觀塘寶馬連撞3的士不顧而去 《正義迴廊》「演員」的哥遭殃

演員黃華和所駕的士被撞毀 「我睇住佢揈埋嚟 好驚險」

讀者提供的車cam片段所見，涉事寶馬事發時失控極速越過對面行車線，全車打橫越過雙白線返回往聯合醫院方向的行車線，其間發出極大的跣軚聲。

被撞的士車尾嚴重損毀。

其中一輛被撞的士，車尾嚴重損毀。該的士司機為演員黃華和。黃表示他當時剛下車準備吃飯，只行了約十步。「佢先撞對面，跟住打白鴿轉揈過嚟，先揈呢架（的士），再揈我嗰架（的士）。我睇住佢揈埋嚟，好驚險。如果我落唔到車，咪跟住架車揈，好似打波子機。我轉身睇，佢（寶馬）車尾爛晒，佢好快走咗。 」

涉事寶馬車頭有紅色漆油迹。

黃華和說，有戲拍時就是演員，其他時間則駕的士。最近大熱電影《正義迴廊》中，黃華和飾演其中一名陪審團成員。黃華和任職演員逾30年，其中在杜琪峯執導的《PTU》系列電影中，演老差骨「白頭佬」一角。但黃表示想低調處理事件，故不肯上鏡。