2023年1月8日是TVB《萬千星輝頒獎典禮2022》的大日子。劇集《下流上車族》講述車家金融風暴「落錯車」，為求再上樓用盡各種抵死方法。劇集出街後因題材貼地，加上演員都是猛料之人十分好戲，大受好評。除了作品被提名「最佳劇集」，男主角「車總」林敏驄爭視帝及「最受歡迎電視男角色」，女主角「繼母」鮑起靜、「車太」江美儀都有份爭視后，鄧智堅爭「最佳男配角」，兩個「囡囡」郭柏姸、羅毓儀角逐「女配角」、「飛躍進步女藝人」，又同鮑姐爭「最受歡迎電視女角色」，「車太夫婦」又爭「最受歡迎電視拍檔」，還有大馬的各項獎項......
下流一族齊現身紅地毯。
《下流上車族》睇到觀眾又喊又笑。
「車家四口」齊齊現身頒頒獎禮，氣勢如虹！江美儀表示：「最開心係驄哥行出嚟呀嘛！」林敏驄即時笑說：「咁車太命令呀嘛！唔係以後都唔好嚟。」其實在頒獎禮前，曾有報道指林敏驄不出席頒獎禮，本尊親身回應：「受傷呀，俾人踢親呀，琴日踢波，好波得滯成日俾人踢。」江美儀即問：「俾人妒忌呀嘛？」林敏驄繼續發揮搞笑本色：「隻腳仲喺球場啦！」其他「屋企人」錯愕地指住佢問：「咁呢對腳係？」驄哥無灰道：「踢波好多假腳㗎嘛，假身都有啊！呢兩個嘢(郭柏姸、羅毓儀)係咁整啲emoji喊晒口咁好擔心咁樣，咁我依家出嚟。」
點擊看圖輯
下流一族齊現身紅地毯。
《下流上車族》睇到觀眾又喊又笑。
林敏驄有到，大家都開心。
林敏驄繼續口水多過茶！
羅毓兒都支持「爸爸媽媽」拎視帝后。「爸爸媽媽」亦祝兩個女孩子齊齊拎到「飛躍進步獎」。
林敏驄有到，大家都開心。
江美儀都表示高興「一家四口」齊腳：「佢應承咗我哋一定會出現。我都話：『咁好一個劇集，大家拍得咁開心，你肯出嚟，大家盡量影幅相一個留念，攞唔攞獎都好！』」不過，鮑姐就可惜未能出席頒獎禮，原來係去搵真銀！大家都表示失望，但林敏聰繼續口水多個浪花搞氣氛：「如果鮑姐嚟呢， （江美儀）佢就冇乜機會。如果鮑姐唔嚟，佢好大機會。」江美儀即時露出惶恐表情：「原來係咁㗎 ？咁要打電話多謝佢先囉。」
林敏驄繼續口水多過茶！
郭柏儀都好支持「爸爸媽媽」拎視帝后：「網上都見到好多人話，車總車太一個視帝一個視后。我覺得佢哋都非常之有機會。」羅毓兒都支持「爸爸媽媽」。「爸爸媽媽」亦祝兩個女孩子齊齊拎到「飛躍進步獎」。江美儀自己則對拎視后保持平常心，「兩公婆」仲搞笑話事後丸就食好多。
羅毓兒都支持「爸爸媽媽」拎視帝后。「爸爸媽媽」亦祝兩個女孩子齊齊拎到「飛躍進步獎」。
