置業乃人生大事，買樓「加唔加名」卻往往成為夫婦拗撬甚至婚變導火線。有網民正為此事頭痛，在討論區呻「同女朋友就結婚，佢要求層樓要加佢個名」。
樓主先講背景「話說層樓係家人出錢買嚟畀我嘅，女朋友就無份出過錢嘅。準備結婚，佢話佢媽想層樓加埋佢名，因為呢個家將來都有佢份，加名好正常」。但樓主擔心「而家婚都未結就嘈住加名，我點知佢會唔會結無耐就離婚分家產」。
樓主續指「如果本身佢都有份供，加係好正常，問題而家係無嘛，我就堅持唔加名，如果傾唔啱數最多唔結婚啫」，並指女朋友「嘈嘈閉話我唔愛佢，唔公平，話唔為將來諗」。樓主沒好氣地指「咁公平唔見佢開聯名戶口擺晒d錢出嚟，龍門陣任佢擺到極點」。
樓主在回應提問時引述女朋友指，「而家組織一個家庭，唔係淨係計付出金錢，佢精神力量上都會付出為呢個屋企，同加名係因為萬一之後會離婚佢就無居所喎」。
樓主指「層樓係家人出錢買嚟畀我嘅」。網上截圖
對於樓主呻至樹葉落清，有網友從金錢角度公看，指「有份夾錢就有佢份，冇份夾錢講咩個家佢有份」。有醒目網友則建議「同佢講唔加，留番個首置名額，第時出錢買一層寫佢名」、「同佢講應該留個自置名義，他日買第二間」、「緊係留番個首置名額喇，十年後買多層慳成百萬」。
網民獻計「同佢講唔加，留番個首置名額，第時出錢買一層寫佢名」。網上截圖
另有人獻計，「你將層樓轉做你娘親嘅名，咁將來你離婚，呢個女人都唔會分到層樓」、或「叫佢比返一半咪ok囉，d錢又唔係你嘅，有乜就躂屋企人朵」、「話屋企人唔准，一定要加就分」。
買樓乃人生大事。資料圖片
不過亦有網民支持加名，指「加囉，都結婚啦，咁都唔加即係唔信對方，咁不如唔好結」、「加啦，結得婚預一世架啦」。
帖文來源：連登討論區
有網民支持加名。網上截圖
網友發起投票，原來大多數港人會帶備「呢個數」遠走他鄉。
示意圖片
港爸部署2026年一家四口移民英國 帶備370萬港幣開始新生活
近年來有不少港人遠走他鄉，移居外國展開新生活，近日就有一名網友詢問大家意見，指自己部署2026年一家四口帶備370萬港幣移民英國，為了心中有數，他提前兩年為全家移民鋪路，在網上向同路人查詢錢銀事宜，想了解大家普遍會帶備多少存款移居他鄉。
該網友早前在fb群組「曼徹斯特香港谷 英國 曼城 香港人」發帖並發起投票，他透露自己準備帶定370萬元移民，並預留一年多時間安排交接，他坦言在英國人生路不熟，自己為整個家庭做出移民的決定，實在感到有些徬徨。
370萬準備買樓+前期開銷+流動現金
對於370萬如何花費，港爸指自己準備在當地一筆過買介乎180萬至220萬元的住宅自住，而初初移民到當地的前期開銷預計在20萬元以內，至於流動現金則預計要100萬元，他又指若提早至今年底便出發的話，預料可儲備350萬至370萬元。
在港生意繼續 月入3萬至5萬
港爸又指，自己在港聘有20多名員工的生意將繼續，而靠這生意，之後每月可以維持大約3萬至5萬港幣的收入，故此他在當地亦毋須急於搵工。港爸談到自己為何決定移民，則主要為是孩子的教育著想，至於最放不下的，便是堅持留港的「四大長老」。
示意圖片
身為一家之主，壓力之大可想而知。港爸擔心370萬港幣不夠負擔一家大細的生活，故決定在網上咨詢過來人的意見，「初頭籌措幾多錢移民過英國？」，所謂他鄉遇故人，兩眼淚汪汪，本著港人守望相助的精神，一眾移居他鄉的網民紛紛熱烈響應其發起的投票。
Google地圖圖片
投票結果出爐 最多人帶備100萬以內移民
港爸發起投票後，頭三甲投票結果出爐，依次為帶100萬內（34%）、500萬—700萬（15%）和100萬—300萬（13%）。熱心網友們也紛紛留言發表自己的意見，有人指，「以預有300幾萬港元，買間200幾萬的樓，扣埋之前廿幾萬移英成本，仲淨幾十萬，只要搵份工做，短期內冇問題的，如細路再大點，兩公婆都工作就完全冇問題了」、「如果你一早interview（見工）定然後等有offer（聘請）先舉家移民，俾完BNO visa、NHS（ National Health Service，國民保健）同預支一年屋租之後預£1000（折合約9884港元）都夠.....」、
