栢天男認為就算相處幾唔舒服都有方法，只要你真誠對人，人哋一定會真誠對番你。
由黃子華及謝君豪等人主演的《毒舌大狀》上映短短12日，已衝破6000萬票房，走勢凌厲，創下香港史上港產片最快紀錄票房。今年多部賀歲片當中，《毒舌大狀》在口碑與票房兩大方面均創下佳績。
點擊看圖輯
栢天男
合作得好開心！
鏡頭後有可愛一面。
栢天男話今次獲益良多！
栢天男飾演廖子妤的入贅老公，周旋於廖子妤與王丹妮之間。
其實戲中有不少這段三角關係的情節。
究竟喺戲入面嘅栢天男，係一個點樣嘅人？
呢段婚姻經歷過好風雨。
結局係出人意表。
呢段母女情係好溫馨。
王丹妮陷入冤獄！
因愛變成恨！
故事好引人入勝！
三角關係！
模特兒出身的栢天男亦有份參與演出。
法庭戲的戲味極濃！
個個都係好戲之人！
大家傾得好開心！
同黃子華合作好大得着。
謝君豪。
今次嘅角色同以前好唔同。
栢天男從小在澳洲長大。
栢天男細個原來係肥仔。
越大越靚仔！
小鮮肉係吸引。
栢天男話：「本來我唔鍾意睇番以前啲戲，但係有好多老師講過係一定要睇，所以我係會迫自己睇，睇吓嗰陣點解要做呢個選擇，有啲位真係要做功課，越做越好玩，係冇入錯行。」
好MAN！
操到好FIT！
同鄭嘉穎首次合作。
栢天男
《P風暴》
栢天男話佢每次拍戲之都會做功課。
栢天男話佢每次拍戲之都會做功課。
原來栢天男喺童年時有好多唔lucky嘅經歷。
《逃獄兄弟》
晒肌！
好有暖男feel。
栢天男話：「而家我要搵啲對演藝事業有幫助嘅嘢，唔係樣樣都要，清楚知道自己想點行，好似以前為咗瘦乜都唔食，但係而家唔會，啱嘅時候要做啱嘅嘢，俾番少少開心自己。」
栢天男亦自覺是一個很幸運的人。
希望下一個10年有另一個轉變。
栢天男
合作得好開心！
鏡頭後有可愛一面。
栢天男話今次獲益良多！
入行超過10年、模特兒出身的栢天男亦有份參與演出，今次他飾演廖子妤的入贅老公，周旋於有錢老婆廖子妤與情婦王丹妮之間，因為女兒的死，王丹妮被控虐兒，其後在黃子華的一次失誤，令王丹妮被判誤殺罪入獄17年，兩年後出現新證據，黃子華堅持為她翻案，最後發現兇手原來是栢天男。
栢天男飾演廖子妤的入贅老公，周旋於廖子妤與王丹妮之間。
其實戲中有不少這段三角關係的情節。
究竟喺戲入面嘅栢天男，係一個點樣嘅人？
呢段婚姻經歷過好風雨。
結局係出人意表。
呢段母女情係好溫馨。
王丹妮陷入冤獄！
因愛變成恨！
雖然有不少人看完電影後，覺得栢天男、廖子妤與王丹妮之間的感情線單薄，但對於栢天男而言，他坦言今次是個難忘的經歷，亦會當作是一個十年的考驗，鑑於過往的成長路曾有不快經歷，希望能藉着每次的演出，能夠有更多人了解他的故事。
故事好引人入勝！
三角關係！
模特兒出身的栢天男亦有份參與演出。
法庭戲的戲味極濃！
個個都係好戲之人！
大家傾得好開心！
訪問在《毒舌》的謝票活動前進行，栢天男似乎很着緊外界對這部電影的評價，對於三人的感情線，他認同欠少少交代：「其實係拍咗好多，我亦做足晒功課，不過所以嘢等導演去安排，我有好多朋友睇完都打畀我，冇諗過我會接呢啲角色，我諗自己係時候要有個轉變。」栢天男飾演鍾京頤這個角色，全程對白不多，主要靠眼神和肢體動作去交代：「呢次都一個挑戰，導演同我講，叫我唔可以做得太多，同埋我要搵個安全島，當佢哋揭發咗少少嘢嘅時候，要有個位去走，所以好多嘢要好輕微咁做，對我嚟講本來講中文係有少少障礙，但係今次係冇咗個障礙，好似仲舒服，唔使專注喺語言而係靠感覺。」他還說：「我哋喺法庭拍咗4日戲，觀眾席嗰啲人最初唔知道發生乜嘢事，拍咗一段日子之後，眼神開始改變，好似拆穿咗件事，知道呢個人係為咗乜嘢事，點解要做咁嘅決定，嗰陣好似有100個人用對眼喺度拆穿我，係好開心，係好特別嘅經歷。」
同黃子華合作好大得着。
謝君豪。
今次嘅角色同以前好唔同。
