鄭欣宜（Joyce） 早前在新碟發布會哭訴有感不被社會容納，她接受本網專訪時透露曾經歷低潮期，一度想退出娛樂圈，最終她整理思緒重新出發，正如跟她開曲奇餅店的理念一樣：「最緊要輸得起！」
鄭欣宜接受本網專訪。（本網記者攝）
欣宜指由2010年正式入行至今歷過低潮期，三年前更一度想退出：「嗰段時間我覺得好迷惘，睇唔到前路，唱歌方面覺得自己好似高不成底不就，半紅不黑。呢個係我恐懼，好驚原地踏步，嗰時冇乜fans，爸爸又要工作，每次出騷真係唔知唱嚟做乜，唔知唱俾邊個聽，嗰時好唔開心。」
點擊看圖輯
鄭欣宜接受本網專訪。（本網記者攝）
欣宜唔怕被人話肥，最傷心被人話敗家。（本網記者攝）
鄭欣宜指《你瘦夠了嗎？》是講真我，《女神》是講自我價值，都是同一系列。（本網記者攝）
欣宜年初開設曲奇餅Pop-up店。（資料圖片）
欣宜最怕外界將她與父母作比較。（資料圖片）
欣宜唔怕被人話肥，最傷心被人話敗家。（本網記者攝）
欣宜說當時會想怎樣才可增加粉絲，例如減肥或穿着得中性一點，雖然自少在加拿大讀書及生活，也曾努力學好中文，盡量戒掉平時說英文的習慣，又盡量變得斯文一點：「但係呢啲全部都唔係我，我覺得觀眾同聽眾唔係蠢，佢哋就係正正見到我做緊一個唔係自己嘅人，所以咪覺得乞人憎、唔舒服。所以我再有機會簽蕭定一嘅時候，我同自己講話冇嘢輸，橫掂都冇人睇，反正係咁我就做自己想做嘅嘢，做自己想做嘅人。」欣宜指現在EQ低落時，會容易順從他人要求而失去自己。
鄭欣宜指《你瘦夠了嗎？》是講真我，《女神》是講自我價值，都是同一系列。（本網記者攝）
欣宜年初開設曲奇餅店的Pop-up店，創業想法源於低潮時期：「嗰時好少工作，成日坐喺屋企等工作。我好憎坐喺屋企等工作，所以我就搵嘢做，初時整（曲奇）俾屋企人朋友食，點知有人想落單咪開始囉！今年將佢真真正正成為一門註冊咗嘅生意。」欣意指以前完全不懂做生意，曾打算讀幾個課程，但後來同自己講有機會要一路做一路學。欣宜未有正面回應賺了多少錢，但透露業務一直發展，亦有計劃開分店：「唔博一鋪大唔會贏一舖大，最緊要輸得起。」
欣宜年初開設曲奇餅Pop-up店。（資料圖片）
出身於演藝家庭，欣宜直言從沒有想過與其他「星二代」比較，因為大家各有不同，惟最怕與父母作比較：「佢哋兩個都係好優秀嘅藝人，佢哋出道咗幾十年，佢哋都有佢哋出道時嘅困難。有時我心急好忟憎。我又唔係佢哋，我要去學，唔會一步登天。」
欣宜最怕外界將她與父母作比較。（資料圖片）
歌唱方面，欣宜笑言與爸爸鄭少秋歌路不同，一定不會問他唱歌技巧，至於演藝方面就經常向他請教：「我對演戲唔係好大信心，可能我處理緊一啲我對我自己外表信心嘅問題，所以都演戲唔係好舒服。」欣宜坦言鍾意唱歌多於演戲，但笑言自己很貪心，兩樣都想試。
化妝：Samuel @江中平化妝室
髮型：Milk Chan@Xenter
