泳兒樂見李幸倪加盟英皇 唔擔心被「師妹」分薄資源

泳兒開心有更多歌手加入英皇大家庭。

泳兒為節目《慈善星輝仁濟夜》擔任表演嘉賓，她在台上表演時被受惠家屬一番話所感動，因而強忍淚水演出，她稱唱歌也會被歌詞感動，特別是近兩年作品都是自己的心聲，而早前頒獎禮時泳兒也忍不住落淚，坦言好難忍住不喊：「Mani說可以用手壓住淚腺！但我越忍越容易崩潰，有時可以真情流露，反正是開心的眼淚。」而一直恨返新加坡的泳兒，開心在當地接到工作，稍後可以寓工作於娛樂。

泳兒為節目《慈善星輝仁濟夜》擔任表演嘉賓。

泳兒為節目《慈善星輝仁濟夜》擔任表演嘉賓。

她在台上表演時被受惠家屬一番話所感動，因而強忍淚水演出，她稱唱歌也會被歌詞感動。

她在台上表演時被受惠家屬一番話所感動，因而強忍淚水演出，她稱唱歌也會被歌詞感動。

談到李幸倪（Gin Lee）加盟英皇成為「師妹」，泳兒表示很高興，可以有更多歌手加入大家庭。問可擔心分薄資源？泳兒笑說：「可能是大家一起加碼呢！（有向你打聽公司運作？）大家傾將來的發展，閒聊一下，當時都未知她會加入。（由你拉攏？）我沒有咁大能力，動筆簽約是自己的，我都是聽公司公佈才知，大家早已認識，加上同樣是聲夢導師，所以有親切感。

她在台上表演時被受惠家屬一番話所感動，因而強忍淚水演出，她稱唱歌也會被歌詞感動。

鍾培生亦是善長之一。

剛開完騷的伍仲衡、蕭正楠、區永權亦有份獻唱。

剛開完騷的伍仲衡、蕭正楠、區永權亦有份獻唱。

去年獲得好成績的泳兒，己將心思放在獎勵自己的歐洲之旅上，笑言是被男友丟下，才會與女性友人計劃旅行。問是否避年？泳兒稱是新年容易請假，但她也預備好旅程後回公司派大利是感謝同事支持：「己預期是大出血，下星期要去銀行提款。」

同場還有曾比特。

曾比特亦都是與學生合唱。

黎諾懿是搞手之一。

其中一位參賽者追問張敬軒：「我想問吓你着泳衣條數幾時找？」軒仔回應：「我話俾你聽我操緊呀真係！」

張敬軒、Gin Lee李幸倪、泳兒（Vincy）、黃明德（Dark）、黎展峯（Andy）及洪助昇（Aiden）日前到海洋公園出席《EEG電笠人人和音校園巡演》，劉若寶（Polly）擔任當晚MC，活動邀請了南區七間中學的學生及一些低收入家庭入場欣賞演出，目的是希望透過歌手分享自身經歷，鼓勵學生積極面對問題及認識自己，面對疑難時，總會有方法解決及抒發的途徑，他們並不孤單。

《EEG電笠人人和音校園巡演》。

Polly劉若寶

六位歌手除了唱歌，更與觀眾大玩遊戲，台下觀眾反應熱烈。壓軸出場的軒仔除了唱出《隱形遊樂場》及《青春告別式》，更帶來小手信送給現場觀眾，「今年我發行咗一款月曆，有我嘅玉照。」隨即引來全場起哄，而站在軒仔身旁的Vincy出奇不意一句：「係咪着泳衣㗎？」觀眾又再次嗌爆場館，這時其中一位參賽者乘機追問軒仔：「我想問吓你着泳衣條數幾時找？」全場大聲歡呼，軒仔回應：「咁多人記得㗎咩？我話俾你聽我操緊呀真係！」

軒仔遭參賽者追數，「我想問吓你着泳衣條數幾時找？」

去到問答環節，有學生問軒仔，自己於社交平台跟人嗌交，但其實他只是想表達自己真正觀點，卻被人攻擊，十分激氣，軒仔認為Social Media已經是我們生活的一部份，是一個讓人發表自己意見的地方，「每一個人都有自己嘅觀點、有自己想講嘅說話，只要唔係好傷害到人，我覺得係應該要互相尊重。我覺得學識去聽人哋嘅說話或者接納人哋嘅意見、學識思考，就算佢講嗰樣嘢唔係自己所認同，都要嘗試去認識，『哦！原來呢個世界有啲人係咁樣諗嘢㗎喎。』我覺得對自己嘅修為、對自己智慧嘅增長都係一個有好嘅提升。」

軒仔與學生分享表達自己真正觀點，以及決自己不開心的方法。

軒仔分享解決自己不開心的方法就是幫助別人，「好多嘅小行為、好多嘅善事你都可以嘗試去做，因為你發現原來喺幫人哋嘅過程當中可以療癒到自己，『勿以善小而不為』，你對你鄰居、對屋企人、對身邊嘅同事、朋友，伸出你嘅援手，你會發現原來自己嘅價值就係喺嗰啲地方體現，而唔係發幾多脾氣、喺網上鬧人，所以希望大家同我都一樣喺日常生活當中、喺呢個修羅場裏面，好好咁提升自己嘅智慧，搵到一個屬於自己嘅遊樂場。」

Gin當晚唱出新歌《Diff.》及《企好》，兩首歌曲亦十分正能量，她認為聽歌是一個很好抒發負能量的方法，有學生問到因為自己想成為youtuber，但父母想他找一些比較踏實的工作，令他十分懊惱，Gin隨即分享自身經歷，「鍾意同擅長係兩樣嘢。如果十個有九個人都話你唱歌好叻，咁就有好大嘅可能你係唱歌好叻，如果你好鍾意唱歌，但得一個人話：『嗯……都可以吖。』咁你就要諗一樣嘢係咪未必啱自己呢。』」

Gin唱出新歌《Diff.》及《企好》。

Gin續說：「好似我想做歌手，一個我好尊敬嘅一位音樂人佢同我講：『你唔應該做歌手，如果你要做歌手，就唔該你廢咗你全身嘅武功，重新學過啦！』嘩！呢一個feedback來自我一個好尊敬嘅音樂人，我聽到嘅時候傷心咗好幾日。我好想去證明俾我得或者唔得，所以我透過自己嘅努力去搵答案，俾個時限自己，如果做到嘅話，咁我就搵到個答案；如果試咗好一段時間都未得，咁我又要再諗一諗呢條路係咪啱自己呢？呢條路其實係好漫長，需要好多毅力、堅持、耐性，當你想放棄嘅時候，你再諗返起你嘅初心。」

Gin又分享自身經歷。

另外，有學生問到，自己經常被誤會「好串」，其實只是不想說話，但又不想解釋，問應該怎樣做。Vincy即道：「好似講緊我咁嘅？」原來她入行初期都遇過這情況，「有啲人認識咗我之後，同我講返以為我好有距離，但識咗我之後原來我都唔係真係咁串，我又覺得幾好，因為當對方深入了解咗你之後就會有個反差。所以我覺得你唔需要去解釋，唔一定個個人都鍾意你，最緊要係你嘅心態，只要你自己覺得其實我個人係唔串嘅，咁就已經好足夠，唔需要迎合別人，做返自己。」而Andy及Aiden則表示會透過做運動來紓緩壓力，Dark感到有壓力時便會寫歌，在歌曲中表達一切。

Vincy分享入行初期被被誤會「好串」的情況。

Aiden洪助昇

Andy黎展峯

Dark黃明德

大合照