胡敏芝見家長會隱瞞藝人身份 文頌男自爆遭刻薄家長刁難

Karen指因為好多家長會覺得娛樂圈好複雜、大染缸。

農曆新年不少正在拍拖少男少女，都會趁機帶另一半返屋企見家長，《不正常愛情研究所》1月26日年初四晚一集的主題是「拜年的特別技巧」，準備見家長的男女要留意。

各位主持分享男女見家長要注意事項。

見家長第一步自然是選購拜年禮物，胡敏芝（Karen）建議送生果，因為方便得來不用諗，雖然略為大路，但勝在易搵。黃紫恩（Jojo）會揀海味，非常見得人，她說︰「不過就要搵阿媽出手揀。」她自爆早前同男友人父母外出吃飯，對方非常好客，為Jojo夾了一口魚，原來自少Jojo就不食魚︰「呢個時候就要坦白，所以我話『Auntie我揀食，由細到大都唔食魚。不過你哋叫餸唔使就我。』」Jojo接受訪問時澄清對方並非男友︰「有埋其他朋友嘅，好多人，當同auntie、uncle吹水。」另外，講起食魚麥惠琪（Susuca）原來都是同路人，非常抗拒話一食魚就嘔。

Karen話送生果拜年易諗又得體。

Susuca同Jojo一樣是「不吃魚的人」。

Susuca同Jojo一樣是「不吃魚的人」。

同家長飯聚閒話家常，好自然話題會轉到「做盛行」，Karen話不打算透露自己藝人身份，她說︰「我唔會講做呢行，會話做freelancer、無業人仕，係教育性質，好似呢個節目咪教育人囉。因為佢哋會覺得娛樂圈好複雜、大染缸。」Jojo認同很多父母覺得娛樂圈三教九流，反而要教育他們。

Karen話好多家長覺得娛樂圈複雜。

吳兆麟（Alan）話一般見家長最常見問題是「你做盛行」同「住邊」。

至於文頌男（Koba）家長，就有過不太愉快經歷，話說有趟跟男友父母見面。其實早在對方母親知道Koba的職業開始，男友母親已不停轟炸，出現「得唔得㗎？娛樂圈啲人好雜」一類問題。今趟Koba親身上門拜會，言談間男友父母單刀直入問︰「想抱孫，可以點？」當場Koba感到非常難堪，有被羞辱感覺，但又不可以發作，到底Koba會如何拆解？

Koba被男友父母問過非常難堪的問題。

Koba被男友父母問過非常難堪的問題。

最後，Jojo總結經驗，呼籲各位準備見家長的男女，食飯最好到酒樓、餐廳之類的地方︰「就算佢哋想講刻薄說話，係街度都唔會太大聲。喺屋企會畀人捉住同你傾好多嘢、冇得走。」

Susuca贊成初次見對方父母，宜選擇出外用膳。

Koba直言：希望可以畀多啲空間我

主持J2節目《不正常愛情研究所》的主持文頌男（Koba）在去年12月確診罹患罕見的尤文氏肉瘤（Ewing's Sarcoma），現已停工休養正接受治療。一直樂觀抗病的Koba經常會在社交平台分享其抗癌點滴，但近日他發長文透露心聲，表示感謝大家的關心之餘，卻成為了負擔。

自揭有大概6×6×4cm的惡性腫瘤在椎間近盤骨附近位置，是罕見病症

一直在樂觀抗病

Koba抗癌起一直收到網民的關心，但他感歎：「自從我病咗之後，好似由感謝大家，變咗服務大家。」他透露收到源源不絕的DM，他明白每個人都想收到回覆，自己亦都很努力地一一回覆，但有部分網民沒收到回覆就會在直播上鬧他：「我知大家都好想同我做朋友，而其實我都好歡迎同大家做朋友，我都嘗試盡量回應晒大家嘅DM，尤其一啲有用嘅資訊，我係好感謝大家提供畀我。奈何實在太多太多嘅訊息，我實在冇辦法回復得晒，尤其是最近呢排每日都痛，根本分散唔到注意力去回覆大量嘅訊息，喺到同大家講句唔好意思，我知道大家都好熱心好關注，我已經收到大家嘅心意。我當然好歡迎大家發訊息畀我，但我未必可以回覆得晒，而儘管我未必可以及時回覆，我都會盡量睇晒大家嘅DM。」

Koba抗癌起一直收到網民的關心

但漸漸覺得自己像是在服務大家

他亦表示自己已經很努力接受大家的建議：「大家畀咗無數咁多、唔同嘅建議我。有啲人又話某啲嘢唔好食，有啲人又話某啲嘢應該食。我食親啲咩都話唔應該食，好似就嚟冇嘢係可以食，就嚟係咩都唔食得。咁我到底應該食啲乜嘢呢？大家建議我食素、戒呢樣戒嗰樣，我都只能夠盡量執行，同我屋企人講聲不如煮呢啲啦。」

他亦表示自己已經很努力接受大家的建議

Koba最後不忘感謝大家：「最後，我真係好感謝大家對我嘅熱心同關心，除咗收到你哋嘅捐款之外，仲有一啲膳食補充劑去幫助控制我嘅病情，冇你哋嘅支持我未必可以走到嚟而家呢一步，我對於以上種種嘅支持同關懷表示感激，多謝大家！同時都希望大家可以畀多啲空間我，體諒一下我。同病魔搏鬥係好辛苦、好困難嘅一件事情，希望大家繼續幫我集氣，打倒呢個大魔王！」