栢天男從小在澳洲長大，爸爸是蒙古人，媽媽則是上海人，當年在新南威爾士大學修讀藝術與設計，畢業後到一度到荷蘭工作，2011年返港轉行做模特兒再轉型為演員，入行初期曾有「翻版金城武」之稱，首次參演的電影是《L風暴》，到底是未有受過正統的演藝訓練，難免會有碰釘的時候：「嗰陣做model，最緊要chok同型，但係而家要有原因去chok，而唔係chok住先。啱啱嚟仲有好多嘢都好模糊，為咗交屋租，好多嘢都會做，我記得啱啱入行拍嘢，試過俾導演勁鬧，佢問我做乜企喺度？做乜chok到咁嘅樣，駛唔駛咁？嗰陣我都唔知，平時都係做呢啲嘢，咪做住先，好似個杯，載滿晒啲chok樣、點着衫同企位，但原來係要倒晒佢，由頭再學過，重新再裝滿啲新嘢，到咗而家會深好多，會裝啲茶入去，睇落有啲唔同，好似俾人感覺成熟啲。」他續說：「而家我要搵啲對演藝事業有幫助嘅嘢，唔係樣樣都要，清楚知道自己想點行，好似以前為咗瘦乜都唔食，但係而家唔會，啱嘅時候要做啱嘅嘢，俾番少少開心自己。」
栢天男從小在澳洲長大。
栢天男細個原來係肥仔。
越大越靚仔！
小鮮肉係吸引。
栢天男自覺是一個很幸運的人，入行至今遇上不少前輩，每次合作都有不少啟發，其中一個是廖啟智：「拍完《L》冇機會坐底傾，最多係喺慶功宴見到傾幾句，直到拍《P風暴》，佢問我拍成點，我真心同佢講覺得自己做得唔好，佢就話OK喇，咁即係承認自己有進步空間，咁先有進步，之後又跟過智叔上過10堂戲，佢講嘅嘢好似係好簡單，但係諗真啲係會對你有領悟。」
栢天男話：「本來我唔鍾意睇番以前啲戲，但係有好多老師講過係一定要睇，所以我係會迫自己睇，睇吓嗰陣點解要做呢個選擇，有啲位真係要做功課，越做越好玩，係冇入錯行。」
好MAN！
之後到拍《毒舌大狀》，栢天男遇上Ceci老師（伍潔茵），簡直好似被「點醒」，他笑說：「因為佢嘅另一半係英國華人，我就係澳洲華人，好明白我嘅心態，老師話我做角色嘅時候，係會比人哋特別多障礙，因為我有個西方諗法，又有一個唔咸唔淡嘅世界同地道嘅香港諗法，甚至仲有個華語嘅諗法，所以我做緊嘅時候，叫我要放棄某啲思想同諗法。今次演出同導演嘅諗法係有啲唔同，最初係會喊多咗，但係導演叫我再收多啲，初初都有啲疑問，就咁就得？但係導演覺得嗰刻劇本需要咁做，充份做到嗰樣嘢就得，唔好加太多嘢入去。」
操到好FIT！
同鄭嘉穎首次合作。
經過今次之後，栢天男對演戲又有一個大啟發：「我學識咗點樣做一個活生生嘅人，當然仲有好多學習空間，之前係單方面，成件事係2D，憎你就憎你，愛你就愛你，但係而家係愛得嚟憎你，憎得嚟係愛你，甚至乎暪得嚟又想俾人知，深咗好多，我相信以後嘅角色係會好唔同，可以大膽啲試多啲嘢，好似謝君豪咁講，佢拍完戲就會話『搞掂，我又要揣摩新嘅角色』，好深刻，原來唔會留喺一個空間停留，要不停咁做，要搵新嘅資源投入新角色，新挑戰。」
栢天男
《P風暴》
栢天男話佢每次拍戲之都會做功課。
栢天男話佢每次拍戲之都會做功課。
栢天男又笑言搣甩「翻版金城武」呢個名，人到40要重新開始：「我有好多計劃，希望嚟緊可以做精神分裂角色或者變態殺手嘅角色，我喺澳洲長大，父母都好保護，但係偏偏有好多唔lucky嘅嘢，有啲連爸爸媽媽都唔知，我試過喺學校俾心恰，掟石仔，又有同學唔鍾意我父母，另外啲家長又唔了解我，到做嘢嗰陣又試過俾人推埋一邊，有好多委屈，做《逃獄兄弟》未出晒， 好想俾人了解或者間接講番個故仔俾人知，原來我喺澳洲經歷過咁多嘢，所以希望之後有一個更高嘅角色，俾我多啲機會去表達，應該可以好滿足。」他還說：「以前唔係好敢同人傾偈，好驚阻住人哋做嘢，好細膽，但係而家唔會，面皮厚咗好多，我唔會怕對方，就算相處幾唔舒服都有方法，只要你真誠對人，人哋一定會真誠對番你。」
原來栢天男喺童年時有好多唔lucky嘅經歷。
《逃獄兄弟》
晒肌！
好有暖男feel。
栢天男話：「而家我要搵啲對演藝事業有幫助嘅嘢，唔係樣樣都要，清楚知道自己想點行，好似以前為咗瘦乜都唔食，但係而家唔會，啱嘅時候要做啱嘅嘢，俾番少少開心自己。」
栢天男亦自覺是一個很幸運的人。
希望下一個10年有另一個轉變。
