譚小環同老公蔡強榮（Eric）結婚踏入第9年，今日Eric4年前在夜場咀女相流出，小環就此回應謂：「經過冷靜，明白到兩夫婦相處總有波折，感情係要維繫的，雖然仍然好唔開心，但都接受老公道歉及諒解他！」
資料圖
小環承認有同Eric了解事件，老公亦誠意道歉認錯，並承諾不會重覆犯錯，不過她坦言，現時與老公正處於冷靜期。
上年六月，有雜誌拍攝到蔡強榮在有婦之夫偷食勝地圓方蜜會長髮索女，更大玩捉手仔，疑似背妻偷食。小環較老公講得更肉緊：「我係百分百相信我老公，好清楚佢係為咗公事而約會！」
資料圖