晒千元開工利是遭質疑自導自演 的哥公開背後暖心故事

有的士司機新春開工大吉發了新年財，將收到的金牛大利是上載facebook專頁同樂，獲大讚「兔年行大運」的同時也惹來不少葡萄目光，質疑千元利是的可信性，樓主於是公開收大利是背後的暖心故事。

樓主亮出金牛利是，留言「專貴客人上車係唔同啲，一對恩愛老人家」。網上截圖

樓主昨日（23日）下午上載背景為錶頭車費161.1元的千元利是相，留言「專貴客人上車係唔同啲，一對恩愛老人家」。帖文一出隨即獲網民回應「恭喜師兄」、「即刻精神曬」、「兔年行大運」、「新年財」等。但也伴隨不少質疑之聲「會唔會有人信」、「係咪自己屋企人」、「車自己父母就有可能」、「係咪畀錯」、「老人家畀錯咗」、「老人家錯認利是封，拎錯咗！三唔識七，畀100元就大把人信」等 。

面對質疑，樓主公開箇中原委。網上截圖

面對質疑，樓主指「唔信都冇辦法」，並公開箇中原委：「事緣係咁的，一對老人家坐住輪椅等咗半個鐘都無人停去做，之後我就接截佢哋，九龍紅隧返香港仔，之後佢就話我好好人就畀咗封利是我」。

另一位的哥上載相片，發文指「初一開工，多謝！4位富貴貴客」。網上截圖

樓主一番話獲網友力撐，指「我絕對相信，因為未做過輪椅車司係唔會明的。輪椅車客人對司機係叫車長，普通車D客叫你做的士佬」；另有人指「全世界都唔會信，但我信，因為試過」、「我又信喎」。

有的哥展示收到的「十蚊雞」歐羅利是（拆合約85港元）。網上截圖

的哥展示開工所收的利是。網上截圖

網民：畀50蚊利已非常濶佬

另一位的哥也上載相片，發文指「初一開工，多謝！4位富貴貴客」，4封利是分別為1000元、500元、100元和20元。有回應的網民指「畀50蚊利是已經非常濶佬，仲同你三唔識七做乜要畀$500、$1000利是你」、「琴日我都收咗1000蚊， 其實係個客當咗100蚊，我畀返咗個客， 揸住同佢講1000蚊嚟㗎喎」。

有的哥展示紅衫魚利是。網上截圖

的哥展示開工所收的利是。網上截圖

另有人細心看相片後指「燙直咗張銀紙？無摺嘅」、「都唔想話你做假，咁大張金牛同500蚊用咁細個利是封，兩張銀紙一啲摺痕都無，「大佬做假都連下戲丫」。

網友指「三唔識七會封$1000？搵鬼信」。網上截圖

網民質疑另一亮出金牛利是的的哥，指「你燙直咗張銀紙？無摺嘅」。網上截圖

更有網民想到「以後農曆新年要加車租！」，並表示「唔曬錶頭，曬利是封，呃人租車？」、「好多車冇人租咪諗計氹人出嚟開工囉」。至於其他上載利是相片的行家，有人展示收到「十蚊雞」歐羅利是（拆合約85港元），另有紅衫魚利是。

帖文來源：的士司機資訊網 Taxi

的哥新春開工收金牛大利是。

麥記陪伴大家成長，不過大家以為再熟悉的麥記，都不斷有新嘢推出讓人眼前一亮！近日就有港人購買麥當勞外賣熱飲時，發現杯蓋上多了一塊神秘金色圓拱形膠片，並對其用途大感好奇，於是在網上發文詢問網友：「M記呢舊嘢其實有咩用？」

thread圖片

貼文曝光掀起網民熱議，有網民分析指該金色蓋子是用來識別全新推出的「朱古力咖啡」，以防店員出錯：「應該係用黎識別朱古力咖啡」、「麥當勞新出嘅熱朱古力咖啡先有嘅蓋，係幾靚」，還有網民搞笑指，係鹹蛋超人的眼。

鹹蛋超人

thread圖片

另外有自稱食快餐店前員工的網民現身解答，指其實是金色蓋子「防濺蓋」，主要為外賣平台訂單而設：「呢舊野叫防濺蓋，平時外賣平台嗰啲單先有。」，據網友街市，金色蓋的作用是「防止本身個杯蓋既氣孔，於外賣運送途中濺出/噴出高溫液體，以致外賣員/客戶燙傷（因為有人投訴過），所以喺個窿上面加多層蓋」。