約滿TVB自由身接Job 72歲程可為自爆曾有一段時間心情好難過

程可為在1972年入行後，到了1983年因為移民而離開了電視圈十多年，不過因為太愛演戲的關係，最後1996年回流返港繼續拍戲，結果一拍就拍咗27年，今次再度離巢，原來亦有一段故事，她說：「起初無綫唔再包薪同我續約，改為簽一年一個騷，我真係有一段時間係好唔開心，好難過，好似畀人離棄咁。不過事後自己放寬去諗，經濟唔好再加上我又年紀大，變咗要諗返人哋嘅處境，體諒下人，盡量唔好令自己難過，就會變得開心啲。」目前程可為拍港台電視劇，大部份時間在晚上10點就會收工，甚少會拍到天光，相比之下適合她現時的生活模式。

程可為早前與林建明等人一同出席訓練班聚會。

程可為亦是圈中出名的富婆！

入行多年的程可為參與過不少演出，但大多數是獲指派母親或長輩級數角色，其中包括2009年《宮心計》演蔡尚宮及2011年《紫禁驚雷》演太皇太后，她曾經表示：「我係一個冇野心嘅女人，但係好多同期同學以為我係好大野心，記得拍《乘風破浪》嗰陣，我角色好似成日教人、好似要話事咁，可能呢個觀念擺在落去佢哋個腦，佢哋覺得我係好大野心，好想向上爬，要做多啲角色出名。我真係冇，覺得自己打份工，從來冇諗過要爭出鏡，令自己受人注意，我嘅個性唔係咁，所以做咁多年冇咩仇家，冇咩人唔鍾意我，原因我根本唔同佢哋搶。做人係要實實際際、腳踏實地，總言之盡自己嘅能力，唔係話一定會成功，但係做乜嘢都要盡力，問心無愧已經OK。」

程可為入行多年，因經常飾演母親及慈母等角色而被封御用阿媽。

拍《乘風破浪》被誤認是一個有野心的人。