打公仔做四年保安散工變百萬「富翁」 網民：好多嘢事在人為

有網民在facebook討論區轉載圖片講述儲錢故事，指有人4年無當長工，做保安散工也儲到100萬元，引起網友熱烈估計對方如何積小成多變百萬富翁。

相中見到本月11日做半年定期的銀行單，存款為1000000元，利率5.25厘。網上截圖

相片中見到本月11日做半年定期的銀行單，存款為1000000元，利率5.25厘，7月到期時的利息為26034.24大元。數口精的網民連隨計數，指「4年儲100萬，即一年25萬，一個月2萬」、「30日，佢星期六日做埋，一日搵八舊」、「如果凈儲100萬，每月唔食唔住要儲20833元x48月，咁炒散+保安應該要接近35000元先生活到」、「如果你話你住屋企食屋企，搵25000元一個儲20000元洗5000元，好好恆心儲4年，都好勉強講得通」。

網民指「事在人為」。網上截圖

有人續指「一年儲25萬，當佢係公屋仔好慳洗，一年要搵35萬先圍到皮，一係每日煙駁煙咁返兩份先至有咁嘅可能......但好肯定咁返法一定辛苦過做長工」、「返兩份保安，24小時賺錢」。

網民表示「如果長期開足工，一個月儲兩萬係有可能，最緊要忍到手放棄所有享樂」。網上截圖

有網友仔細計算，「如果佢2000蚊真係一個月嘅都可以，佢儲嘅起碼係15000蚊以上一個月，4000蚊就係家用，當佢住公屋1500蚊租，水電煤全部夾埋700蚊，上網費300蚊，即係2500蚊，跟住行路返工，一日三餐1500蚊咁咪可以1個月儲15000蚊」。

網民認為「做防疫保安是有可能」。網上截圖

再有網民估計其生活細節，「住屋企畀2000元家用包埋佢食，每月基本支出主要咪車費電話上網費呢d，加埋呢幾年疫情根本就無娛樂有咩出奇」，有人則提醒「炒散唔代表係兼職，分別只係工資計日薪，而家好興經中介公司請人，中介公司網絡大，真係可以日日有工開」、「都有可能嘅！同屋企人住，唔駛上繳，唔出街，唔拍拖」、「如果長期開足工，一個月儲兩萬係有可能，最緊要忍到手放棄所有享樂」。因此有網友認為「做防疫保安是有可能」、「好多嘢事在人為，看更好處係仲可以屋企附近做，車錢都慳返」。

錯重點的網友反問「定期有5.25里咁高？」。網上截圖

另有網民卻帶諷刺語氣指，「仲要唔使食、唔使住、唔使搭車、唔使著衫添、4年無病無痛 ，「仲要唔使養老豆老母，過時過節唔使畀錢老豆老母，唔洗交稅，無供保險」。說著，有網民則自爆儲錢大計「我諗過㗎啦，去做夜更保安，朝早再做一份，夜晚再返大堂瞓覺，租都唔洗交。中午去公廁沖涼，朝早果份做飲食嘅，慳多兩餐」。

unsplash圖片

見到如此好景，網民紛「求介紹」，問「邊間公司咁好，我都轉行啦」。不過有人錯重點，反問「依家定期有5.25厘咁高？」。

帖文來源：香港單身狗關注組

做4年保安散工儲到100萬，網民指事在人為。

有網民發現日本連鎖超市百貨Don Don Donki 疑似配合新法例，透明的壽司刺身包裝盒變成密封紙盒，但此安排卻引來大批網民狠批。

食肆由22日起開始實施外賣「走塑」轉用紙、木、竹製餐具，有網民發現日本連鎖超市百貨Don Don Donki 疑似配合新法例，透明的壽司刺身包裝盒搖身一變，變成密封紙盒，但此安排卻引來大批網民狠批，有諷指現在買壽司猶如「抽盲盒」。

FB群組圖片

Donki部份外賣壽司、刺身轉用密封紙盒

有網民在「香港茶餐廳及美食關注組」上傳圖片，可看到Donki部份外賣壽司、刺身轉用密封紙盒，代替以往透明封蓋的塑膠便當盒，疑似配合即棄塑膠餐具管制新法例。由相片所見，多款壽司、魚生飯、刺身都轉用新紙盒密封設計包裝，雖然Donki已在紙盒上貼上相應壽司刺身的產品相片，供客人參考，但顧客卻無法看清內裏食物的真貎。

FB群組圖片

FB群組圖片

示意圖。《愛回家》劇照

無法知道新唔新鮮成最大問題

網友同時亦貼出一間超市的壽司冷凍櫃相片作比較，見到依然是選用透明包裝盒，他寫到「一個唔知新唔新鮮，有幾多件都唔知，盲盒；一個仲見到自己食咩，新唔新鮮。」更笑諷現在在Donki買壽司猶如「抽盲盒」！

FB群組圖片

網民不解：法例沒有禁止使用透明塑膠盒售賣刺身

而在同一天，亦有網民上載類似的貼文，寫到「又係走塑時間啦 咁都可以？ 咁點知新唔新鮮 靚唔靚仔？」對於Donki的新安排，大部份網民對都有微言，他們諷刺新外賣包裝猶如「抽盲盒」、「扭蛋咁款好刺激」，無法目測壽司、刺身是否新鮮；亦有網民質疑「係Donki 玩嘢！法例沒有禁止使用透明塑膠盒售賣刺身，壽司及其他預製食品。」不明白Donki 為何要換紙盒包裝。笑嘆「所以營利大倒退，咁天材橋，一定天材高層設計出來」、更有人笑指「啲人話係紙盒藏司啦」亦有網民指出紙盒放生壽司，其實會好易有菌等。