由張婉婷執導的紀錄片《給十九歲的我》因片中其中多名主角向雜誌以萬字文大控訴，指校方及導演張婉婷未有理會學生反對，堅決讓電影公映，引起網民熱烈討論，而疑「被上鏡」的本港單車運動員李慧詩亦公開表示對電影製作、拍攝以至導演張婉婷處理手法不滿，事件風波不斷，張婉婷昨日宣佈電影2月6日開始暫停上映，直至釐清所有法律問題後，再作下一步安排.
剛奪香港電影評論學會「最佳電影」榮譽的《給十九歲的我》，在爭議聲中暫停公映。
導演張婉婷在電影爆出爭議後仍連走多場分享會。
今早她接受商台節目《在睛朗的一天出發》電話訪問，對於今次未得到6位同學的一致同意而公開放映，她說：「所有嘢都係要法、理、情呢三方面，法律方面，我都唔想講，係唔可以用法律嚟隔啲女仔，所以我覺得學校其實都有做，理同情，我諗我哋喺情嗰邊做得唔足夠，所以令到女仔咁困擾，喺呢方面我係要道歉。」
點擊看圖輯
剛奪香港電影評論學會「最佳電影」榮譽的《給十九歲的我》，在爭議聲中暫停公映。
導演張婉婷在電影爆出爭議後仍連走多場分享會。
導演張婉婷在記者會後仍有現身暫停公映前最後一場分享會。
張婉婷在旺角一家戲院出席暫停公映前最後一場分享會時，被一名光頭男子離遠指罵。
現場戲院工作人員嘗試阻止光頭男走近張婉婷。
光頭男離遠爆粗指罵張婉婷。
不斷爆粗說：X你老母張婉婷！
又大鬧：食人血饅頭！
張婉婷被嚇至差點跌倒。
張婉婷被嚇至差點跌倒。
張婉婷傍晚臨時開記者會公開交代事件。
反對公開放映的「阿聆」，一直沒有參與電影宣傳活動。
《給十九歲的我》劇照。
【張婉婷《給十九歲的我》分享會】：
導演張婉婷在記者會後仍有現身暫停公映前最後一場分享會。
張婉婷在旺角一家戲院出席暫停公映前最後一場分享會時，被一名光頭男子離遠指罵。
現場戲院工作人員嘗試阻止光頭男走近張婉婷。
光頭男離遠爆粗指罵張婉婷。
不斷爆粗說：X你老母張婉婷！
又大鬧：食人血饅頭！
張婉婷被嚇至差點跌倒。
張婉婷被嚇至差點跌倒。
張婉婷亦坦言對事件的演變感到有點愕然：「我哋識咗10年，以為係好friend，除咗喺學校拍攝之外，仲有拍其他短片，又或者去佢哋啲工作，好似接廣告，我都會幫佢哋睇，又或者想租啲地方搞聯校活動，我都會幫佢哋搵啲免費場地，我喺情方面，以為呢個係喺咁多年入面，係有一個聯繫喺度，但顯然應該要做多啲。」主持問到這些部份有否包括阿聆在內？張婉婷表示有，其後再問何時得知對方一直不希望公開放映一事？張婉婷則說：「我之前都有同啲女仔講過會公開放映，所有當事人都在場，只係有一個女仔走咗話唔想拍，其實係可以隨意走，人係比電影重要，任何女仔係可以隨時離開唔拍，喺佢哋F5、F6嘅時候，我同佢哋講話有發行公司對呢部戲好有興趣，繼續留喺度嗰啲，我理解為係接受咗發行呢一件事。」
張婉婷傍晚臨時開記者會公開交代事件。
阿聆曾經在訪問上提過，以為公開只是DVD，以及校內籌款，未有想過是公開放映，張婉婷亦說：「或者係有呢個誤解，我話係喺戲院做，佢哋好高興，咁係戲院做即係公開放映，我係電影界係會理解，但佢哋係學生，可能唔理解。」主持再問期間阿聆有否強烈表達不希望公開放映？張婉婷則說：「之後就有喇！我哋剪好晒，喺校內一個籌款活動度播，阿聆就話佢唔想呢套戲公開放映，我哋研究咗都一段時間，由校內放映到電影節，差唔多有8個月喺度研討，點樣處理呢套戲，嗰陣時佢都可以包場或者做電影節，公開放映係有保留，總之係唔想有咁多觀眾，不過我真係唔係好理解，包場同電影節都有好多觀眾，所以而家知道佢有呢個諗法，慢慢同佢傾，我希望大家唔好炮轟佢，佢應該唔習慣面對傳媒。」
後來，主持表示希望了解事件，阿聆由始至終都未有簽同意書，但為何仍會公開放映？張婉婷則說：「學校一直都尊重佢嘅意願，一直都包場，嗰陣觀眾對電影同角色反應好好，覺得片中啲女仔好勇敢同可愛，覺得公映唔會有負面影響，所以喺今年2月決定公映。」張婉婷又指，參演學生於2011年曾簽署公映同意書內，已經認同會有放映活動：「阿聆嘅家人都話畀我哋知似平復咗，而且佢嘅家人亦有到場觀影，大家都認為阿聆已解開心結，於是喺阿聆無簽署第二份同意書下決定公映，我哋唔知道原來佢有咁多問題喺度，我作為導演，覺得外間對佢哋所有評論都係正面，完全冇負面，係安心嘅，就算簽咗乜嘢，我哋都唔會用法律加諸喺佢哋身上。」
反對公開放映的「阿聆」，一直沒有參與電影宣傳活動。
張婉婷亦坦承如果她真的係不願意公映，電影將不再上映：「我想向佢表達，我對佢嘅困擾真係唔好意思，係我對佢唔住，希望佢仲記得我哋呢10年嘅情誼，你開心返啲啦，我哋而家唔做喇！」她又指呼籲大家不要騷擾她，她不習慣面對這類事情。
另一方面，對於李慧詩對「成為電影一部份」不知情及感到不滿，張婉婷亦指打算向她道歉，原來她都是不知情。她指當日是單車隊的榮譽董事負責安排採訪:「有同佢講我哋係一個學校紀錄片嚟嘅，因為唔係好知點樣同青少年解，比賽定係讀書呢個二選一嘅難題，所以李慧詩能夠談談其經歷，藉以作鼓勵。」但她承認，李慧詩倘在不知情下成為電影一部份，相信對方會感到錯愕：「如果李慧詩唔知情，我都想打電話同佢道歉。」
《給十九歲的我》劇照。
至於受到外界攻擊，張婉婷被問情緒有否受困擾，她只說：「我而家都唔講呢啲，只係希望有份參與呢套戲嘅人，大家互相研究同幫助。」她又稱自從男友羅啟銳去世後，心中就像有個「黑洞」:「電影上畫就好似俾咗個花園仔我，去灌溉，好忙咁樣栽種，就可以避免成日跌入黑洞。而家花園仔就遇到颶風，而家就去咗黑森林自己摸索緊。」
