在差別不大」。從其上傳的照片可見，在該則刊於報紙的招聘廣告中，該電訊公司急聘大量資料輸入員，性質為兼職及臨時工，負責一般文職及資料輸入工作。申請人的學歷需達到中五程度，懂得電腦操作，打字速度快及準確，時薪則為45元。廣告中又提到彈性上班時間，歡迎學生兼職。

有電訊公司招聘大量資料輸入員。示意網圖

相關招聘廣告隨即引起熱議，網民提到當時的薪酬與現時相差不大，並指「我記得2004年做打字，資料輸入員$50一個鐘」、「依家18年之後，45蚊一個鐘」、「我以為張招聘係依家」、「香港有人工守恆定律」等。有人則解釋指，「當年有幾多人識用電腦打字？地位同而家做IT一樣。睇下依家50歲班人有幾多個識打字咪知點解咁高人工囉」、「當年識電腦打字嘅人唔多，所以人工會比其他工作高」、「96年都唔係人人識用電腦，時薪梗係有$45」等。有人則提到當年的薪金及物價水平低，並指「1996年百貨公司兼職售貨員$20個鐘」、「麥當勞 10.5 一個鐘嘅年代」、「當時7仔買支水都係三四蚊」等。有人則直言「樓價係幾何咁升，件工係幾%咁升，根本無得比」、「2000後人工先越嚟越低」、「比較埋樓價物價，就知香港人幾苦」、「證明個香港社會冇進步過」等。

網民提到當時的薪酬與現時相差不大。FB截圖

有人則解釋相關原因。FB截圖

有人則直言，「樓價係幾何咁升，件工係幾%咁升，根本無得比」。FB截圖

另外，有人則分享指，「我1995做和記call台有$12000一個月，返8粒鐘26日除返都有$40 ，仲包lunch係公司canteen食，和記以前出手都唔底，做做下嘢super 走過嚟畀張紙你，5分鐘打得晒啲中文字出嚟就有$500」、「我在和記做過call台， 平時OT鐘無記錯係50 -55 一個鐘， 如果新年肯由年三十ot到初一， 每個鐘係過百， 當年剛剛中五畢業，其他同學仔做初級文員，太約係6000 個月， 我份call台，計埋勤工已經11000, CALL台仲要包食飯， 和記CALL台有飯堂㗎，每星期有一日豪華餐。 另星期六係粥麵餐。。。慳慳埋埋都唔少㗎」等。

帖文來源：「扮工室Online」

一張1996年的招聘資料輸入員的廣告近日引起熱議。示意網圖/「扮工室Online」FB

香港麥當勞由2026年1月2日起，透過手機應用程式推出一連7天「麥麥心意賞」優惠，首天優惠為「10元9件麥樂雞」。但可能員工忙中出錯，有食客日前去麥當勞購買麥樂雞，開盒先發現變4隻雞翼，亦指自己「都唔知係賺咗定蝕咗」。

香港麥當勞推出一連7天「麥麥心意賞」優惠。資料圖片

麥當勞買9件麥樂雞 開盒變4隻雞翼

樓主在社交平台發帖，指自己日前趁午飯時間到麥當勞購買10元9件麥樂雞，但回到公司準備用餐時，卻發現盒內變成4隻雞翼，估計是員工忙亂中出錯，她因此表示「都唔知係賺咗定蝕咗」。

麥當勞買9件麥樂雞，開盒變4隻雞翼。當事人帖文截圖圖片

沒有麥樂雞但仍有麥樂雞醬料

從樓主上傳的相片中顯示，枱面有薯條、漢堡，以及1盒脆香雞翼，雖然沒有麥樂雞，但員工仍有給予兩盒麥樂雞醬料。

網民羨慕聲一片：抵咗一半有多啦

大批網民留言話「好羨慕」，「抵咗一半有多啦」、「賺到笑」、「開盒check貨係基本常識啦」、「我有年試過叫3盒，點解好似咁重？回到公司打開原來4盒」、「即刻落去再叫過啦」。

有網民表示自己亦有購買優惠，我打開見到11件麥樂雞。當事人帖文截圖圖片

亦有網民表示自己亦有購買優惠，「我打開見到11件麥樂雞，賺了」。

網民：如果你喜歡吃這個就賺

惟有意見認為因人而異，「如果你喜歡吃這個就賺」、「我反而鍾意麥樂雞多啲」，有人指出「即係有人買雞翼變咗麥樂雞」。

有人指出，即係有人買雞翼變咗麥樂雞。資料圖片