尖沙嘴SOGO本月推清貨大激減 傳將結業遷往啟德

大部分網民對於相關消息並未感到驚訝。網頁截圖

在相關消息傳出後，隨即引起網民熱議。大部分網民對於相關消息並未感到驚訝，並表示，「上次喺隔離睇醫生，去行過真係無人的」、「呢間有人去嘅咩?」、「嗰個位其實唔多就腳」、「唔執先奇」、「當年開張逼到爆」、「呢間勁細，毫無消費體驗」、「又暗又唔好行」、「嗰度其實都唔難去，尖東站或者尖沙咀站一出就係，係細間得滯啫，無日式百貨公司感覺囉」、「呢間SOGO晨早就要摺啦，同銅鑼灣嗰間根本兩回事」、「上年經過一次，真係死場嚟」、「好事嚟，呢間應該一早就要執」、「聽都未聽過，正常都執」等。

有人直言，「呢間勁細，毫無消費體驗」。網頁截圖

崇光(香港)百貨是香港最大型的日式百貨公司之一，現時有2間分店，包括銅鑼灣店及尖沙嘴店。當中，尖沙嘴店位於彌敦道20號。《星島頭條》曾致電崇光百貨客戶服務部，獲職員確認結業消息，並指確實日期需待官方公布。至於銅鑼灣分店則會正常營業。及後有消息指，尖沙嘴SOGO只是搬遷到啟德。