馬浚偉親證港台TVB冇不和 坦言完全唔知老友劉心悠結婚

馬浚偉指TVB和香港電台關係好好！

香港電台2月2日舉行新春團拜，商務及經濟發展局局長丘應樺與廣播處長張國財擔任主禮嘉賓，各大電子傳媒機構均有派代表出席。

香港電台2月2日舉行新春團拜，各大電子傳媒機構均有派代表出席。

廣播處長張國財擔任主禮嘉賓。

商務及經濟發展局局長丘應樺與廣播處長張國財。

張國財宣布港台來年節目和發展，包括五月舉行的《廣播95年-十大中文金曲頒獎音樂會》，意味港台與TVB去年合辦的《香港金曲頒獎典禮》成絕響，兩台分開舉辦頒獎禮。另外，林智樂與組合VSing、潘雲峰（糖兄）聯同二胡演奏家朱芸編，以及「新時代奮鬥者」學員等擔任表演嘉賓。

香港電台2月2日舉行新春團拜。

香港電台2月2日舉行新春團拜。

香港電台創作總監馬浚偉表示今年很多演藝工作，籌辦舞台劇及一部電影，另外其監製的港台劇《我們的畢業禮》將於4月播出，亦構思飲食和音樂節目。此外，馬浚偉今年報讀兩個碩士課程，包括下星期開學的神學課程，以及教育大學的課程，還有一些義務性質的公職在身，非常忙碌。對於有傳港台與TVB鬧不和而分開舉辦頒獎禮，馬浚偉表示以他所知，上年合作第一屆是因為疫情關係，雙方並不打算長久合作，他說：「以我所知，並無任何不和，志偉哥和香港電台關係好好，所以應該不存在任何不和，我覺得分開舉行好辦一些。」

馬浚偉今年報讀兩個碩士課程，忙到不得了。

問到若果志偉邀請會否返娘家拍劇？馬浚偉表示若志偉哥和珍姐（曾勵珍）開聲叫到一定返，但時間方面有難度，笑言除非與好友鍾嘉欣、陳法拉和楊茜堯合作便即刻應承。提到好友劉心悠秘婚，馬浚偉即說：「衰嘢，佢守得好密，我完全唔知。等佢過完蜜月期，我捉佢出嚟大興問罪之師，然後請佢同佢老公食飯，佢老公係點嘅樣、係邊個我都唔知！」

馬仔坦言完全唔知老友劉心悠結婚。

馬浚偉

《新城體育會》再出動打羽毛球！

《新城體育會》昨日（4月24日）舉辦了第三次羽毛球活動，新城廣播有限公司首席營運總監馬浚偉帶領「新城羽毛球隊」，邀請歌手郭偉亮（Eric Kwok）、黎展峯（Andy）及龔柯允（Karen）齊齊打羽毛球揮灑汗水，而新城知訊台台長程凱欣亦首次落場，獲得馬浚偉大讚台長：「打得好好喎！」台長更貼心地一直陪著自嘲來執波的龔柯允打波，馬浚偉更鼓勵Karen：「肯出嚟做運動，出身汗，已經好好啦！」

《新城體育會》昨日（4月24日）再出動打羽毛球。

郭偉亮打波反應快 但自言冇乜耐性
眾所周知Eric Kwok熱愛滑雪，但他其實同樣熱愛羽毛球，Eric Kwok表示：「我個幾禮拜就會打一次羽毛球，都打咗十幾年，啱啱返香港時成日同趙增熹一齊打，嗰時操得好勁，一星期打兩三次，又有教練教，但自從做咗XiX經理人之後就冇再打。」他解釋因之前打羽毛球拉傷膊頭，故休息了兩個月沒再打。

今次是Eric Kwok相隔十年再跟馬浚偉打羽毛球，他憶述：「我記得大概係十年前，有個唔知咩比賽同馬生打過一次，印象中佢打得好好，佢又高，有晒打羽毛球的身形。」問Eric Kwok有甚麼絕招？他笑言：「絕招就係好快打完，我冇乜耐力，但反應快，始終都係要練習。」

Eric Kwok同陳奕迅（Eason）老友鬼鬼，二人亦經常相約打波，他表示：「佢本身係打網球，我有一排都同佢打羽毛球，佢都打得好好。（邊個勁啲？）網球佢勁我好多，因為佢主力打網球，羽毛球我打得耐過佢，有時會教佢，但最主要我哋玩雙打好開心，我哋好夾、好有默契，又唔會爭波打，唔會在乎輸贏，同佢打波好開心，佢成日笑。」

黎展峯小時候獲任職羽毛球教練外公教授羽毛球技。

嬌小龔柯允原來是籃球健將，馬浚偉承諾稍後安排打籃球。

黎展峯靠做運動減壓 最近學耕田
黎展峯（Andy）球技似模似樣，他透露小時候獲任職羽毛球教練的外公教他打羽毛球，所以自小已打羽毛球，他笑言：「我身高183cm，係高度取勝，唔打得都睇得，但技術要再鍛鍊，平時都會約同公司的歌手黃明德打籃球，當自己有壓力或者想抒發吓就會做運動。」而近日他更一嘗耕田滋味：「我朋友有個地方自己種菜，唔係玩盆栽仔嗰啲，真係有塊田要除草、翻土，成件事身心都好健康，本來以為好易，但原來要用晒成身，仲辛苦過跑步。」

龔柯允自嘲來執波 興奮獲馬浚偉承諾安排打籃球
至於龔柯允（Karen）則自嘲是來「執波」，她稱：「我係鄉下式打法，完全冇技巧可言，所以過嚟執波，或者搵Eric sir教我。」不過身形嬌小的龔柯允，原來是籃球校隊，她笑稱：「如果唔打會更加矮，同埋因為高度問題，冇辦法落場，雖然爸爸係籃球會主席，但佢唔會因為咁偏心我，反而自己會游水、跑步、踩單車，練吓肺活量，對唱歌好有幫助。」馬浚偉並向她許下諾言，稍後安排打籃球，Karen聽到後，十分興奮表示一定報名出席！

郭偉亮自爆打波絕招……就是……好快打完！

馬浚偉與郭偉亮、黎展峯、教練Arthur玩雙打。